Numeri 15:31 - সান্তালী বাইবেল

³¹ Uni do Probhu Isorakʼ kathae nihạ̃t akatʼte ar uniyakʼ hukume bebatao akatʼte khạṭigeye marao ocokʼa, ar uniyakʼ dos do unirege paṛaokʼa.”

Numeri 15:31 Iomraidhean Croise

2 Samuel 12:9

Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

Sereńko 107:11

ente onko do Isorakʼ katha upạrteko huletʼkan tahẽkana, ar maraṅ Isorakʼ hukumko nindạuetʼ tahẽkana.

Sereńko 119:126

E Probhu Isor, ńitokʼ do kạmire lagaokʼ reakʼ somoe hoyakana; hoṛko do amakʼ hukumko bebatao akada.

Sereńko 38:4

Ińakʼ bedhoromre iń doń unum akana; ona do nonkan bojha leka hoyakana ar bạń gokʼ daṛeakʼ kana.

Exodus 30:33

Ar jãhãege nonkan jut so mosolae tear se naeke chaḍa ar jãhãeakʼ hoṛmore ojogokʼ enḍekhan uni do acʼakʼ jạtrenko khone meṭao ocokʼa.”

Kạhtukko 13:13

Okoe hoṛ Isorakʼ kathae nihạ̃t uni do acʼakʼ nosṭokʼe ạgujoṅa, menkhan okoe hoṛ Isorakʼ hukumkoe manao uni do acʼakʼ kuṛạiye ńama.

Jesaea 30:12

Ona iạte Israelren uni sonoticʼ do niạ kathae meneda, “Ape do ińakʼ kathape nihạ̃t akada, ar eṛe ar sasantaoko cetanrepe bhorsakʼkana.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jeheskel 18:20

Okoeye kại uni do khạṭigeye gujukʼa. Hopon do apatakʼ dos iạte sạjại ohoe ńamlea ar apat hõ hoponakʼ dos iạte bae sạjại ocokʼa. Dhorom hoṛ do acʼakʼ dhorom kạmi reakʼ joe ńama ar bạṛicʼ hoṛ do acʼakʼ dusṭạmi reakʼ jogeye ńama.

Levitikus 26:15

ar ińakʼ niạmko bape hetawakʼ ar ińakʼ ạn-ạrikope nindạu ar ińakʼ hukumko bape senakʼte ińakʼ bondobospe rạpud,

Levitikus 26:43

Ar jarkhar iạte akoakʼ disạmko bạgiyakʼ tayom onkoakʼ disạm do jirạukʼ bochor reakʼ suke joma. Onko do ińakʼ bicạrko nihạ̃t akatʼte ar ińakʼ ạn-ạriko hirkhạ akatʼte sạjạiko ńamgea.

Levitikus 5:1

“Jãhãe hoṛ apnar ńelakʼ se ańjomakʼ jãhãnakʼ babotre bicạrre goha emokʼ reakʼ ạte ńamlere hõ thir hapegeye tahen enḍekhan uni do kại hoyokʼtaea ar ona behokʼ lạgitʼ uni do dạyireye paṛaokʼa.

Numeri 9:13

Menkhan besapha hoṛe baṅkan se daṛan horren hoṛ hõe baṅkan ar bańcaokʼ porob bae manao, enḍekhan uni do niṭ akatʼ oktere Probhu Isor ńutumte bae samaṅletʼte acʼakʼ jạtrenko khone marao ocokʼa. Uni do acʼakʼ kại reakʼ kuṛạiye ńama.

Dosar Biboron 17:12

Jãhãe hoṛ bạḍại salakʼ uni bikʼcạricʼakʼ katha se aperen Probhu Isorren sapʼdapʼicʼ naekeakʼ katha bae ańjom, enḍekhan uni do khạṭige gocʼ giḍikae hoyokʼa. Ar Israelko tala khon nonkan bạṛicʼ hoṛ dope marao utạrkoa.

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

2 Patras 2:21

Onko do dhorom jion reakʼ horko baḍaekan tahẽkanre hõ okaṭakʼ sonot hukum ematʼko tahẽkan ona doko bebataoleda. Noa dosare onko lạgitʼ ṭhik hor baṅ baḍaege bickom bhage tahẽkana.

1 Samuel 3:14

Ona iạte Eliyakʼ bõsko reaṅ iń do kiriạkateń meneda, janwar samaṅokʼakʼ se eṭakʼ jãhãn samaṅokʼakʼ hotete hõ uniyakʼ bõsko reakʼ behokakʼko do tisge baṅ puruchunokʼ takoa.”