Numeri 14:40 - সান্তালী বাইবেল

⁴⁰ Dosar hilokʼ setakʼ jokhecʼ onko do ona buru ṭoṭha secʼ calakʼ lạgitʼ sapṛaoenteko menkeda, “Nõkʼõele teargea. Ale dole kại akada; ńitokʼ do Probhu Isore gokʼakatʼ disạmtegele calakʼa.”

Numeri 14:40 Iomraidhean Croise

Sosolhayic̕ 9:3

Siń cando latarre okako hoyokʼkan ona modre duk reakʼ do hoyokʼkana, sanamko inạ mitʼ dosage hoyokʼtakoa. Ona chaḍa manwa ontor do dukte perecʼgea ar jiwetʼe tahen bhor uniyakʼ ontorre do khepatetʼ tahena, ar ona tayom uni doe gujukʼa.

Numeri 15:30

“Menkhan Israelko se onko talareko girobasokʼ kan eṭakʼ jạtren hoṛko modren jãhãege baḍaekateye ghạṭ enḍekhan uni do Probhu Isore nindạuede kana. Onate uni do acʼ jạtrenko khone marao ocokʼa.

Numeri 22:34

Unre Biliam do Probhu Isorren goḍete metadea, “Iń doń kại akada. Bạń bujhạu daṛeada, am dom tạkicʼ daram edeńkana mente. Ińre kusi bạnum khan enḍekhan iń doń ruạṛ calakʼa.”

Luk 13:25

Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Dosar Biboron 1:41

“Niạ katha ańjomkate apepe menleda, ‘ale do Probhu Isor birudtele kại akada. Ńitokʼ ale do aboren Probhu Isorakʼ hukum lekagele lạṛhạiya.’ Ar niạ menkate jotoge lạṛhại reakʼ khanḍa bhanḍape horokʼana. Arpe hudiskeda buru ṭoṭha secʼte rakapʼ calakʼ do algagea mente.

Dosar Biboron 1:43

“Iń do onako kathageń baḍae ocoletʼpea menkhan bape luturatʼtińạ. Ape do Probhu Isor upạrte senkatepe phulạuena ar buru ṭoṭhatepe rakapʼ calaoena.