Numeri 14:33 - সান্তালী বাইবেল

³³ Ar hahaṅkarre ạuripe gujukʼ arpe seyakʼ hạbicʼ apeakʼ bepạtiạu iạte aperen hopon ar hoponerako do pongel bochor hạbicʼ nonḍege bhiḍiko gupi baṛakoa.

Numeri 14:33 Iomraidhean Croise

Sereńko 107:4

Onko do hahaṅkar jaegareko ạcur baṛayena; ar girạbasokʼ lạgitʼ oka nagraha hõ bako sendra ńamleda.

Sereńko 107:40

Uni do cetan hudạren hoṛko cetanre bemanote upʼatʼkoa,

Sereńko 78:33

Onate onkoakʼ din do ạuṛiyakʼtegeye cabaketʼtakoa. Ar bochorko do torastege.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Jeheskel 23:35

Am do ińem hiṛiń arem dea giḍi akadińte amakʼ laṭghaṭ ar kusumbi reakʼ kuṛạiyem joma. Iń Probhu Isorge noa katha doń meneda.”

Hosea 9:1

E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.

Numeri 32:13

Israelko cetanre Probhu Isorakʼ edre do rakapʼena ar uni samaṅre bạṛicʼko kạmikan sanam hoṛko ạuriko marao cabakʼ hạbicʼ pongel bochor hạbicʼ uni do hahaṅkarreye ạcur baṛaletʼkoa.

Numeri 33:38

Israelko Misor disạm khonko oḍok hecʼen tayom pongel bochor reakʼ mõṛẽ cando reakʼ pạhil dinre Probhu Isorakʼ hukumte naeke Aron do Hor buru coṭteye rakapʼ calaoena ar onḍegeye gocʼena.

Numeri 5:31

Nonkate jãwãetetʼakʼ behokakʼ lạlis khon chaḍaoe ńama, menkhan maejiue behok lekhan ona reakʼ kuṛại doe ńamgea.”

Aposkạmi 7:36

Ar nui Mosege Misor disạm khon Israelkoe oḍok ạguletʼkoa ar Misor disạmre, arakʼ doreãore ar pongel bochor hạbicʼ hahaṅkarre ạḍi utạr hahaṛa kạmi ar cinhạkoe kạmileda.

Dosar Biboron 1:3

Israelko reaṅ Mose okakoe hukumade tahẽkan ona do onkoakʼ dãṛãn horre pongel bochor reakʼ gelmitʼ cando reakʼ pạhil hilokʼ Probhu Isor do onko ṭhene sodorleda.

Dosar Biboron 2:14

Kades bạgikate Sered soḍokʼ paromokʼte pegel irạl bochor lagao atʼbon tahẽkana. Kades bạgi oṭowakʼ lahare ḍerare okoe palṭonko tahẽkan onko sanamkoge niạ pegel irạl bochor bhitrite Probhu Isorakʼ gokʼakʼ reakʼ katha lekateko gocʼena.

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

Dosar Biboron 29:5

Pongel bochor hạbicʼ Probhu Isorge ape do hahaṅkar talateye idiletʼpea. Onako dinre apeakʼ hoṛmo reakʼ kicricʼ hõ baṅ lamjakʼlena ar panahe hõ baṅ heṛlentapea.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Dosar Biboron 8:4

Niạ pongel bochorre apeakʼ hoṛmo reakʼ kicricʼko hõ baṅ marelena ar jaṅga hõ baṅ bharaolentapea.

Josuạ 14:10

“Buluṅ doreãore tinre Israelko doko ạcur baṛaekan tahẽkana ar Probhu Isor do Mose noa kathae metade tahẽkan ar un khon uniyakʼ gokʼakʼ lekate niạ pongel mõṛẽ bochor iń do jiwetʼe dohoakadińạ, ar ńitokʼ ińakʼ umer do irạl gel mõṛẽ bochor hoyakantińạ.

Josuạ 5:6

Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.