Numeri 14:27 - সান্তালী বাইবেল

²⁷ “Noko bạṛicʼ jạtrenko do ar tinạkʼ din iń upạrteko karacʼ kurujokʼa? Iń do onkoakʼ karacʼ kurujokʼ iń ańjomakada.”

Numeri 14:27 Iomraidhean Croise

Exodus 16:12

“Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Exodus 16:28

Unre Probhu Isor do Moseye metadea, “Ar tinạkʼ din ape do ińakʼ hukum ar ińakʼ solhako bape manaoa?

Exodus 16:9

Ona tayom Mose do sanam Israelko samaṅre Aron noa katha roṛ lạgitʼe metadea, “Probhu Isor do acʼ upạrte apeakʼ aema kathae ańjomakada, ar onate uni samaṅre calakʼpe.”

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.

Numeri 11:1

Israelko talare oka duk ar kosṭo hoyokʼkan tahẽkan onate onko do Probhu Isor samaṅreko karacʼ kurujokʼkan tahẽkana. Ona ańjomte Probhu Isor doe edreyena. Uniyakʼ seṅgel do onko talare jolokʼ ehopʼena ar ḍeraren thoṛa hoṛ doko lo gocʼena.

Numeri 14:11

Probhu Isor do Moseye metadea, “Onko do ar tinạkʼ din ińko nihạ̃tińạ? Onko talare cinhạkoń udukʼ akatʼrehõ ar tinạkʼ din ińre bepạtiạuko tahena?

Numeri 14:26

Inạ tayom Probhu Isor do Mose ar Arone galmaraoatʼkinạ,

Mathae 17:7

Unre Jisu do hecʼkate joṭetʼketʼkoteye metatʼkoa, “Ma beretʼpe, alope botorokʼa.”

Mark 9:19

Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguiyepe.”

1 Korinthiko 10:10

Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.