Numeri 18:1 - সান্তালী বাইবেল

¹ Probhu Isor do Arone galmaraoadeteye metadea, “Sonot tạmbu upạrte okako behokakʼ hoyokʼ ona reakʼ dạyi do am, amren hoponko ar amakʼ bõsren hoṛko cetanre paṛaokʼa. Ona chaḍa naeke kạmire oka behokakʼ hoyokʼ ona reakʼ dạyi hõ am ar amren hoponko gogokʼ hoyokʼtakoa.

Numeri 18:1 Iomraidhean Croise

Exodus 28:38

Noa do Aronakʼ cạndire tahena. Ar Israelko oka jinis samaṅ lạgitʼko ạgui ona reakʼ sanam dos bojha do Aronge gogokʼ hoyokʼtaea. Probhu Isor jemon onkoe ataṅko onate Aronakʼ cạndi cetanre noa sona reakʼ pat do jao okte tahena.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jeheskel 4:4

“Ona tayom amakʼ leṅga aṛete soṛtatem giticʼa ar Israelakʼ kại reakʼ sạjại am cetanrem hataoa. Ar tinạkʼ din soṛtate giticʼ akanem tahena unạkʼ din am do onkoakʼ sạjạiyem goga.

Levitikus 10:17

“Kại ńutumte samaṅokʼ reakʼ jel do sonot ṭhạ̃ire cedakʼ baben jomleda? Noa do sonot utạrakʼ jiniskana. Probhu Isor samaṅre Israelkoakʼ kại khon puruchun lạgitʼge onko doko ematʼben tahẽkana.

Levitikus 22:9

“Naekeko okań hukum akatʼko ona do manao hoyokʼtakoa. Ar bako manao khan onko do dusiko hoyokʼa ar besapha iạteko gujukʼa. Iń Probhu Isorge onko doń begar dohoakatʼkoa.

Numeri 14:34

Disạm cikʼyạre oka pongel din lagaolen ona mimitʼ din reakʼ mitʼ bochorkate jotote pongel bochor hạbicʼ ape do apeakʼ behokakʼ lạgitʼ kosṭope joma arpe bujhạua daṛeakʼa, ape upạrteń teṅgolen khan oka hal hoyokʼtapea mente.

Numeri 16:10

Uni do sanam Liwiko acʼ ṭhene ạguakatʼpea, menkhan ape do ńitokʼ naeke hudạ hõ hatjoṅpe meneda.

Numeri 17:13

Jãhãege Probhu Isorakʼ sekʼwa tạmbu ṭhene sorokʼ uni doe gujukʼa; enḍekhan ale do cetʼ sanamkogele gujukʼa?”

Numeri 17:3

Liwi khũṭ reakʼ ṭheṅgare do Aronakʼ ńutumem ola, ente hapṛamkoakʼ khũṭ lekate mimitʼ khũṭren mukhiyạko lạgitʼ mitʼṭecʼkate ṭheṅga tahena.

Numeri 17:7

Mose do onako ṭheṅga hataokate goha tạmbure Probhu Isor samaṅreye dohokeda.

Numeri 18:11

Israelkoakʼ emakʼ dolao samaṅokʼakʼ jinis hõ amakʼge hoyokʼa. Ona do am ar amren bõskoakʼ bakhra lekateń emapekana. Amakʼ gharońjren okoe saphako tahen eken onkoge onako jom daṛeakʼa.

Numeri 3:6

“Am do Liwi gusṭiren hoṛkom ạgukoa ar Aronakʼ tirem jimạkoa jemon onko do Aronko goṛowae.

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Ibriko 13:17

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Bikʼcạrko 17:12

Uni Liwi hoṛ do acʼakʼ kạmireye bahal ocoyen khan naeke lekate uniyakʼ oṛakʼreye tahẽyena.