Numeri 16:41 - সান্তালী বাইবেল

⁴¹ Inạ dosar hilokʼ Israel somajren sanamkoge Mose ar Aron upạrte karacʼ kurujokʼko ehopʼena arko menkeda, “Probhu Isorren hoṛ do abenge ben gocʼketʼkoa.”

Numeri 16:41 Iomraidhean Croise

1 Rapajko 18:17

Eliại ńelkede khan Ahabe menkeda, “Am kangeam, E Israelren jạnum?”

Sereńko 106:13

Menkhan uniyakʼ kạmi reakʼ katha do ạḍi usạrako hiṛińkeda; onko do uniyakʼ sopolha bako tạṅgileda.

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

Jirimiạ 43:3

Menkhan Neriạren hopon Baruk do ale upạrte ame uskur akatʼmea jemon Babelrenkoakʼ tirem soprotle arko gocʼle se bondikate Babelteko idile.”

Amos 7:10

Tayomte Bethelren naeke Amasiạ do Israelren raj Jerobiam ṭhen noa khobore kolkeda, “Amos do Israelko talare am upạrte mitʼṭecʼe soṛojontroyetʼkana. Disạmren hoṛko do uniyakʼ katha bako sahao daṛeakʼkana.

Numeri 14:2

Onko do Mose ar Aron upạrteko karacʼ kurucʼena. Ar jotoko mitʼkate unkinko metatʼkinạ, “Misor disạmre se hahaṅkarregele gocʼlen khan bhage hoykokʼa.

Mathae 5:11

“Bhạgangeape iń iạte hoṛko opoman arko santao lepere ar ạuṛiyakʼte sanam lekan bạṛicʼakʼ reaṅko roṛlepere.

Aposkạmi 21:28

Ar ãṭ aṛaṅte nonka memenko ehopʼena, “E Israelko, dela hijukʼpe. Sanam jaegaren hoṛko ṭhen aboakʼ jạt ar aboakʼ ạn-ạri ar mundil upạrte okoe doe cetʼakokan uni hoṛ doe nui kangea. Ona chaḍa mundilre Junạnikoe aderetʼkote uni do noa sonot jaegaye bhonḍ akada.”

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

1 Korinthiko 10:10

Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.

2 Korinthiko 6:8

Hoṛko manotle ar bako manotle, ale reaṅ mońjko roṛ ar bạṛicʼko roṛ, menkhan ale dole sạbud akada Isorren sapʼdapʼko kanale. Hoṛ do ṭhokko metalekana, menkhan ale do sạriyakʼ horrele taṛameda.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.