Numeri 19:11 - সান্তালী বাইবেল

¹¹ “Jãhãege jãhãn mạ̃ṛĩye joṭed enḍekhan uni do eae din hạbicʼ besapha akane tahena.

Numeri 19:11 Iomraidhean Croise

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Rak̕joṅ 4:14

Onko do kãṛãko leka kulhikoreko dãṛãnkan tahẽkana; onko do mãyãmte nonkako bhonḍ akana, celege onkoakʼ kicricʼ do bako joṭetʼetʼ tahẽkana.

Jeheskel 39:12

Israelko do eae cando hạbicʼ onkoakʼ topa iạte disạmko bhonḍa.

Jeheskel 44:26

Are saphalen tayom uni do eae din hạbicʼ tạṅgi hataṛ hoyokʼtaea.

Levitikus 11:31

Kạṭicʼ jiwiyanko modre noko do ape lạgitʼko besaphagea. Nokoakʼ mạ̃ṛĩ okoeye joṭed uni hõ ạyupʼ hạbicʼ besapha akane tahena.

Levitikus 21:1

Inạ tayom Probhu Isor do Moseye metadea, “Am do naekeko, metakʼme Aronren hoponko galmarao akome, onkoren peṛako modre jãhãegeye gocʼlenre ona iạte naeke do acʼ apnartetʼ aloe besaphakʼma.

Levitikus 21:11

Mạ̃ṛĩ menakʼ onkan ṭhạ̃ite bae calakʼa. Jãhãe gocʼ hoṛ iạte, se acʼren gogo babakin gujukʼ iạte hõ bae besapha daṛeakʼa ar acʼren Isorakʼ sonot ḍera bạgikate okatehõ bae oḍokokʼa se ona reakʼ sonottetʼ do bae nosṭo ocoya, ente uniren Isor do ojokʼ bahalokʼ sunumteye begar dohoakadea. Ar Iń kangeạń aperen Probhu Isor do.

Levitikus 22:4

Hoṛmo reakʼ harta ruạ se besaphawakʼ oḍokokʼ oktere Aron bõsren jãhãege ạuriko saphakʼ hạbicʼ samaṅ akatʼ sonotakʼ jinis do bako jom daṛeakʼa. Mạ̃ṛĩre jakʼ akan jãhãn jinisge jãhãeye joṭed se herelakʼ itạ se jãhãn besapha huḍiń jiwiyanko se bhõnḍ akan hoṛe joṭede-metakʼme onko hotete hoṛko besaphakʼ, enḍekhan uni do ạyupʼ hạbicʼ besapha akane tahena. Ar ạuriye ḍạbrạ saphakʼ hạbicʼ samaṅakʼ jãhãn sonotakʼ jinis do bae jom daṛeakʼa.

Levitikus 5:2

“Ar jãhãe begor baḍaete jãhãn besaphawakʼe joṭetʼ eman lekhan uni do besapha ar dusi hoṛe hoyokʼa, baṅ do besapha janwar ar ạsul janwarakʼ mạ̃ṛĩkan ar baṅ do leńokʼ ṭunḍạṅkan kạṭicʼ jãhãnkoakʼ mạ̃ṛĩkan.

Hagae 2:13

Unre Hagaeye metatʼkoa, “Gocʼ hoṛe joṭetʼ akade iạteye bhonḍ akan nonkan jãhãe hoṛ noako reakʼ mitʼṭecʼe joṭetʼ tiyog, enḍekhan ona jinis do cetʼ bhonḍakʼ hoyokʼa? ” Naekeko roṛ ruạṛkeda, “Hẽ, ona do bhonḍakʼge hoyokʼa.”

Numeri 19:16

“Lạṛhại iạte se ṭạnḍireye gocʼakan nonkanicʼe joṭetʼ akade hoṛ hõ eae din hạbicʼ besapha akane tahena. Jãhãege topa se manwa jaṅe joṭed uni hõ eae din hạbicʼ besapha akane tahena.

Numeri 31:19

“Ar ape modre okoe do hoṛpe gocʼakatʼko se gocʼ hoṛpe joṭetʼ akatʼko khan onko eae din hạbicʼ ḍera bahrere tahen hoyokʼtapea. Ar tesar ar eae din hilokʼ do ape apnartetʼ ar bondikatepe ạguakatʼko hoṛko saphakʼ hoyokʼtapea.

Numeri 5:2

“Israelkom hukumakoa ḍeraren okoeko hoṛ do murhucʼ jom rog menakʼtako se okoeyakʼ hoṛmo khon besaphawakʼ oḍokokʼkan se mạ̃ṛĩ iạteko besaphage onkan hoṛ jemon ḍera khonko oḍok ocokʼ.

Numeri 6:6

Uni do jãhãn mạ̃ṛĩ ṭhen hõ bae sor daṛeakʼa.

Numeri 9:10

“Israelkom metakoa, onko se onko bõsko modren jãhãege mạ̃ṛĩye joṭetʼakatʼ iạte besaphage menae khan se sạṅgiń reakʼ daṛan horreko tahẽkante bako porob daṛeakatʼ onko hõ Probhu Isor ńutumte bańcaokʼ porobko porob daṛeakʼa.

Numeri 9:6

Ona jokhecʼ onko modren thoṛa hoṛ do mitʼṭecʼ mạ̃ṛĩko joṭetʼletʼte ar besaphako tahẽkante enhilokʼ bańcaokʼ porob bako palon daṛeada. Onate onko do enhilokʼge Mose ar Aron ṭhenko calaoena.

Aposkạmi 21:26

Unre Pạul do onko hoṛe iditoraketʼkote acʼhõ onko sãoteye saphayena. Ar dosar hilokʼ uni do mundilteye calaoena, ar onkoakʼ saphakʼ reakʼ kạmi tis cabakʼa mente ar mimitʼko lạgitʼ tis janwar teṅgenko hoyokʼa onakoe baḍae ocoketʼkoa.

Aposkạmi 21:27

Ado saphakʼ lạgitʼ ona eae din purạu lạgidokʼkan tahẽkanre Asiạ Prodesren adom Jihudiko do mundilre Pạulko ńelkedea. Onko do onḍe sanam hoṛko ạulạuketʼkoa ar Pạulko sapʼkedea.

Romiko lạgitʼ Pạul Apostolakʼ ciṭhi 5:12

Mitʼṭen manwa hotete dhạrtire do kại boloyena ar ona kại hotete gujukʼ hõ boloyena. Ente sanam manwako kại akatʼte sanamko ṭhenge gujukʼ hõ boloyena.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Ephesiko lạgitʼ Pạul Apostolakʼ ciṭhi 2:1

Bebatao ar kại iạte ape do gocʼgepe tahẽkana.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.