Numeri 18:24 - সান্তালী বাইবেল

²⁴ Israelkoakʼ rojgarakʼ khon gel hạṭiń reakʼ mitʼ hạṭiń okaṭakʼ do Probhu ńutumteko ạgui onage onkoń ematʼkoa. Ar onatege iń Probhu Isor do onko reaṅ iń menakada, Liwiko do Israelko talare sompottiren ạidạri bako hoyokʼa.”

Numeri 18:24 Iomraidhean Croise

Nehemiạ 10:38

Liwiko tinre gel hĩsko hataoa unre onko sãote do Aronren bõsren mitʼṭen naekeye tahena. Ar Liwiko do ona gel hĩs reakʼ mitʼ hĩs do Isorakʼ khajańci oṛakʼteko idiya.

Nehemiạ 13:12

Ona tayom Jihudạren sanam hoṛko do akoakʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩs do khajańci oṛakʼteko ạgukeda.

Levitikus 27:30

“Jumi khon oka ńamokʼ ona reakʼ gel hĩs reakʼ mitʼ hĩs do Probhu Isorakʼ kana- ona do jumi reakʼ phosolge cetʼ ar dare reakʼ joge cetʼ. Ona do Probhu Isor ńutumte begar dohokakʼ hoyokʼa.

Numeri 18:25

Inạ tayom Probhu Isor do Mose Liwiko noa katha galmaraoakoe metadea, “Israelkoakʼ gel hạṭiń reakʼ mitʼ hạṭińpe ńam tayom ape hõ ona khon gel hạṭiń reakʼ mitʼ hạṭiń do Probhu Isor ńutumte samaṅ hoyokʼtapea.

Numeri 26:62

Mitʼ cando se ona khon ḍher umerren Liwi herel hoponkoakʼ lekha do bargel pe hajar tahẽkana. Israelko modre noko do eṭakʼ jãhãn jaega bako ạidạri ocolente ar eṭakʼ Israelko sãote hõ nokoakʼ lekha do baṅ hoylena.

Dosar Biboron 10:9

Ona iạte Liwiko do akoren Israel boehako talare sompotti reakʼ jãhãn hạṭiń se ạidạri do bako ńamleda; aperen Probhu Isorakʼ katha leka Isorge onkoren sompottiye tahẽkana.

Dosar Biboron 26:12

“Tesarakʼ bochor, metakʼme, gel hạṭiń reakʼ mitʼ hạṭiń emokʼ bochorre, apeakʼ arjaoakʼ sanam phosol reakʼ gel hạṭiń reakʼ mitʼ hạṭińpe begar sạtlere arpe tirpitlenre Liwiko, upriạko, ṭũạr amarko ar rạnḍi maejiukope emakoa. Onate onko do apeakʼ disạmre jom-ńũkateko tirpitokʼa.

Josuạ 13:14

Mose do Liwi gusṭirenko oka sompottige bae ạidạri ocoatʼkoa, ente Probhu Isorakʼ gokʼakʼ lekage onko do Israelkoren Probhu Isor ńutumte seṅgelre samaṅakʼ jiniskoge onkoakʼ sompotti do hoyokʼa.