Numeri 16:9 - সান্তালী বাইবেল

⁹ Ape lạgitʼ do cetʼ onage baṅ ḍhera je, Israelkoren Isor do somajren eṭakʼ hoṛko khon acʼ ṭhene begar ạguakatʼpea jemon Probhu Isorakʼ sekʼwa tạmburepe kạmi ar somajren hoṛko sapʼsorako lạgitʼ onko samaṅrepe teṅgo daṛeakʼ?

Numeri 16:9 Iomraidhean Croise

Genesis 30:15

Menkhan Lea do uniye metadea, “Ińren jãwãeyem hatao akadere hõ cetʼ baṅ hoyokʼkan tama? Ar ińren hopone ạguakatʼ Dudạ jo hõm khojkana?” Rahele roṛ ruạṛkeda, “Amren hopone ạguakatʼ Dudạ jo bodolte teheń ńindạ uni do am tulucʼe giticʼma.”

2 Samuel 7:19

E Probhu Isor am samaṅre noage ḍher do baṅ hoyakana; inạ sãote amren gutiyakʼ bõsrenkoakʼ tayom daram katha hõm lạiyeda. E Probhu Isor, niạge jemon manwa lạgitʼ amakʼ bondobos hoyokʼ.

2 Bõsbudạ 35:3

Liwiko, okoe do sanam Israelkoko cetʼako kan tahẽkan ar Probhu Isor ńutumte okoe doko begar ocolen uni do okoe metatʼkoa, “Israelren raj Dạudren hopon Solomon do okaṭakʼ mundile benaoletʼ tahẽkan onḍe ape do sonotakʼ sindukpe dohokakʼa. Ona do tarenre ar baṅ gokʼ lagaoapea. Ńitokʼ ape do aperen Probhu Isor ar uniren hoṛko sapʼ sorakope.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Jesaea 7:13

Menkhan Jesaeae menkeda, “Dạud bõsren hoṛko, ańjompe. Manwawakʼ sombhuri biḍạu aṭkar do cetʼ baṅ ḍhera? Ape do cetʼ ińren Isorakʼ sombhuripe biḍạutaea?

Jeheskel 34:18

Apeakʼ bhage ạtiń ṭạnḍi do cetʼ komkante sarecʼakʼ ạtiń jaega hõ jaṅgatepe lebetʼ gasmanḍaoa? Ar phạriạ dakʼpe ńũiyetʼ do cetʼ komkante sarecʼ dakʼ hõ jaṅgatepe leoḍa boḍeyeda?

Jeheskel 44:16

Eken onkoge ińakʼ oṛakʼreko bolo daṛeakʼa; eken onkoge ińakʼ sewa kạmi lạgitʼ ińakʼ ṭebil ṭhenko hecʼdaṛeakʼa ar onkoge ińakʼ oṛakʼ reakʼ sanamakʼko kạmi daṛeakʼa.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Numeri 16:13

Niạ hahaṅkarre gocʼ ocole lạgitʼge nonkan disạm khonem oḍok ạguakatʼlea onḍe do toa ar dumur rasa reakʼ jãhãn okulạnge baṅ tahẽkana. Ar niạge cetʼ baṅ ḍhera? Arhõ aleren mạlik hoyokʼem monejoṅkana.

Numeri 16:8

Mose do Korah arhõe metadea, “E Liwi hoponko ńitokʼ do ińakʼ katha ańjompe.

Numeri 3:6

“Am do Liwi gusṭiren hoṛkom ạgukoa ar Aronakʼ tirem jimạkoa jemon onko do Aronko goṛowae.

Numeri 3:9

Liwiko do Aron ar uniren hoponkom emakoa. Israelko tala khon noko do Aronakʼ tirem jimạkoa.

Aposkạmi 13:2

Onko do upạskate Probhu Isorko sewawaekan tahẽkanre sonot Jiu do onkoe metatʼkoa, “Barnabas ar Sạul oka kạmi lạgitʼ iń hohoakatʼkin, ińakʼ ona kạmi lạgitʼ ńitokʼ unkin baṛe begarkinpe.”

1 Korinthiko 4:3

Ińakʼ bicạr do apege bicạrpe baṅ do bạisiren hoṛko hotete hoyokʼ, onate ińakʼ do jãhãnakʼ cetʼge baṅ cekakʼtińạ; metakʼme iń hõ apnarte do bạń bicạrokʼ kana.

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

1 Samuel 18:23

Onko do noa katha Dạudko baḍae ocokede khan uni doe menkeda, “Rajren jãwãe gomkeń hoyokʼ do cetʼ ạḍi algagepe bujhạueda? Iń doń reṅgecʼ hoṛ kana, mitʼṭen sadharon hoṛ kạnạń.”