Numeri 18:16 - সান্তালী বাইবেল

¹⁶ Mitʼ cando umerrenko hoylen tayom onkoakʼ chaḍaokʼ reakʼ dam lekate, metakʼme gel gram ojon reakʼ dhorom sekel reakʼ mõṛẽ sekel rupạte, manwaren pạhil hoponem chaḍaokoa.

Numeri 18:16 Iomraidhean Croise

Exodus 30:13

Lekha akan hoṛkoakʼ dolte calakʼ ạurire mimitʼ hoṛ do gel gram ojon reakʼ dhorom sekel reakʼ adha sekelkate emokʼ hoyokʼtakoa. Ar niạ adha sekel do Probhu Isorakʼge hoyokʼa.

Exodus 38:24

Dolao samaṅokʼakʼ reakʼ jotote irạl sae eaegel eae keji pe sae gram sona do noa sonot tạmbure kạmi lạgitʼ beoharena. Ar noa ojon do dhorom reakʼ ojon lekate tahẽkana.

Jeheskel 45:12

Mitʼ sekelre do bargel gira tahena. Ar mitʼ manehre turui gel sekel tahena.

Levitikus 27:25

Jotowakʼ dam do sonot ṭhạ̃i reakʼ Sekel leka hoyokʼa. Ar dhorom reakʼ mitʼ Sekel do gel gram soman ojon kana.

Numeri 18:15

Probhu Isor ṭhenko samaṅokʼ mimitʼ pạhil koṛa hoponko do amrenko hoyokʼa. Baṅ doe manwakan ar baṅ doe janwarkan. Manwaren pạhil koṛa hoponko do khạṭigem chaḍaokoa ar besapha janwarren pạhil ạnḍiạ hoponko hõm chaḍaokoa.

Numeri 18:17

Menkhan pạhile janam akan nonkan ạnḍiạ ḍaṅgra se bheḍa se merom boda hopon chaḍaoko do baṅ ganokʼa. Noko doko sonotgea. Am do pinḍ cetanre onkoakʼ mãyãmem irciya ar seṅgelre samaṅokʼakʼ lekate onkoakʼ itilem jereda. Noa reakʼ jut so Probhu Isor doe kusiyakʼa.

Numeri 3:46

Liwikoakʼ joto lekha khon Israelkoren pạhil herel hoponkoakʼ lekha do barsae eaegel pe hoṛ ḍherko tahẽkante onko mimitʼko chaḍaoko lạgitʼ am do gel gram ojon reakʼ dhorom sekel reakʼ mõṛẽ sekelkate rupạm ạdạikoa.