Numeri 18:5 - সান্তালী বাইবেল

⁵ Israelko cetanre ińakʼ edre jemon alo sodorokʼ ona lạgitʼ sonot tạmbu ar pinḍ ńel todarot reakʼ bhar do ape cetanrege tahena.

Numeri 18:5 Iomraidhean Croise

1 Bõsbudạ 23:24

Nokoge bõslekate Liwi gusṭiren eṭakʼ eṭakʼ bõskoren mukhiyạko tahẽkana. Noko do bõsren hoṛko talare okoekoakʼ umer do bargel se ona khon bạ̃ṛti tahẽkan onko do lekha kate ńutum ol hoylentakoa, ar onkoge Probhu Isorakʼ oṛakʼren sapʼsosor kạmiyạ hoṛko tahẽkana.

1 Bõsbudạ 23:32

Nonkate Liwiko do ńapamokʼ tạmbu ar sonot ṭhạ̃i reakʼko ńel todarotetʼ tahẽkana ar Probhu Isorakʼ oṛakʼ reakʼ sapʼsor kạmi lạgitʼ onkoren boeha Aron bõsrenkoakʼ tabere tahẽkateko kạmikan tahẽkana.

1 Bõsbudạ 24:5

Eliaser ar Ithamar, niạ banar bõsren mukhiyạko do koejoṅ oṛakʼ reakʼ ar Isorren kạmiyạkoko tahẽkante okoe secʼhõ sen baṅkate gulibãṭkate naeke kạmiko hạṭińana.

1 Bõsbudạ 9:23

Onko ar onko bõsren hoṛko do Probhu Isorakʼ oṛakʼ, metakʼme ḍera tạmbu reakʼ duạrko horhoyetʼ tahẽkana.

1 Bõsbudạ 9:33

Liwi gusṭiren bõs mukhiyạko okoe do sereń durạṅreko tahẽkan onko do koejoṅ oṛakʼ reakʼ kandhareko tahẽnkan tahẽkana. Onko do sereń durạṅre siń nindạ bestoko tahenkan tahẽkante onko cetanre eṭakʼ jãhãn kạmi reakʼ bhar do baṅ tahẽkana.

Exodus 27:21

Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Jirimiạ 23:15

“Ona iạte iń do phạdkoren Probhu Isorren nạbiko reakʼ iń roṛeda, iń do haṛhatʼakʼ jomakʼ ar bis dakʼgeń ńũ ocokoa, ente Jerusalemren nạbiko ṭhen khon do besonotakʼge goṭa disạmre oḍok akana.”

Jeheskel 44:15

“Menkhan Israelko do tinre iń ṭhen khon bạṛicʼ horteko senlena unre Sadok bõsren okoe Liwi do naekeko lekate ińakʼ oṛakʼre pạtiạr salakʼ akoakʼ dạyikko palon akatʼ onkoge iń sewawạń lạgitʼ iń ṭhenko hecʼdaṛeakʼa; onko do mãyãm ar itil samaṅ lạgitʼ iń samaṅreko teṅgo daṛeakʼa. Iń Probhu Isorge noa katha doń menetʼkana.

Jeheskel 44:16

Eken onkoge ińakʼ oṛakʼreko bolo daṛeakʼa; eken onkoge ińakʼ sewa kạmi lạgitʼ ińakʼ ṭebil ṭhenko hecʼdaṛeakʼa ar onkoge ińakʼ oṛakʼ reakʼ sanamakʼko kạmi daṛeakʼa.

Levitikus 10:6

Ona tayom Mose do Aron ar uniren banar hopon Eliasar ar Ithamare metatʼkinạ, “Duk iạte bohokʼ totolakʼ do aloben raṛaea ar kicricʼ hõ alo ben oṛeja. Arben onkae khan aben hõ ben gujukʼa ar goṭa Israel jạtrenko cetanre Probhu Isorakʼ edre do sodorokʼa. Menkhan Probhu Isor okoekin seṅgelteye gocʼketʼkin unkin lạgitʼ aperen peṛa pạrbhạko, metakʼme eṭakʼ Israelko doko rakʼ homor daṛeakʼa.

Levitikus 24:3

Ńapamokʼ tạmbure goha sinduk reakʼ orwal bahrere Aron do ạyupʼ khon setakʼ hạbicʼ Probhu Isor samaṅre diuheko jaogeye sajao dohoya. Ar noa niạm do piṛhike piṛhi tahena.

Sakariạ 10:3

Probhu Isore meneda, “Gukʼpiko upạrte ińakʼ edre do jaljalaokʼ kantińạ, ona iạte mukhiyạ gukʼpikoń sạjạikoa. Iń phạdkoren Probhu Isorge ińakʼ palren, metakʼme Jihudạren hoṛkoń ńel todarotkoa ar daṛean lạṛhại sadom lekań hoyocokoa.

Numeri 1:50

Goha tạmbu reakʼ asbabko ar ona reakʼ sanamakʼ ńel jut reakʼ bhar do onko cetanrem dohoya. Onkoakʼ kạmi do hoyokʼa sekʼwa tạmbu ar ona reakʼ asbabko gokʼ bhạriạ idiya. Ar noa ńel jut reakʼ bhar hõ onko cetanrem dohoya ar onko do noa beṛhaete ḍerakʼ hoyokʼtakoa.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Numeri 16:46

Ona tayom Mose do Arone metadea, “Amakʼ dhup dạni hataome ar pinḍ reakʼ seṅgel ecʼkate onare dhup emakʼme ar usạra onko hoṛko ṭhen senkate kại ńutumte puruchunme. Probhu Isorakʼ edre do sodor akana, mahamạri ehopʼakana.”

Numeri 18:4

Onko do kạmireko goṛowama; ar ńapamokʼ tạmbu ńel jut reakʼ bhar, metakʼme tạmbu reakʼ sanam lekan kạmi reakʼ bhar do onko cetanre tahena. Menkhan Liwiko chaḍa ar okoehõ ape ṭhen do bako hecʼdaṛeakʼa.

Numeri 4:18

“Liwiko tala khon Kohat gusṭiren hoṛko jemon aloko maraokʼ.

Numeri 8:19

Israelko talare noko do Aron ar uniren hoponkoń dan akawatʼkoa, jemon onko do Israelko secʼ khon ńapamokʼ tạmbure onkoakʼ kại ńutumte puruchun reakʼko kạmi. Ar jemon Israelko sonot ṭhạ̃i ṭhenko senlenre hõ jãhãn muskil alo hoyokʼtako.”

Numeri 8:2

“Aron metaeme, diuhe dohowakʼ reakʼ eae goṭecʼ diuhe do nonka dohoy hoyokʼa jemon onko reakʼ marsal do diuhe dohowakʼ samaṅ secʼ marsalokʼ.”

1Timothi 1:18

E bachatiń Timothi, am reaṅ eṭakʼko nạbi lekate oka kathako lạiletʼ ona katha lekage iń do noań hukumam kana. Ar noa katha disạ dohoy tulucʼ am do Mạsi khạtirte jiwi alaekate ma lạṛhạime.

1Timothi 5:21

Isor ar Jisu Mạsi ar bachao akan serma goḍetko samaṅreń kạjiạ̃uetʼme kana, okoe secʼ hõ baṅkate noako kạmime ar mẽtʼãhã beṅgetʼakʼte cetʼ hõ alom kạmiya.

1Timothi 6:20

E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiyakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.