Numeri 18:3 - সান্তালী বাইবেল

³ Onko do am tabere tahẽkate goha tạmbu reakʼ sanamakʼko kạmiya, menkhan sonot tạmbu reakʼ jãhãn jinis ṭhen se pinḍ ṭhen do bako sen daṛeakʼa. Arko senlen khan onko jotogeko gujukʼa.

Numeri 18:3 Iomraidhean Croise

Jeheskel 44:13

Onko do naeke lekate iń sewawạń lạgitʼ iń ṭhen do aloko hijukʼma ar ińakʼ jãhãn sonot se sonot utạrakʼ jinis ṭhen hõ bako hecʼdaṛeakʼa; onkoakʼ hirkhạwakʼ lajaotetʼ do asen baṛae hoyokʼtakoa.

Numeri 1:51

Sekʼwa tạmbu tinre uṭhạukʼa unre Liwikoge ona doko samṭaoa arko bereda. Ar eṭakʼ jãhãe hoṛ onḍeye sorokʼ enḍekhan uni doe gocʼ ocokʼa.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Numeri 16:40

Mose hotete Probhu Isor oka lekae hukumletʼ onkage uni do sanamakʼe kạmikeda. Noa do Israel hoponko ṭhen mitʼṭecʼ dikʼsạwakʼ leka hoyena, Aron bõsrenko chaḍa ar okoehõ dhup jered lạgitʼ Probhu Isor samaṅre bako sen daṛeakʼa; ar jãhãegeye calakʼ enḍekhan uni hõ Korah ar uniyakʼ dolrenko leka hoyokʼtaea.

Numeri 18:4

Onko do kạmireko goṛowama; ar ńapamokʼ tạmbu ńel jut reakʼ bhar, metakʼme tạmbu reakʼ sanam lekan kạmi reakʼ bhar do onko cetanre tahena. Menkhan Liwiko chaḍa ar okoehõ ape ṭhen do bako hecʼdaṛeakʼa.

Numeri 18:7

Menkhan naeke lekate eken am ar amren hoponge pinḍ ar orwal bhitri reakʼ kạmipe kạmi daṛeakʼa. Naekeakʼ hudạ do dan lekateń emape kana. Liwiko chaḍa ar jãhãege ona ńapamokʼ tạmbu reakʼ ṭhạ̃iteye hijukʼ enḍekhan uni doe gocʼ ocokʼa.”

Numeri 3:25

Ar ńapamokʼ tạmbure Gerson hoponkoakʼ dạyik do tahẽkana sekʼwa tạmbu, ar ona cetanre merom upʼ reakʼ dapalakʼ, ńapamokʼ tạmbu duạr reakʼ ekʼsetʼ orwal,

Numeri 3:31

Kohatrenkoakʼ dạyik do tahẽkana goha sinduk, ṭebil, diuhe dohowakʼ, pinḍkin, sonot ṭhạ̃i reakʼ asbabko ar sonot utạr ṭhạ̃i reakʼ orwal ńel jut ar onako sãoteakʼ eṭakʼ jotowakʼ kạmiko.

Numeri 3:36

Merarikoakʼ dạyik do tahẽkana sekʼwa tạmbu reakʼ paṭako, hurkạṛko, khunṭiko ar ona reakʼ ganḍoko ar ona reakʼ joto jinisko,

Numeri 31:30

Israelkoakʼ hạṭiń reakʼakʼko baṅ do manwa, baṅ do ḍaṅgra, baṅ do gadha, baṅ do bhiḍi, merom se eṭakʼ jãhãn janwarko onko reakʼ mimitʼ mõṛẽgelko khon mitʼṭenkatepe begarkoa. Ar onko do Liwikope emakoa okoe cetanre sekʼwa tạmbu reakʼ ńeljut lạgitʼ bhar emakan.”

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.