Numeri 14:8 - সান্তালী বাইবেল

⁸ Probhu Isor aboreye kusilen khan enḍekhan toa ar dumur rasa ạtukʼ ona disạmtegeye idibona, ar onageye emabona.

Numeri 14:8 Iomraidhean Croise

2 Samuel 22:20

Uni do mitʼṭecʼ phaelao jaegateye oḍok ạgukedińa; ar ińre kusiye tahẽkante uni doe rukhiyạkedińa.

1 Rapajko 10:9

Amren Probhu Isorakʼ sarhaoge baṛe hoyokʼtae ma, one okoe do am cetanreye kusi akante Israelakʼ siṅghạsonreye duṛupʼ akatʼme. Uni do Israelko jaejug hạbicʼe dulạṛetʼkote hok bicạr ar dhorom rukhiyại lạgitʼgeye raj akatʼmea.”

2 Rapajko 18:32

Ona tayom hecʼkate apeakʼ nij disạm leka ar mitʼ disạmteń idipea. Ona disạm do hoyokʼkana anaj ar nãwã darkha rasa ạtukʼ disạm, piṭhạ ar darkha bagwan reakʼ disạm, jạitun ar dumur rasa reakʼ disạmtege. Ar ińakʼ katha lekape kạmi enḍekhan ape do bape gujukʼa bickom jiwetʼpe tahena. ‘Hiskiạ tinreye mena Probhu Isor do apeye rukhiyạpea, unre uniyakʼ katha do alope ańjomtaea, ente ona katha menkate uni doe ạnḍicʼetʼpea.

Sereńko 22:8

“Uni ma Probhu Isorreye bhorsakʼkan, enḍekhan unigeye rukhiyạyema; ar unigeye bańcaoema, ente uniregeye kusi akana.”

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Numeri 13:27

Onko do Moseko metadea, “Okaṭakʼ disạmtem kolletʼle ale do onḍele senlena. Ona disạm do sạrige toa, dumur rasa ạtukʼ disạm kana ar eṭakʼ cetʼ jãhãn reakʼ okulạnge bạnukʼa. Noako do onḍenakʼ jo kangea.

Numeri 16:14

Ona chaḍa toa ar dumur rasa ạtukʼkan disạmte hõ bam ạgu akatʼlea jaega-jumi ar darkha khethõ bam ạidạri ocoakatʼlea. Noko hoṛ do cetʼ kãṛãge dohokom khojkana? Baṅ, ạliń do bạliń calakʼa.”

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Dosar Biboron 10:15

Enhõ uni do aperen hapṛamkoe bạsutatʼkote apeye dulạṛketʼpea. Uni do sanam jạtrenko tala khon onkoren bõsko, metakʼme apeye dulạṛketʼpea ar teheń hõ uniren bachao akan jạtrenkoge menakʼpea.

Josuạ 14:12

Nokʼõe noa buru ṭoṭha enhilokʼ emokʼ reakʼe gokʼạdiń tahẽkana ńit ona baṛe imạńme. Unre amem ańjomleda, Ananikiko do onḍeko girobasokʼ kana ar onkoakʼ nagraha do maraṅgea ar beṛhaete pạcri esetʼgetakoa. Menkhan Probhu Isor iń sãoteye tahen khan uniyakʼ katha lekage onkoń laga ńirkoa.”