Numeri 14:2 - সান্তালী বাইবেল

² Onko do Mose ar Aron upạrteko karacʼ kurucʼena. Ar jotoko mitʼkate unkinko metatʼkinạ, “Misor disạmre se hahaṅkarregele gocʼlen khan bhage hoykokʼa.

Numeri 14:2 Iomraidhean Croise

1 Rapajko 19:4

Menkhan acʼ do hahaṅkar talate mitʼ din reakʼ horteye laha idiyena. Ar onḍe mitʼṭecʼ rothem jhạuạ latarre duṛupʼkate gujukʼ lạgitʼe koekeda. Uni doe menkeda, “E Probhu Isor, ḍherge hoyakana. Nitokʼ do ińakʼ jiwi baṛe hataotińme; ente ińren hapṛamko khon mońj do bạnuńa.”

Jobakʼ 3:11

“Cedakʼ lacʼre tahenrege bạń gocʼlena? Kukhi khon oḍoktora cedakʼ bạń gocʼlena?

Sereńko 106:24

Tayomte onko do ona mońj disạmko nihạ̃tkeda; onko do Probhu Isorakʼ katha bako pạtiạuada.

Sereńko 106:25

Onko do tạmbukore bokbokaokʼko ehopʼena; ar Probhu Isorakʼ katha hõ bako luturada.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Exodus 14:11

Onko do Moseko metadea, “Misorre do cetʼ topakʼ lạgitʼ jaega baṅ tahẽkante gocʼ giḍikale lạgitʼ noa hahaṅkar jaegatem ạgu akatʼlea? Misor khon oḍok ạgukate ale sãote noa do cetʼem cekakeda?

Exodus 15:24

Ar hoṛko do Mose upạrte karacʼ kurucʼenteko menkeda, “Ńitokʼ ńũi reakʼ dakʼ do okarele ńama?”

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Jona 4:3

Ńitokʼ do E Probhu Isor, ińakʼ jiwi baṛe hataotińme, ente ińakʼ jiwetʼ tahen khon gujukʼge bhagetińạ.”

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”

Numeri 11:1

Israelko talare oka duk ar kosṭo hoyokʼkan tahẽkan onate onko do Probhu Isor samaṅreko karacʼ kurujokʼkan tahẽkana. Ona ańjomte Probhu Isor doe edreyena. Uniyakʼ seṅgel do onko talare jolokʼ ehopʼena ar ḍeraren thoṛa hoṛ doko lo gocʼena.

Numeri 11:15

Iń cetanrem nonkae khan nonḍe ńitge baṛe gojeńme. Ar amakʼ dayań ńamakatʼ khan ińakʼ mẽtʼte nonkan bạṛicʼ dosa do alom ńel ocoyińạ.”

Numeri 11:5

Ale do Misor disạmre begor damte hakole jometʼko tahẽkana. Ona chaḍa taher, tormuj, kaḍa peaj, peaj ar rạsun reakʼ katha hõle disạyeda.

Numeri 14:1

Niạ katha ańjomkate Israelko do rarakʼko ehopʼena. Ar goṭa ńindạko rakʼ aṅgakeda.

Numeri 14:22

noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.

Numeri 16:13

Niạ hahaṅkarre gocʼ ocole lạgitʼge nonkan disạm khonem oḍok ạguakatʼlea onḍe do toa ar dumur rasa reakʼ jãhãn okulạnge baṅ tahẽkana. Ar niạge cetʼ baṅ ḍhera? Arhõ aleren mạlik hoyokʼem monejoṅkana.

Numeri 16:41

Inạ dosar hilokʼ Israel somajren sanamkoge Mose ar Aron upạrte karacʼ kurujokʼko ehopʼena arko menkeda, “Probhu Isorren hoṛ do abenge ben gocʼketʼkoa.”

Numeri 17:6

Mose do sanam kathako Israelkoe baḍae ocoketʼkoa, ar hapṛamkoakʼ khũṭ lekate onkoren mimitʼ khũṭren mukhiyạko do mitʼṭecʼkate gelbar goṭecʼ ṭheṅgako emadea. Ona ṭheṅgako modre Aronakʼ ṭheṅga hõ tahẽkana.

Numeri 20:2

Ar onḍe dakʼ baṅ tahẽkante Israelko do Mose ar Aron upạrte dolko pakaokeda.

Numeri 20:3

Onko do Mose sãoteko jhogṛayena arko menkeda, “Probhu Isor samaṅre aleren boehako tinreko gocʼena unre ale hõle gocʼlen khan bhage hoekokʼa.

Numeri 20:4

Aben do Probhu Isorren hoṛko noa hahaṅkarte ben ạguakatʼlea jemon aleren janwarko sudhạ nonḍele gujukʼ.

1 Korinthiko 10:10

Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.

Dosar Biboron 1:27

Ape do apeakʼ tạmbukorepe hulkeda arpe menkeda, ‘Probhu Isor do aleye kurudale kana. Ona iạte uni do Amorikoakʼ tire jimạkate maraole lạgitʼ Misor disạm khone oḍok ạguakatʼlea.

Dosar Biboron 9:23

Probhu Isor do Kades Barnea khonpe mohnḍakʼ jokhecʼe metatʼpe tahẽkana, ‘okaṭakʼ disạmiń emape lạgidokʼkan onḍe senkate ona baṛe ạidạri joṅpe.’ Menkhan ape do aperen Probhu Isorakʼ hukum upạrtepe ṭhokkeda. Ape do Probhu Isor hõ bape pạtiạuadea, ar uniyakʼ katha hõ bape luturada.

Ibriko 3:16

Ar okoe baṅ Isorakʼ katha ańjomkate hõ uniko ạṛis ocolede? Onko do cetʼ noko hoṛ doko baṅkana one okoeko Mose do misor disạm khone oḍok ạguletʼko?

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.