Numeri 14:37 - সান্তালী বাইবেল

³⁷ metakʼme okoeko hoṛ do ona disạm reaṅ bạṛicʼ katha roṛ baṛae lạgitʼ dạyiko tahẽkan onko joto do Probhu Isor samaṅre mahamạriteko gocʼena.

Numeri 14:37 Iomraidhean Croise

Sereńko 91:7

Hoedaṛeakʼa am pantere hajar hoṛ ar eṭakʼ pantere do gel hajar hoṛko gurlenre hõ noako do am ṭhen baṅge hijukʼa.

Jirimiạ 29:32

Iń do khạṭige Nehelamren Semaya ar uni bõsrenkoń sạjạikoa. Noko jạtrenko modre uniren do celege bako tahena ar ińren hoṛko okań bhạlạiko ona do bae ńela, ente uni do iń upạrteye hul akada. Iń Probhu Isorge noa katha doń meneda.’ ”

Levitikus 10:2

Onate Probhu Isor ṭhen khon seṅgel oḍok hecʼente unkine atarketʼkinạ, ar unkin do Probhu Isor samaṅrekin gocʼena.

Numeri 13:32

Oka disạmko ńel ạguketʼ onko do Israelko ṭhen ona disạm reakʼ nindạu kathako roṛkeda, “Okaṭakʼ disạmle ciyạ ạguketʼ ona disạm do hoṛ jojom mitʼṭecʼ disạm kana. Okoe hoṛko onḍele ńel akatʼko onko do darmoṭ darmoṭ hoṛ kanako.

Numeri 14:12

Iń do onkore mahamạriń paṛao ocoya ar onkoń gokʼ akawatʼko disạm reakʼ ạidạri do onko khoniń recʼ ocoya, menkhan onko khon hõ mitʼṭecʼ maraṅ jạtrenkoge am khoniń sirjạukoa.”

Numeri 14:38

Eken Nun hopon Josuạ ar Jephunren hopon Kaleb jiwetʼkin tahẽyena.

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Numeri 16:49

Korah iạte okoeko gocʼen onko chaḍa arhõ gelpon hajar eaesae hoṛ do mahamạriteko gocʼena.

Numeri 20:3

Onko do Mose sãoteko jhogṛayena arko menkeda, “Probhu Isor samaṅre aleren boehako tinreko gocʼena unre ale hõle gocʼlen khan bhage hoekokʼa.

Numeri 22:33

Gadha eṅga do iń ńelte pepe dhaoge iń samaṅ khone sahaṛ akana. Uni bae ocokʼlen khan, khạṭige am doń gocʼkema ar gadha do jiwetʼiń dohokea.”

Numeri 25:9

Menkhan okoe ona mahamạriteko gocʼen onkoakʼ lekha do bargel pon hajar tahẽkana.

1 Korinthiko 10:10

Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.

1 Korinthiko 10:5

Enrehõ Isor do onko modren ḍher hoṛko cetanre kusi bae tahẽkana. Onate onkoakʼ mạ̃ṛĩ do hahaṅkarrege giḍi ocoyentakoa.

Ibriko 3:17

Okoe upạrte Isor do pongel bochor hạbicʼe ạṛislena? Onko do cetʼ noko hoṛ doko baṅkana one okoe doko kại akatʼ tahẽkan, ar okoe do hahaṅkarre mạ̃ṛĩ tahẽkantako?

Ibriko 3:18

Ar okoeko ṭhen baṅ Isor doe kiriyạlenteye metatʼko tahẽkan, onko do uniyakʼ jirạukʼ joṅ jaegate bako bolo ńama? Onko do cetʼ nokoko hoṛ doko baṅkana one okoe do bako pạtiạuadete uniko bemanotlede?

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.