Numeri 16:42 - সান্তালী বাইবেল

⁴² Menkhan somajren sanam hoṛko tinre Mose ar Aron upạrte jarwakate ńapamokʼ tạmbu secʼko samaṅkeda unre ackage ńapamokʼ tạmbu do ona rimilte danaṅena ar Probhu Isorakʼ ṭhonok sodorena.

Numeri 16:42 Iomraidhean Croise

Exodus 16:10

Aron do tinre Israelko sãote kathae roroṛkan tahẽkana unre onko do hahaṅkar secʼko beṅgetʼketʼ khan, onḍe rimilre Probhu Isorakʼ ṭhonokko ńelkeda.

Exodus 24:16

Ar Sinại burure Probhu Isorakʼ ṭhonok sodorena. Turui din hạbicʼ buru do rimilte danaṅge tahẽyena. Ona tayom eae din hilokʼre ona rimil tala khon Probhu Isor do Moseye hohoadea.

Levitikus 9:23

Inạ tayom Mose ar Aron do ńapamokʼ tạmbu bhitrite kin boloyena. Ar onḍe khon oḍok hecʼkate unkin do hoṛkin bhoratʼkoa. Unre Probhu Isorakʼ ṭhonok do hoṛko samaṅre sodorena.

Numeri 14:10

Menkhan onko do Josuạ ar Kaleb dhirite tiń gocʼkin lạgitʼko mepenena. Unre ńapamokʼ tạmbu khon Probhu Isorakʼ ṭhonok do sanam Israel hoponko samaṅre sodorena.

Numeri 16:19

Korah do tinre Mose ar Aron upạrte somajren sanam hoṛko jarwakate ńapamokʼ tạmbu reakʼ duạr ṭhene teṅgoyena unre Probhu Isorakʼ ṭhonok do onko samaṅre sodorena.

Numeri 16:43

Unre Mose ar Aron do ńapamokʼ tạmbu samaṅrekin hecʼena,

Numeri 20:2

Ar onḍe dakʼ baṅ tahẽkante Israelko do Mose ar Aron upạrte dolko pakaokeda.

Numeri 20:6

Noa iạte Mose ar Aron do onko ṭhen khon senkate ńapamokʼ tạmbu reakʼ duạr ṭhenkin ombakʼ hapeyena. Unre Probhu Isorakʼ ṭhonok do unkin samaṅre sodorena.