Numeri 14:24 - সান্তালী বাইবেল

²⁴ Menkhan ińren golam Kalebakʼ monre onkanakʼ do bạnukʼa uni do purạte ińakʼ kathakoe senakʼkana. Onate uni okaṭakʼ disạmteye senlen ona disạmiń idiyea ar uni bõsrenko do ạidạri lekate onako ńama.

Numeri 14:24 Iomraidhean Croise

1 Bõsbudạ 29:18

E Probhu Isor, aleren hapṛam Abraham, Isahak ar Israelren Isor, amren hoṛkoakʼ ontorre nonkan monsubạ jaejug hạbicʼ dohoyme ar amre onkoakʼ ontor baṛe pạtiạr dohoytakome.

1 Bõsbudạ 29:9

Onko do kusi monte ar khulạsate goṭa ontorte Probhu Isorko emadete ạḍiko rạskạyena. Ar Dạud raj hõ ạḍiye rạskạyena.

2 Bõsbudạ 25:2

Uni do Probhu Isorakʼ mẽtʼre okaṭakʼ bhageakʼkan onageye kạmiyetʼ tahẽkana tobe goṭa monte do bae kạmikan tahẽkana.

Sereńko 119:145

Ińakʼ goṭa ontorteń hohowam kana; E Probhu Isor, roṛ ruạṛạńme. Amakʼ sanam ạnkoń manaoa.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

Numeri 13:30

Unre Mose samaṅre okoeko hoṛ onḍeko tahẽkan Kaleb do onko hape ocoketʼkoteye metatʼkoa, “Onḍe senkate disạm bon dokholgea. Ona do khạṭige bon daṛeakʼa.”

Numeri 14:30

Ar girobasokʼ lạgitʼ oka disạm emapeyiń gokʼletʼ eken Jephun hopon Kaleb ar Nunren hopon Josuạ chaḍa ar okoe hõ ona disạmte bako bolo ńama.

Numeri 26:65

Probhu Isor do noko Israeko reaṅgeye menleda, onko do khạṭige hahaṅkarreko gujukʼa. Onko modre Jephunren hopon Kaleb ar Nunren hopon Josuạ chaḍa ar okoe hõ jiwetʼ do bako tahẽkana.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Ephesiko lạgitʼ Pạul Apostolakʼ ciṭhi 6:6

Hoṛ kusi ocoko lạgitʼ aperen kisạ̃ṛkoakʼ mẽtʼãhã samaṅre alope gobolokʼa; ona khon bickom Mạsiren golam leka Isorakʼ monsubạ do mon ar ontorte bataokate aperen kisạ̃ṛko ṭhen tabekʼpe.

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

Kolossiko lạgitʼ Pạul Apostolakʼ ciṭhi 3:23

Jãhãnakʼgepe cekae, manwako lạgitʼ do alo, bickom Probhu Isor lạgitʼpe onkayetʼte mon ar ontorte kạmipe,