Numeri 18:22 - সান্তালী বাইবেল

²² Ńit khon eṭakʼ Israelko do ńapamokʼ tạmbu ṭhen bako sen daṛeakʼa. Arko senlen khan akoakʼ kại reakʼ kuṛại iạteko gujukʼa.

Numeri 18:22 Iomraidhean Croise

Exodus 28:43

Aron ar uniren hoponko tinre ńapamokʼ tạmbureko bolokʼa se sonot ṭhạ̃i reakʼ pinḍre sewa kạmi lạgitʼko laha idikʼa unre onko do noa kạṭicʼ penko horoga. Nonkate onko do bin dusạnko tahena ar bako gujukʼa. Aron ar uniren bõsko lạgitʼ noage mitʼṭecʼ niạm leka tahẽyena.

Levitikus 20:20

Jãhãege kạkit era se goṅgot era sãoteye giticʼmidokʼ enḍekhan uni do kakattetʼ ar mamottetʼ tạkine bemanotkinạ. Ona iạte unkin do bana hoṛge dạyikin hoyokʼa. Ar unkin do begor gidrạwantege kin gujukʼa.

Levitikus 22:9

“Naekeko okań hukum akatʼko ona do manao hoyokʼtakoa. Ar bako manao khan onko do dusiko hoyokʼa ar besapha iạteko gujukʼa. Iń Probhu Isorge onko doń begar dohoakatʼkoa.

Numeri 18:7

Menkhan naeke lekate eken am ar amren hoponge pinḍ ar orwal bhitri reakʼ kạmipe kạmi daṛeakʼa. Naekeakʼ hudạ do dan lekateń emape kana. Liwiko chaḍa ar jãhãege ona ńapamokʼ tạmbu reakʼ ṭhạ̃iteye hijukʼ enḍekhan uni doe gocʼ ocokʼa.”

Numeri 3:10

Naeke lekate kạmi lạgitʼ am do Aron ar uniren hoponkom ojokʼ bahalkoa. Onko chaḍa ar jãhãege naeke reakʼe kạmi uni doe gocʼ ocokʼa.”

Numeri 3:38

Ńapamokʼ tạmbu samaṅre, metakʼme sekʼwa tạmbu reakʼ purub secʼre do Mose, Aron ar uniren hoponko ḍerakʼ lạgitʼ metatʼko tahẽkana. Onkoakʼ dạyik do tahẽkana Israelko lekate sonot ṭhạ̃i reakʼ sanamʼ kạmiko jemonko kạmi. Onko chaḍa ar jãhãege sekʼwa tạmbu reakʼ ṭhonok ṭhạ̃iteye bolokʼ uni doe gocʼ ocokʼa.