Numeri 18:21 - সান্তালী বাইবেল

²¹ “Israelkoakʼ gel hạṭiń reakʼ mitʼ hạṭiń okaṭakʼ do ińko imạń onage iń do Liwikoń ematʼkoa. Ńapamokʼ tạmbure sapʼdapʼ kạmi bodolte onko do onako ńama.

Numeri 18:21 Iomraidhean Croise

Genesis 14:20

Okoe do amren bạiriko amakʼ tireye jimạketʼko uni maraṅ Isorakʼ sarhao baṛe hoyokʼtae ma.” Unre Abram do acʼakʼ ruạṛ ạguakatʼ jinisko reakʼ gel hĩs khon mitʼ hĩs do Melkisedeke emadea.

Genesis 47:24

Ar Phosol ir tayom do mõṛẽ hĩs reakʼ mitʼ hĩs Pharaope emaea, ar sarecʼ pon hĩs do jumi reakʼ itạ lạgitʼ ar gharońjren hoṛko ar gidrạko lạgitʼ jomakʼpe dohojoṅa.”

Genesis 47:26

Tayomte Joseph do Misor disạm reakʼ jaega-jumi reaṅ noae ạnkeda, joto phosol reakʼ mõṛẽ hĩs reakʼ mitʼ hĩs do Pharaoakʼ hoyokʼa. Ar noa ạn do teheń hạbicʼ hõ Misor disạmre calakʼkana. Eken naekekoakʼ jumikoge Pharaoakʼ sompotti modre baṅ paṛaolena.

2 Bõsbudạ 31:12

Ona tayom hoṛko do dan-sandes, ar jotowakʼ jinis reakʼ gel hạṭiń reakʼ mitʼ hạṭiń ar Probhu Isor ńutumte begar dohoakatʼ jinisko pạtiạr salakʼ khajańci oṛakʼte ạguko ehopʼena. Konaniạ ńutuman mitʼṭen Liwi cetanre noako jinis ńel todarot reakʼ bhar do tahẽkana ar uniren boeha Simai do uniren gokʼṛoyicʼe tahẽkana.

Nehemiạ 10:37

Ona chaḍa aleakʼ holoṅ ar jomakʼ reakʼ pạhilakʼ hĩsko, dare reakʼ pạhilakʼ joko ar nãwã darkha rasa ar sunum reakʼ pạhilakʼ hĩs do aleren Probhu Isorakʼ oṛakʼre naekeko ṭhenle ạguiya. Ar aleakʼ gel hạṭiń reakʼ mitʼ hạṭiń do Liwiko ṭhenle ạguiya, ente aleakʼ joto atokore Liwiko do gel hĩsko hataoeda.

Nehemiạ 10:38

Liwiko tinre gel hĩsko hataoa unre onko sãote do Aronren bõsren mitʼṭen naekeye tahena. Ar Liwiko do ona gel hĩs reakʼ mitʼ hĩs do Isorakʼ khajańci oṛakʼteko idiya.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Nehemiạ 12:47

Serubabel ar Nehemiạ oktere hõ Israelko do jotoge gaenaha ar rurukhiyạkoakʼ dinạm hilokʼ reakʼ kuṛạiko emkatako kan tahẽkana. Ona chaḍa onko do eṭakʼ liwikoakʼ kuṛại hõ begarkateko dohokakʼ kan tahẽkana ar liwiko hõ Aron bõsrenkoakʼ paona lạgitʼko begar dohokakʼ kan tahẽkana.

Nehemiạ 13:12

Ona tayom Jihudạren sanam hoṛko do akoakʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩs do khajańci oṛakʼteko ạgukeda.

Malaki 2:4

Phạdkoren Probhu Isor do arhõe meneda, “Baḍaekakʼpe, iń do ape ṭhen noa sontor kathań kol akada jemon Liwi bõsrenko lạgitʼ iń bạisạu akatʼ bondobos do tahẽakange tahen.

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Numeri 18:6

Dan lekate apeakʼ tire jimạwape lạgitʼ iń do Israelrenko mod khon Liwikogeń bachao akawana. Ar ńapamokʼ tạmbure kạmi lạgitʼ Probhu Isor ṭhen onkogeń samaṅ akatʼkoa.

Numeri 3:6

“Am do Liwi gusṭiren hoṛkom ạgukoa ar Aronakʼ tirem jimạkoa jemon onko do Aronko goṛowae.

Numeri 31:28

Palṭonkoakʼ hạṭińre tinạkʼ paṛaokʼ baṅ do manwa, baṅ do ḍaṅgra, baṅ do gadha, baṅ do bheḍa ar meromko onko reakʼ mimitʼ mõṛẽsae khon mitʼṭenkate do Probhu Isor ńutumte bheja menkatepe begarkoa.

Galathiko lạgitʼ Pạul Apostolakʼ ciṭhi 6:6

Okoe Isorakʼ kathae cetʼ ocokʼkan uni do acʼren cecetʼicʼ do acʼakʼ sanam bhageakʼ reakʼe hạṭińae ma.

Dosar Biboron 18:8

Acʼren apate doho oṭoakatʼ jiniskoe ạkhriń akatʼrehõ onḍenko Liwiko sãote uni do hạṭińre soman ạidạriye hoyokʼa.

Ibriko 7:5

Lewi bõsko modre okoe do naekeko baṅkan, Israelko ṭhen khon, metakʼme onkoren boehako ṭhen khon ạn lekate gel hạṭiń reakʼ mitʼ hạṭiń hatao reakʼ hukum menakʼtakoa. Noko boehako do Abrahamren bõsko hoylenre hõ ona onkae hoyokʼtakoa.