Numeri 16:21 - সান্তালী বাইবেল

²¹ “Aben do eṭakʼ sanam hoṛko khon begarokʼ ben, jemon ńitge onkoń maraoko.”

Numeri 16:21 Iomraidhean Croise

Genesis 19:13

ente noa ṭhạ̃i ḍahao marao lạgitʼge ạliń doliń sapṛao akana. Ente noa ṭhạ̃iren hoṛkoakʼ rakʼ do Probhu Isor ṭhen seṭer akana, ar ạliń do ona ḍahao marao lạgitʼ liń kol ocoakana.

Genesis 19:14

Unre Lot do bahrete senkate acʼren okoe jãwãe goṅkekin hoyokʼ onkine metatʼkinạ, “Usạrate noa jaega khon dela oḍok hijukʼben, Probhu Isor do noa nagraha ḍahao marao lạgitʼe sapṛao akana.” Menkhan unkin dokin hudiskeda uni doe khiloḍ kana.

Sereńko 73:19

Onko do acʼkageko maraokʼa ar botoranakʼ muhinreko caba utạrokʼa.

Exodus 32:10

Am do alom tạkicʼ daramińạ. Onko upạrte ińakʼ edre do seṅgel leka jolokʼ kantińạ. Iń do onkoń jarkhar cabakoa. Ar ona tayom do am hotete mitʼṭecʼ maraṅ jạtiń hoyocokoa.”

Exodus 32:12

Ar Misorrenko do niạ katha roṛ reakʼ cedakʼ ạtko ńama, dhạrti khon meṭaoko lạgitʼ am do noa buru ṭoṭha talarem oḍok ạgu akatʼkoa? Amakʼ noa botoranakʼ edre do thirtam. Dayakʼme, amren hoṛko cetanre noa muhin do alom ạguiya.

Exodus 33:5

ente Probhu Iso do Moseye metade tahẽkana, “Israelkom metakoa, onko do, mitʼṭecʼ keṭecʼ hoṭokʼan jạtren kanako mente. Onate mitʼ ghạṛi hõ onko sãoteń tahen, enḍekhan onko doń marao utạrkoa. Ar ńit onkoakʼ hoṛmore okako abhran menakʼ onako totʼ giḍikakʼma. Ar ona tayom iń hudisa onkore cetʼ iń cekaea mente.”

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jirimiạ 5:16

Onkoakʼ sar ṭhoṅga do jhicʼ akatʼ kobor leka; onko jotoge daṛean bir kanako.

Numeri 14:12

Iń do onkore mahamạriń paṛao ocoya ar onkoń gokʼ akawatʼko disạm reakʼ ạidạri do onko khoniń recʼ ocoya, menkhan onko khon hõ mitʼṭecʼ maraṅ jạtrenkoge am khoniń sirjạukoa.”

Numeri 14:15

Onate sanamko mitʼ sãotem gocʼko enḍekhan eṭakʼ jạtrenko okoe do am reaṅ kathako ańjomakatʼ onkoko mena,

Numeri 16:20

Probhu Isor do Mose ar Arone metatʼkinạ,

Numeri 16:45

“Aben do noko hoṛko khon pharakokʼ ben; ńitge onko doń marao cabakoa.” Noa katha ańjomkate unkin do otre kin ombakʼena.

Numeri 17:10

Inạ tayom Probhu do Moseye metadea, “Ṭhoṭhok hoṛko lạgitʼ mitʼṭecʼ cinhạ ńutumte Aronakʼ ṭheṅga do arhõ goha sinduk samaṅre dohokakʼme. Onate am do iń upạrte onkoakʼ karacʼ kurujokʼakʼem thir ocoytakoa, onate onko do ar bako gujukʼa.”

Aposkạmi 2:40

Ona chaḍa arhõ ạḍi utạr kathakote Patras do goha emokʼe ehopʼena. Uni do noa menkate bujhạu ocokoe kurumuṭukeda, “Niạ peṛta piṛhiren hoṛko khon apnarte bańcaokʼpe.”

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.