Numeri 16:13 - সান্তালী বাইবেল

¹³ Niạ hahaṅkarre gocʼ ocole lạgitʼge nonkan disạm khonem oḍok ạguakatʼlea onḍe do toa ar dumur rasa reakʼ jãhãn okulạnge baṅ tahẽkana. Ar niạge cetʼ baṅ ḍhera? Arhõ aleren mạlik hoyokʼem monejoṅkana.

Numeri 16:13 Iomraidhean Croise

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

Exodus 16:3

Onkoko menkeda, “Misor disạmre Probhu Isorakʼ tire cedakʼ baṅ bale gocʼ ocolen. Onḍe do jel reakʼ ṭukucʼ samaṅre dohokate lacʼ bikʼ piṭhạ ar jel le jometʼ tahẽkana. Aben do begor jomte gocʼ ocole lạgitʼ noa hahaṅkarte ben ạguakatʼlea.”

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Exodus 2:14

Uni hoṛe menkeda, “Okoe baṅ ạliń talare mukhiyạ ar bicạricʼe dohoakatʼme? Uni Misri hoṛ leka cetʼ iń hõ gojeńem khojkana?” Noa katha ańjomkate Mose doe botorena. Uni doe hudiskeda, khạṭige noa katha do sodor akana.

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Jeheskel 34:18

Apeakʼ bhage ạtiń ṭạnḍi do cetʼ komkante sarecʼakʼ ạtiń jaega hõ jaṅgatepe lebetʼ gasmanḍaoa? Ar phạriạ dakʼpe ńũiyetʼ do cetʼ komkante sarecʼ dakʼ hõ jaṅgatepe leoḍa boḍeyeda?

Numeri 11:20

menkhan goṭa candoge mũ moca khon hirkhạge ạuri oḍokokʼ hạbicʼpe joma. Noako hoyokʼa ente okoe ape talare menae uni Probhu Isorpe nihạ̃t akadea ar uni samaṅre rakʼatepe menakada, Misor disạm bạgiyakʼ do ṭhikakʼ baṅ hoylentalea.’ ”

Numeri 11:4

Israelko sãote eṭakʼ eṭakʼ jạtren okoeko hoṛko tahẽkan onko do eṭakʼ lekan jomakʼ lạgitʼ laloc hecʼatʼkoa. Onko ńelte Israelko do rakʼate memenko ehopʼena, “Hae, jel baṛele jom ńamle khan!

Numeri 11:5

Ale do Misor disạmre begor damte hakole jometʼko tahẽkana. Ona chaḍa taher, tormuj, kaḍa peaj, peaj ar rạsun reakʼ katha hõle disạyeda.

Numeri 13:27

Onko do Moseko metadea, “Okaṭakʼ disạmtem kolletʼle ale do onḍele senlena. Ona disạm do sạrige toa, dumur rasa ạtukʼ disạm kana ar eṭakʼ cetʼ jãhãn reakʼ okulạnge bạnukʼa. Noako do onḍenakʼ jo kangea.

Numeri 14:2

Onko do Mose ar Aron upạrteko karacʼ kurucʼena. Ar jotoko mitʼkate unkinko metatʼkinạ, “Misor disạmre se hahaṅkarregele gocʼlen khan bhage hoykokʼa.

Numeri 14:3

Probhu Isor do cedakʼ lạṛhạire gujukʼ lạgitʼ ona disạmteye idiyetʼlea? Onḍenko hoṛ do aleren bạhuko ar gidrạkoko recʼlea. Ona khon Misorte ruạṛ calakʼge cetʼ bhage baṅ tahẽkantalea?”

Numeri 16:12

Inạ tayom Mose do Eliabren hopon Dathan ar Abirame hohoatʼkinạ menkhan unkin dokin roṛgotʼkada, “Ạliń do bạliń calakʼa.

Luk 19:14

“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

Aposkạmi 7:35

“Nui doe uni Mose kana one okoe do Israelkoko baṅlede, oneko menletʼ ‘okoe baṅ ạliń talare mukhiyạ ar bicạricʼe dohoakatʼme?’ Ar okoeṭakʼ serma goḍet ona jhạuạ talare Mose ṭhene ńel ocolen uni hotete Isor acʼge Israelkoren Mukhiyạ ar chaḍaoicʼ menkate Misorte Moseye kolledea.