Numeri 15:20 - সান্তালী বাইবেল

²⁰ Pạhil rakabokʼ phosol reakʼ holoṅte do piṭhạ benaokate khạrại reakʼ tulokʼ samaṅokʼ lekage onape tul samaṅa.

Numeri 15:20 Iomraidhean Croise

Nehemiạ 10:37

Ona chaḍa aleakʼ holoṅ ar jomakʼ reakʼ pạhilakʼ hĩsko, dare reakʼ pạhilakʼ joko ar nãwã darkha rasa ar sunum reakʼ pạhilakʼ hĩs do aleren Probhu Isorakʼ oṛakʼre naekeko ṭhenle ạguiya. Ar aleakʼ gel hạṭiń reakʼ mitʼ hạṭiń do Liwiko ṭhenle ạguiya, ente aleakʼ joto atokore Liwiko do gel hĩsko hataoeda.

Exodus 23:19

Apeakʼ khet khon rakapʼakʼ pạhil phosol reakʼ bhage utạrakʼ hạṭiń do aperen Probhu Isorakʼ oṛakʼtepe idiya. Ar merom hoponakʼ jel do uniren eṅgatakʼ toa sãote alope isina.

Exodus 34:26

Apeakʼ khet baṛge khon rakapʼakʼ pạhil phosol reakʼ bhage utạrakʼ hĩs do Probhu Isorakʼ oṛakʼtepe ạguiya. “Merom hoponakʼ jel do uniren eṅgatakʼ toa sãote alope isina.”

Jeheskel 44:30

Joto lekan phosol reakʼ pạhilre rakapʼakʼ khon bhageakʼ hĩs ar apeakʼ sanam sandesko do naekekoakʼ hoyokʼa. Apeakʼ nãwã holoṅ reakʼ pạhilakʼ hĩs ape do onkope emakoa jemon apeakʼ gharońj cetanre bhor tahen.

Levitikus 2:12

Pạhilre rakabokʼ phosol samaṅ lạgitʼ khạmi ar rasa do Probhu Isor ṭhenko idi daṛeakʼa, menkhan oka samaṅokʼakʼ reakʼ jut so uniye kusiyakʼ onkan samaṅokʼakʼ lekate khạmi ar rasa do pinḍre alope jereda.

Levitikus 2:14

“Probhu Isor ńutumte samaṅokʼ lạgitʼ pạhil rakapʼakʼ phosol khon jãhãegeko ạgui enḍekhan ona nãwã gele ạgukate seṅgelrem ataea arem huṛuṅ gunḍạya.

Levitikus 23:20

Naeke do Probhu Isor samaṅre unkin barea bheḍa hopon ar pạhilre rakapʼakʼ phosol khon benaoakʼ ona piṭhại dolaoa. Noa do Probhu Isor ńutumte samaṅakʼ sonot jinis kana okaṭakʼ do naekeakʼ bakhra kan.

Numeri 15:21

Pạhilre rakapʼakʼ anaj reakʼ noa samaṅokʼakʼ do piṛhike piṛhi iń ńutumte samaṅ hoyokʼtapea.

Numeri 18:12

“Israelko do akoakʼ pạhil rakapʼakʼ khon bhage utạrakʼ jạitun sunum, nãwã darkha rasa ar anaj oka do Probhu Isor ńutumteko em ona jotowakʼ do amiń ematʼmea.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Romiko lạgitʼ Pạul Apostolakʼ ciṭhi 11:16

Sipiyakʼ holoṅ khon pạhil benaoakʼ piṭhạge sonotge khan enḍekhan ma sanam sipiyakʼ holoṅ hõ sonotge. Jạitun dare reakʼ rehetʼge sonotge khan ḍạrko hõ sonotgea.

1 Korinthiko 15:20

Menkhan Mạsi do sạriyakʼge gocʼko khone jiwetʼ beretʼ ocoakana; ar gocʼko modren unikangeae pạhilicʼ jo do.

Dosar Biboron 14:22

“Jao bochor apeakʼ jumire okako phosol hoyokʼ ona reakʼ gel hạṭiń reakʼ mitʼ hạṭiń dope begar dohokakʼa.

Dosar Biboron 14:23

Aperen Probhu Isor botoraepe ar apeakʼ anaj ar phosol reakʼ, nãwã darkha rasa ar sunum reakʼ gel hạṭiń reakʼ mitʼ hạṭiń do emokʼ hoyokʼtapea. Ar aperen palren ḍaṅgra, bhiḍi, meromkoren pạhilicʼ hopon reakʼ jel do aperen Probhu Isor samaṅre nonkan ṭhạ̃ire jojom hoyokʼtapea one okaṭakʼ ṭhạ̃ire sodorokʼ lạgitʼte acʼakʼ tahen oṛakʼ menteye bachaojoṅ.

Dosar Biboron 16:13

“Apeakʼ khạrại ar darkha lelenkunḍ reakʼ ṭhạ̃i khon jotowakʼpe samṭao tayom eae din do ḍera porobpe porobokʼa.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.