Numeri 14:22 - সান্তালী বাইবেল

^22-23 noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.

Numeri 14:22 Iomraidhean Croise

Genesis 31:41

Oka bargel bochor aben ṭhen liń tahẽkan ona reakʼ gelpon bochor do abenakʼ liń kạmileda abenren banar hoponera ben lạgitʼ, ar turui bochor liń khaṭaolena abenren mĩhũ-meromko lạgitʼ. Onako dinre aben do gel dhao ạlińakʼ beton ben bodolleda.

Genesis 31:7

menkhan uni doe eṛe akadińạ ar gel dhao ińakʼ betone bodol akatʼtińạ. Menkhan, Isor do ińakʼ jãhãnakʼ bae loksan ocoakatʼtińạ.

Jobakʼ 19:3

Ape do ḍher dhaope opoman akadińạ; bin lajaokʼko leka iń sãotepe beohar akada.

Sereńko 106:14

Hahaṅkarre onko do laloc iạte Isorko biḍạukedea.

Sereńko 106:26

Onate uni do noae kiriạyena onko do hahaṅkarreye cabakoa,

Sereńko 78:41

Onko do ghane ghane Isorko biḍạukedea, ar Israelren uni sonoticʼko duk ocokedea.

Exodus 14:11

Onko do Moseko metadea, “Misorre do cetʼ topakʼ lạgitʼ jaega baṅ tahẽkante gocʼ giḍikale lạgitʼ noa hahaṅkar jaegatem ạgu akatʼlea? Misor khon oḍok ạgukate ale sãote noa do cetʼem cekakeda?

Exodus 15:24

Ar hoṛko do Mose upạrte karacʼ kurucʼenteko menkeda, “Ńitokʼ ńũi reakʼ dakʼ do okarele ńama?”

Exodus 16:2

Sin hahaṅkar ṭoṭhare Israelkoren goṭa dolrenkoge Mose ar Aron upạrteko karacʼ kurucʼena ar aema kathako roṛkeda.

Exodus 17:2

Onate onko do Mose tulucʼ jhogṛayenteko metadea, “Ńũi lạgitʼ dakʼ emaleme.” Moseye metatʼkoa, “Iń tulucʼ do cedakʼpe jhogṛakʼ kana, ar Probhu Isor do cedakʼpe biḍạu aṭkarede kana?”

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Exodus 17:7

Hoṛko noa Rephidimreko jhogṛalente ar noako roṛletʼte, “Probhu Isor do abo sãore menaea, se baṅa?” Ona iạte Mose do noa jaega reakʼ ńutum Masa (metakʼme “biḍạu”) ar Meriba (metakʼme “jhogṛae”) dohokeda.

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

Jesaea 42:20

Am do ḍherem ńel akatʼre hõ bam moneyakʼ kana; ar lutur jhicʼgetamre hõ jãhãnakʼ bam ańjomeda.”

Daniel 1:20

Ạkil ar bud ar jotowakʼ kathakore raj do onko kuliketʼkoteye bujhạu daṛeada, onko do acʼakʼ goṭa rajosṭiren sanam gukʼniko ar ojhako khon hõ gel doboṛko sorosgea.

Malaki 3:15

Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”

Numeri 11:1

Israelko talare oka duk ar kosṭo hoyokʼkan tahẽkan onate onko do Probhu Isor samaṅreko karacʼ kurujokʼkan tahẽkana. Ona ańjomte Probhu Isor doe edreyena. Uniyakʼ seṅgel do onko talare jolokʼ ehopʼena ar ḍeraren thoṛa hoṛ doko lo gocʼena.

Numeri 11:4

Israelko sãote eṭakʼ eṭakʼ jạtren okoeko hoṛko tahẽkan onko do eṭakʼ lekan jomakʼ lạgitʼ laloc hecʼatʼkoa. Onko ńelte Israelko do rakʼate memenko ehopʼena, “Hae, jel baṛele jom ńamle khan!

Numeri 12:1

Mose do Kus jạtren mitʼṭen maejiue baplaledea. Nui Kus jạtren maejiu iạte Mạriạm ar Aron do Mose upạrte katha roroṛkin ehopʼena,

Numeri 14:11

Probhu Isor do Moseye metadea, “Onko do ar tinạkʼ din ińko nihạ̃tińạ? Onko talare cinhạkoń udukʼ akatʼrehõ ar tinạkʼ din ińre bepạtiạuko tahena?

Numeri 14:2

Onko do Mose ar Aron upạrteko karacʼ kurucʼena. Ar jotoko mitʼkate unkinko metatʼkinạ, “Misor disạmre se hahaṅkarregele gocʼlen khan bhage hoykokʼa.

Numeri 32:12

Eken Kenisi Jephunren hopon Kaleb ar Nunren hopon Josuạ do ona disomkin ńela, ente unkin do ińakʼ katha purạtekin manao akada.’

Mathae 4:7

Jisu do Soetane metadea, “Arhõ noa katha ol akana, amren Probhu Isor do alom biḍạuea.”

1 Korinthiko 10:5

Enrehõ Isor do onko modren ḍher hoṛko cetanre kusi bae tahẽkana. Onate onkoakʼ mạ̃ṛĩ do hahaṅkarrege giḍi ocoyentakoa.

1 Korinthiko 10:9

Onko modre ḍherkoge Probhu Isorko biḍạukedete cetʼleka biń gerteko gocʼlen, onka jemon Probhu Isor alo bon biḍạu aṭkare.

Dosar Biboron 9:7

“Hahaṅkarre aperen Probhu Isorakʼ edre cetʼlekape rakapʼ ocoletʼtaea ona baṛe disạipe, ar tishõ alope hiṛińa. Misor disạmpe bạgi oṭowakʼ hilokʼ khon nonḍe seṭerokʼ hạbicʼ ape do Probhu Isor birudrepe ṭhok ạguakada.

Ibriko 3:9

Aperen hapṛamko do onḍeko biḍạu aṭkarledińa, ar pongel serma hạbicʼ ona okteren hoṛko do ińakʼ kạmiko ńelleda.