Numeri 18:8 - সান্তালী বাইবেল

⁸ Inạ tayom Probhu Isor do Arone metadea, “Iń ṭhen okako jinis samaṅokʼ ona reakʼ sanamakʼ dạyik ar bhar do amgeń emakawatʼmea. Iń ńutumte Israelkoakʼ samaṅokʼakʼ sanamakʼ sonot jinis do am ar amren bõskoakʼ bakhra kangea.

Numeri 18:8 Iomraidhean Croise

2 Rapajko 12:16

Dos ńutumte samaṅokʼakʼ ar kại ńutumte samaṅokʼakʼ reakʼ ṭaka do Probhu Isorakʼ oṛakʼ reakʼ baksare bako dohoyetʼ tahẽkana; ona do naekekoakʼ bakhra kana.

2 Bõsbudạ 31:4

Naeke ar Liwiko jemon Probhu Isorakʼ ạn-ạri manao babotre apnartetʼ purạte jamaṛ akanko tahẽdaṛeakʼ onate onkoakʼ paona hĩs emkatako lạgitʼ uni do Jerusalemre girobasokʼ kan hoṛkoe hukumatʼkoa.

2 Bõsbudạ 31:5

Niạ hukum oḍokokʼ são sãote Israelko do akoakʼ phosolko, nãwã darkha rasa, sunumko ar dumur rasa reakʼ pạhil hĩs ar khetre jãhãnakʼge hoyokʼ ona reakʼ pạhil hĩs onko do ạḍi ḍherko dankeda. Ona chaḍa onko do jotowakʼ reakʼ gel hạṭiń reakʼ mitʼ hạṭińko emena ar ona do ạḍi utạr hoyena.

Exodus 28:43

Aron ar uniren hoponko tinre ńapamokʼ tạmbureko bolokʼa se sonot ṭhạ̃i reakʼ pinḍre sewa kạmi lạgitʼko laha idikʼa unre onko do noa kạṭicʼ penko horoga. Nonkate onko do bin dusạnko tahena ar bako gujukʼa. Aron ar uniren bõsko lạgitʼ noage mitʼṭecʼ niạm leka tahẽyena.

Exodus 29:21

Ona tayom ojokʼ bahalokʼakʼ thoṛa sunum ar pinḍ khon thoṛa mãyãm hataokate Aron ar uniren hoponkoakʼ kicricʼrem irciya. Onate kicricʼ sudhạ uni ar uniren hopon do iń ńutumteko begar ocokʼa.

Exodus 29:28

Nonkate Israelkoakʼ samaṅokʼakʼ sulukren sanam samaṅokʼakʼ niạko hĩs do jaoge Aron ar uniren hoponko em ocokʼa. Niạ hĩskoge Probhu Isor ńutumte Israelkoakʼ sandes do hoyokʼa.

Exodus 29:29

“Aronakʼ sonot kicricʼko do uniren hoponkoko ńama. Noa kicricʼ horokʼkatege onko do naeke hudạreko ojokʼ bahal ocokʼa.

Exodus 40:13

Ar Aron do sonot kicricʼem horokʼaea arem ojokʼ bahalea ar iń ńutumtem begar dohoyea jemon naeke lekate ińakʼ sapʼ dapʼ kạmiye kạmi daṛeakʼa.

Exodus 40:15

Ar ona tayom do ạkinren apat leka unkin hõm ojokʼ bahal kinạ jemon unkin hõ naeke lekate ińakʼ sapʼdapʼ kạmikin kạmi daṛeakʼ. Noa ojokʼ bahalokʼ hotete okoe naeke hudạ lekateye bahalokʼ ona do piṛhike piṛhi hạbicʼ calakʼa.”

Jesaea 10:27

Enhilokʼ onkoakʼ bojha ar arãṛ do apeakʼ taren khon ocogokʼa; arpe moṭa akante ona arãṛ do rạpudokʼtakoa.

Levitikus 21:10

“Maraṅ naeke, metakʼme boehako modre okoeyakʼ bohokʼre ojokʼ bahalokʼ reakʼ sunum dul akan ar bahalokʼ reakʼ porob hotete okoeṭakʼ maraṅ naeke do sonot kicricʼ horog reakʼ ạidạriye ńamakatʼ, uni do duk sodor lạgitʼ bohokʼ bae koṭoetaea ar acʼakʼ kicricʼko hõ bae oṛejtaea.

Levitikus 23:20

Naeke do Probhu Isor samaṅre unkin barea bheḍa hopon ar pạhilre rakapʼakʼ phosol khon benaoakʼ ona piṭhại dolaoa. Noa do Probhu Isor ńutumte samaṅakʼ sonot jinis kana okaṭakʼ do naekeakʼ bakhra kan.

Levitikus 6:16

Samaṅokʼakʼ jinis reakʼ sarecʼakʼ hạṭińko do Aron ar uniren hoponkoko joma. Ona do khạmi begor mesalkate jojom hoyokʼtakoa jãhãn sonot ṭhạ̃ire, metakʼme ńapamokʼ tạmbu reakʼ racare.

Levitikus 6:18

Aron bõsren sanam herel hoponkoge ona doko jom daṛeakʼa. Probhu Isor ńutumte seṅgelre samaṅokʼakʼ jinis reakʼ noa hĩs do piṛhike piṛhi onkoakʼge hoyokʼa. Ar jãhãege ona hĩse joṭed uni do Probhu Isor ńutumte begarokʼ hoyokʼtaea.”

Levitikus 6:20

“Arone ojokʼ bahal ocokʼ dinre Aron ar uniren hopon do jomakʼ samaṅokʼakʼ lekate jaoge mitʼ keji irạl sae gram mĩhĩ holoṅ Probhu Isor samaṅreko ạguiya. Ar ona reakʼ adha do setakʼ jokhecʼ ar adha do ạyupʼ jokhecʼko samaṅa.

Levitikus 6:26

Okoeṭakʼ naeke noa samaṅokʼakʼ reakʼe kạmi uni do noa reakʼ jele joma. Uni do jãhãn sonot ṭhạ̃ire, metakʼme ńapamokʼ tạmbu reakʼ racare ona jojom hoyokʼtaea.

Levitikus 7:14

Probhu Isor emae lạgitʼ uni do joto lekanakʼ jinis khon mitʼṭecʼ mitʼṭecʼkateye ạguiya. Ar okoeṭakʼ naeke do sulukren samaṅokʼicʼ janwarakʼ mãyãme irciy noako do uniyakʼge hoyokʼtaea.

Levitikus 7:28

Probhu Isor do Mose Israelko galmaraoakoe metadea, “Jãhãege Probhu Isor ńutumte sulukren samaṅokʼ lạgitʼ jãhãn janware ạguiye uni do mitʼ hĩs Probhu Isor ńutumte emokʼ hoyokʼtaea.

Levitikus 7:6

Naekeakʼ gharońjren sanam herel hoponge ona doko jom daṛeakʼa, menkhan sonot tạmbu reakʼ ṭhạ̃irege. Noa do sonot utạrakʼ jinis kana.

Levitikus 8:30

Ona tayom Mose do thoṛa ojokʼ bahalokʼ reakʼ sunum ar pinḍ khon thoṛa mãyãm hataokate Aron ar uniren hoponko ar onkoakʼ kicricʼko cetanreye ircikeda. Nonkate Aron ar uniren hoponko ar onkoakʼ kicricʼko Probhu Isor ńutumteye begarkeda.

Numeri 18:9

Sonot utạrakʼ samaṅokʼakʼ lạgitʼ, metakʼme jomakʼ samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ lạgitʼ Israelko jãhãnakʼge iń ṭhenko ạgui ar okaṭakʼ hạṭiń do pinḍ reakʼ seṅgelre baṅ jeredokʼ ona do apeakʼge hoyokʼa; ona do am ar amren bõskoakʼ kana.

Numeri 5:9

Israel hoponko okaṭakʼ sonotakʼ jinis naeke ṭhenko ạgui ona do jotoge uniyakʼ hoyokʼa.

1 Korinthiko 9:13

Ape do cetʼ bape baḍaea, okoe mundil reakʼko kạmikan onko do mundil khonge jomakʼko ńama, ar okoe pinḍreko kạmikan onko do pinḍre jãhãnakʼge samaṅokʼkan ona reakʼ hạṭińko ńama mente?

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Dosar Biboron 12:6

Ape do aperen jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar manotakʼ samaṅokʼakʼ, kusiteakʼ samaṅokʼakʼ ar aperen ḍaṅgrako, bhiḍiko ar meromkoren pạhilicʼ hoponge onḍepe idikoa.

Dosar Biboron 18:1

“Liwi Naekeko ar Liwi gusṭiren eṭakʼ hoṛko do Israelko leka jãhãn jaega jumi se sompotti do bako ńama. Probhu Isor ńutumte seṅgelre samaṅokʼakʼ lạgitʼ okako jinis ạgukʼ ar Probhu Isor okako jinis emae hoyokʼ onage onko doko joma.

Dosar Biboron 26:13

Ona tayom ape sanamko aperen Probhu Isorpe metaea, ‘iń do amakʼ hukum lekage ińakʼ arjaoakʼ khon am ńutumteń begar dohoakatʼ hạṭiń do oṛakʼ khon oḍokkate Liwiko, upriạko, ṭũạr amarko ar rạnḍi maejiukoń emakawatʼkoa. Amakʼ hukum do bạń bebatao akada ar onako reakʼ mitʼṭecʼ hõ bạń hiṛińakada.

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.