Numeri 14:11 - সান্তালী বাইবেল

¹¹ Probhu Isor do Moseye metadea, “Onko do ar tinạkʼ din ińko nihạ̃tińạ? Onko talare cinhạkoń udukʼ akatʼrehõ ar tinạkʼ din ińre bepạtiạuko tahena?

Numeri 14:11 Iomraidhean Croise

Sereńko 106:24

Tayomte onko do ona mońj disạmko nihạ̃tkeda; onko do Probhu Isorakʼ katha bako pạtiạuada.

Sereńko 78:22

ente Isorre onko do bako pạtiạulena; uni do onkoe bańcao daṛeakoa mente ona kathare hõ bako bhorsalena.

Sereńko 78:32

Enrehõ onko do kạkạitegeko tahẽyena, uniyakʼ hahaṛa kạmiko ńelkatere hõ bako pạtiạulena.

Sereńko 95:8

Uniye men akada, “Aperen hapṛamko leka apeakʼ ontor do alope keṭejtapea; onko do hahaṅkarre Meribare ar Massa ṭhen ińko biḍạuledińa. Aperen hapṛamko do ińko ńelakadeńre hõ enhõ onko do onḍeko biḍạu aṭkarledińa.

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Exodus 16:28

Unre Probhu Isor do Moseye metadea, “Ar tinạkʼ din ape do ińakʼ hukum ar ińakʼ solhako bape manaoa?

Exodus 23:21

Ape do uniyakʼ kathape ańjoma ar uniyakʼpe manaotaea. Uni upạrte mon alope haṛhatʼ ocoytapea. Apeakʼ hul do bae ikạitapea, ente iń do unirege minạńa.

Exodus 32:9

Probhu Isor do Mose arhõe metadea, “Noko hoṛ doń baḍae akatʼko tahengea. Noko do keṭecʼ hoṭokʼan jạt kanako.

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Jirimiạ 13:10

Noko bạṛicʼ jạtren hoṛko, okoe do ińakʼ katha ańjom bako moneyakʼkan ar onkoakʼ mon reakʼ kạṭhuạtetʼreko taṛametʼ ar eṭakʼ Isorko sewako arko ḍobokʼakokan onko do noa jhaṅga lekageko okạjwạ ocokʼa.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jeheskel 20:13

“Menkhan Israelren hoṛko do hahaṅkarre iń upạrteko hulkeda. Onko do ińakʼ niạm bako manaoleda ar ińakʼ okaṭakʼ ạn-ạri manao hotete manwa jionko ńam ona doko nihạ̃t giḍikada; ar iń emakʼ jirạukʼmãhã reakʼ sonottetʼ hõ bako rukhiyạleda. Onatege iń doń menkeda, onko cetanre ińakʼ edreń dulakote hahaṅkarrege onko doń marao giḍikakoa.

Hosea 8:5

E Samariạ, amren mĩhũ-boṅga doń nihạ̃t giḍi akadea. Ar onako upạrtege ińakʼ edre seṅgel do jolokʼkana. Bogekʼ lạgitʼ amren hoṛ do ar tinạkʼ din lagaoakoa?

Sakariạ 8:14

“Iń phạdkoren Probhu Isorgeń meneda, aperen hapṛamko tinre ińko khĩs ocoledińa unre onko cetanre muhiniń ạguiya menteń ṭhik doholeda ar ona hõń hoyocoletʼa.

Numeri 14:27

“Noko bạṛicʼ jạtrenko do ar tinạkʼ din iń upạrteko karacʼ kurujokʼa? Iń do onkoakʼ karacʼ kurujokʼ iń ańjomakada.”

Numeri 32:10

Ar enhilokʼ Probhu Isor doe edre seṅgelente ar kiriạkateye menleda,

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguiyepe.”

Mark 9:19

Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguiyepe.”

Johan 10:38

Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”

Johan 12:37

Menkhan onko samaṅre cinhạ lekate unạkʼ hahaṛawakʼkoe kạmiketʼre hõ hoṛko do unire bako pạtiạulena.

Johan 15:24

Okako kạmi okoe tisge bako kạmiakatʼ onako kạmi onko samaṅre bạń kạmi lekhan onkoakʼ dos do oho hoykokʼa. Menkhan ńitokʼ onko do iń ar ińren Baba hõko ńelakadea arko kurud ạliń kana.

Dosar Biboron 1:32

Enhõ ape do aperen Probhu Isor cetanre bape bhorsalena.

Ibriko 3:16

Ar okoe baṅ Isorakʼ katha ańjomkate hõ uniko ạṛis ocolede? Onko do cetʼ noko hoṛ doko baṅkana one okoeko Mose do misor disạm khone oḍok ạguletʼko?

Ibriko 3:18

Ar okoeko ṭhen baṅ Isor doe kiriyạlenteye metatʼko tahẽkan, onko do uniyakʼ jirạukʼ joṅ jaegate bako bolo ńama? Onko do cetʼ nokoko hoṛ doko baṅkana one okoe do bako pạtiạuadete uniko bemanotlede?

Ibriko 3:8

uniye meneda, aperen hapṛamko leka apeakʼ ontor do alope keṭejtapea. Onko do hahaṅkarre iń upạrteko teṅgolente ińko biḍạuledińa.