Numeri 18:20 - সান্তালী বাইবেল

²⁰ Inạ tayom Probhu Isor do Arone metadea, “Israelkoakʼ disạmre am do okaṭakʼ sompotti hõ bam ạidạrijoṅa ar jumi reakʼ oka hạṭiń hõ bam ńama. Israelko talare iń kangeạń amren hạṭiń do, ar iń kangeạń amren sompotti do.

Numeri 18:20 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Sereńko 142:5

E Probhu Isor, iń do am ṭhengeń rakʼleda; iń doń menleda, “Amge ińren hirlạ do, ar jiwetʼkoakʼ disạmre ińakʼ bakhra hõ amge.”

Sereńko 16:5

E Probhu Isor, am kangeam ińakʼ dhon do; ar am kangeam tetaṅedeń kan dakʼ do. Ar amge ińakʼ gulibãṭteakʼ bakhram jogaoetʼtińạ,

Sereńko 73:26

Ińakʼ hoṛmo ar mon do sesokʼa, menkhan Isorge ińakʼ ontor reakʼ daṛe do, ar unige ińakʼ jaejugren bakhra kanae.

Rak̕joṅ 3:24

Mon monteń mena, “Probhu Isor kangeae ińren sompotti, onate unirege asiń dohoytińa. ”

Jeheskel 44:28

“ ‘Naekekoakʼ sompotti do eken ińgeń tahena. Ape Israelko do apeakʼ disạmre jãhãn sompottige alope emakoa; onkoren sompotti do ińgeń hoyokʼa.

Numeri 18:7

Menkhan naeke lekate eken am ar amren hoponge pinḍ ar orwal bhitri reakʼ kạmipe kạmi daṛeakʼa. Naekeakʼ hudạ do dan lekateń emape kana. Liwiko chaḍa ar jãhãege ona ńapamokʼ tạmbu reakʼ ṭhạ̃iteye hijukʼ enḍekhan uni doe gocʼ ocokʼa.”

Numeri 26:62

Mitʼ cando se ona khon ḍher umerren Liwi herel hoponkoakʼ lekha do bargel pe hajar tahẽkana. Israelko modre noko do eṭakʼ jãhãn jaega bako ạidạri ocolente ar eṭakʼ Israelko sãote hõ nokoakʼ lekha do baṅ hoylena.

Dosar Biboron 10:9

Ona iạte Liwiko do akoren Israel boehako talare sompotti reakʼ jãhãn hạṭiń se ạidạri do bako ńamleda; aperen Probhu Isorakʼ katha leka Isorge onkoren sompottiye tahẽkana.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Dosar Biboron 14:27

Ar okoe Liwiko apeakʼ ato se nagrahareko girobasokʼkan onko do alope hiṛińkoa, ente onko do apnarakʼ mente jãhãnakʼ cetʼge, metakʼme jaega jumi do bạnukʼtakoa.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

Josuạ 13:14

Mose do Liwi gusṭirenko oka sompottige bae ạidạri ocoatʼkoa, ente Probhu Isorakʼ gokʼakʼ lekage onko do Israelkoren Probhu Isor ńutumte seṅgelre samaṅakʼ jiniskoge onkoakʼ sompotti do hoyokʼa.

Josuạ 13:33

Menkhan uni do Liwi gusṭirenko oka sompotti hõ bae ematʼkoa; onko ṭhen Probhu Isor okae gokʼletʼ ona lekage Israelren Probhu Isorge onkoren sompottiye tahẽkana.

Josuạ 14:3

Ar barea tala gusṭirenko Mose do laharege jordan purub secʼre sompottiye ematʼko tahẽkana, menkhan Israelko talare Liwi gusṭiko do jãhãn sompotti bae ematʼkoa.

Josuạ 18:7

Tobe Liwiko do ape sãote jãhãn hạṭiń bako ńama, ente Probhu Isorren naeke lekate sekʼwa kạmi kangea onkoakʼ sompotti do. Gad ar Ruben gusṭiren hoṛko ar Manase gusṭiren adha hoṛko do laharege jordan gaḍa purub secʼre akoakʼ sompottiko ńamakada. Probhu Isorren guti Mosege ona do onkoe emakawatʼkoa.”

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.