Numeri 18:9 - সান্তালী বাইবেল

⁹ Sonot utạrakʼ samaṅokʼakʼ lạgitʼ, metakʼme jomakʼ samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ lạgitʼ Israelko jãhãnakʼge iń ṭhenko ạgui ar okaṭakʼ hạṭiń do pinḍ reakʼ seṅgelre baṅ jeredokʼ ona do apeakʼge hoyokʼa; ona do am ar amren bõskoakʼ kana.

Numeri 18:9 Iomraidhean Croise

2 Rapajko 12:17

Onako dinre Aramren raj Hasael doe rakapʼ calaoente Gat upạrteye lạṛhạiyena ar onae hatkeda. Ona tayom Jerusalem akromon lạgitʼ uni doe laha idiyena.

Nehemiạ 10:36

Ạn-ạrire cetʼ leka ol menakʼ onkage ale do aleren pạhil hoponko ar ḍaṅgrako, meromko ar bhiḍikoren pạhil hoponko Isorakʼ oṛakʼreko dewa sewakan naeke ṭhenle idikoa.

Jeheskel 42:13

Ona tayom uni do ińe metadińạ, “Mundil reakʼ phaelao jaegare utạr ar dạkhin secʼakʼ banar dolan do naekekoakʼ kana. Okoe naekeko do Probhu Isor ṭhenko bolokʼ onkoge niạ banar dolanre samaṅokʼakʼ sonot utạrakʼ jinisko joma. Onḍe onko do anaj samaṅokʼakʼ, dos ńutumte samaṅokʼakʼ ar kại ńutumte puruchunokʼ reakʼ samaṅokʼakʼ sonot utạrakʼ jinisko dohoya, ente banar dolange sonotgea.

Jeheskel 44:29

Onko do anaj samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ jinisko joma; Israel disạmre Probhu Isor ńutumte emakʼ mitʼke mitʼ jiniskoge onkoakʼ hoyokʼa; onako do baṅ chaḍao ạgukʼa.

Levitikus 10:17

“Kại ńutumte samaṅokʼ reakʼ jel do sonot ṭhạ̃ire cedakʼ baben jomleda? Noa do sonot utạrakʼ jiniskana. Probhu Isor samaṅre Israelkoakʼ kại khon puruchun lạgitʼge onko doko ematʼben tahẽkana.

Levitikus 14:13

Sonot tạmbu reakʼ ṭhạ̃ire okare kại ńutumte samaṅokʼakʼ ar jeredokʼ samaṅokʼakʼren janware dãṛẽ ocokʼ onḍege uni bhiḍi do dãṛẽye hoyokʼa. Ar kại ńutumte samaṅokʼakʼ jel reakʼ lekage dos ńutumte samaṅokʼakʼ reakʼ jel hõ naekeakʼ hoyokʼtaea. Noa jel do sonot utạrakʼ jinis kana.

Levitikus 2:10

Noa jomakʼ samaṅokʼakʼ reakʼ sarecʼakʼ okako tahen ona do Aron ar uniren hoponkoakʼ hoyokʼa. Probhu Isor ńutumte seṅgelre samaṅokʼakʼ sanamakʼko khon jomakʼ samaṅokʼakʼ reakʼ sarecʼ hạṭińko do sonot utạrakʼ jinis kana.

Levitikus 22:11

Menkhan naekeye kiriń akade guti ar acʼakʼ oṛakʼreye janam akan nonkan jãhãe guti do onae jom daṛeakʼa.

Levitikus 22:7

Menkhan cando hạsur tayom doe jom daṛeakʼa, ente ona do uniyakʼ jomakʼ kana.

Levitikus 4:22

“Jãhãe mukhiyạ hoṛ monre bạṛicʼakʼ jãhãnakʼ doho baṅkate acʼren Probhu Isore mana akatʼ reakʼ jãhãnakʼe cekae enḍekhan uni hõ dusi hoṛe hoyokʼa.

Levitikus 4:27

“Israelko modren jãhãege monre kại reakʼ monsubạ doho baṅkate Probhu Isore mana akatʼ reakʼ jãhãnakʼe cekae enḍekhan uni hõ dusi hoṛe hoyokʼa.

Levitikus 5:1

“Jãhãe hoṛ apnar ńelakʼ se ańjomakʼ jãhãnakʼ babotre bicạrre goha emokʼ reakʼ ạte ńamlere hõ thir hapegeye tahen enḍekhan uni do kại hoyokʼtaea ar ona behokʼ lạgitʼ uni do dạyireye paṛaokʼa.

Levitikus 5:6

Unre ona behok reakʼ juribana lekate uni do Probhu Isor ńutumte kại reakʼ puruchun lạgitʼ mitʼṭen bhiḍi pạṭhi se merom pạṭhi ạguiye hoyokʼtaea, ar naeke do uniyakʼ puruchun reakʼe kạmikataea.

Levitikus 6:17

Ar khạmi mesalkate ona do jemon alo rapagokʼ. Noa do iń ńutumte seṅgelre samaṅokʼakʼ jinis reakʼ onkoń ematʼkoa. Kại ńutumte samaṅokʼ ar dos ńutumte samaṅokʼakʼ leka jomakʼ samaṅokʼakʼ reakʼ noa hĩs hõ sonot utạrakʼ jinis kana.

Levitikus 6:19

Probhu Isor do Mose arhõe metadea,

Levitikus 6:30

Sonot ṭhạ̃ire kại ńutumte samaṅokʼicʼ janwarakʼ mãyãm do ńapamokʼ tạmbure aderlen khan ona reakʼ jel do baṅ jom hoyokʼa, ar ona do atar giḍikakʼ hoyokʼa.

Levitikus 7:1

“Noa do hoyokʼ kana dos ńutumte samaṅokʼakʼ niạm. Samaṅokʼakʼ reakʼ noa jel do sonot utạrakʼ kana.

Levitikus 7:6

Naekeakʼ gharońjren sanam herel hoponge ona doko jom daṛeakʼa, menkhan sonot tạmbu reakʼ ṭhạ̃irege. Noa do sonot utạrakʼ jinis kana.

Levitikus 7:7

“Kại ńutumte samaṅokʼakʼ ar dos ńutumte samaṅokʼakʼ niạm do mitʼ lekage onkae hoyokʼa. Okoeṭakʼ naeke niạ banar samaṅokʼakʼ reakʼ mitʼṭecʼte samaṅetʼkạnicʼakʼ puruchun reakʼe kạmikataere ona jel do naekeyakʼ hoyokʼa.

Numeri 18:10

Sonotakʼ jinis cetʼleka jojom hoyokʼ onkagepe joma. Ona do aperen sanam herel hoponko jom daṛeakʼa. Ona do sonotakʼ mente bujhạu hoyokʼtapea.

Dosar Biboron 18:1

“Liwi Naekeko ar Liwi gusṭiren eṭakʼ hoṛko do Israelko leka jãhãn jaega jumi se sompotti do bako ńama. Probhu Isor ńutumte seṅgelre samaṅokʼakʼ lạgitʼ okako jinis ạgukʼ ar Probhu Isor okako jinis emae hoyokʼ onage onko doko joma.