Numeri 18:4 - সান্তালী বাইবেল

⁴ Onko do kạmireko goṛowama; ar ńapamokʼ tạmbu ńel jut reakʼ bhar, metakʼme tạmbu reakʼ sanam lekan kạmi reakʼ bhar do onko cetanre tahena. Menkhan Liwiko chaḍa ar okoehõ ape ṭhen do bako hecʼdaṛeakʼa.

Numeri 18:4 Iomraidhean Croise

Jeheskel 44:14

Enhõ mundil oṛakʼ cetanre dạyik ar onḍenakʼ sanamakʼ kạmi cetanre bhar do onko cetanregeń dohoya.

Numeri 1:51

Sekʼwa tạmbu tinre uṭhạukʼa unre Liwikoge ona doko samṭaoa arko bereda. Ar eṭakʼ jãhãe hoṛ onḍeye sorokʼ enḍekhan uni doe gocʼ ocokʼa.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Numeri 18:3

Onko do am tabere tahẽkate goha tạmbu reakʼ sanamakʼko kạmiya, menkhan sonot tạmbu reakʼ jãhãn jinis ṭhen se pinḍ ṭhen do bako sen daṛeakʼa. Arko senlen khan onko jotogeko gujukʼa.

Numeri 18:5

Israelko cetanre ińakʼ edre jemon alo sodorokʼ ona lạgitʼ sonot tạmbu ar pinḍ ńel todarot reakʼ bhar do ape cetanrege tahena.

Numeri 3:10

Naeke lekate kạmi lạgitʼ am do Aron ar uniren hoponkom ojokʼ bahalkoa. Onko chaḍa ar jãhãege naeke reakʼe kạmi uni doe gocʼ ocokʼa.”

Numeri 31:30

Israelkoakʼ hạṭiń reakʼakʼko baṅ do manwa, baṅ do ḍaṅgra, baṅ do gadha, baṅ do bhiḍi, merom se eṭakʼ jãhãn janwarko onko reakʼ mimitʼ mõṛẽgelko khon mitʼṭenkatepe begarkoa. Ar onko do Liwikope emakoa okoe cetanre sekʼwa tạmbu reakʼ ńeljut lạgitʼ bhar emakan.”

Numeri 8:26

Unre noko hoṛ do ńapamokʼ tạmbure akoren boehako sãote ńeljut kạmireko goṛo daṛeakoa menkhan jãhãn kạmire hat do bako lagao daṛeakʼa. Ar am do noa niạm lekage Liwikom bondobosakoa.”

1 Samuel 6:19

Bet-semesren adom hoṛ do Probhu Isorakʼ sinduk bhitri secʼko oyoṅletʼte Probhu Isor do onkoe gocʼ giḍikatʼkoa. Uni do unre onḍenko mõṛẽ hajar eaegel hoṛe gocʼketʼkoa. Are ńẽtʼletʼkote hoṛko do rakʼ homorko ehopʼena.