Numeri 16:19 - সান্তালী বাইবেল

¹⁹ Korah do tinre Mose ar Aron upạrte somajren sanam hoṛko jarwakate ńapamokʼ tạmbu reakʼ duạr ṭhene teṅgoyena unre Probhu Isorakʼ ṭhonok do onko samaṅre sodorena.

Numeri 16:19 Iomraidhean Croise

Exodus 16:10

Aron do tinre Israelko sãote kathae roroṛkan tahẽkana unre onko do hahaṅkar secʼko beṅgetʼketʼ khan, onḍe rimilre Probhu Isorakʼ ṭhonokko ńelkeda.

Levitikus 9:23

Inạ tayom Mose ar Aron do ńapamokʼ tạmbu bhitrite kin boloyena. Ar onḍe khon oḍok hecʼkate unkin do hoṛkin bhoratʼkoa. Unre Probhu Isorakʼ ṭhonok do hoṛko samaṅre sodorena.

Levitikus 9:6

Unre Mose do onkoe metatʼkoa, “Probhu Isorakʼ mạhima ape samaṅre jemon sodorokʼ ar onate uni do noako kạmi lạgitʼe hukum akatʼpea.”

Numeri 12:5

Unre Probhu Isor do rimil khunṭi khon ńapamokʼ tạmbu reakʼ duạr ṭhen teṅgo akan Aron ar Mạriạme hohowatʼkinạ. Arkin hecʼ soren khan Probhu Isor doe metatʼkinạ, “Ińakʼ katha ańjom ben. Ape talare jãhãege nạbiye tahen khan iń Probhu Isorge dorson hotete uni ṭheniń sodorokʼa ar kukmũ talate uni sãoteń galmaraoa.

Numeri 14:10

Menkhan onko do Josuạ ar Kaleb dhirite tiń gocʼkin lạgitʼko mepenena. Unre ńapamokʼ tạmbu khon Probhu Isorakʼ ṭhonok do sanam Israel hoponko samaṅre sodorena.

Numeri 16:18

Moseyakʼ katha leka mimitʼ hoṛ apan ạpin dhup dạnire seṅgel ar dhupante ńapamokʼ tạmbu reakʼ duạr samaṅre Mose ar Aron sãote senkateko teṅgoyena.

Numeri 16:20

Probhu Isor do Mose ar Arone metatʼkinạ,

Numeri 16:42

Menkhan somajren sanam hoṛko tinre Mose ar Aron upạrte jarwakate ńapamokʼ tạmbu secʼko samaṅkeda unre ackage ńapamokʼ tạmbu do ona rimilte danaṅena ar Probhu Isorakʼ ṭhonok sodorena.

Numeri 20:2

Ar onḍe dakʼ baṅ tahẽkante Israelko do Mose ar Aron upạrte dolko pakaokeda.

Numeri 20:6

Noa iạte Mose ar Aron do onko ṭhen khon senkate ńapamokʼ tạmbu reakʼ duạr ṭhenkin ombakʼ hapeyena. Unre Probhu Isorakʼ ṭhonok do unkin samaṅre sodorena.