Numeri 13:33 - সান্তালী বাইবেল

³³ Onḍe do Nephilimkoren bõsko hõle ńel akatʼkoa. Anak bõsren hoṛ do Nephilim jạtren kanako. Ona ńelte ale do sosrocʼ lekale bujhạuena ar onko hõ onkageko hudisketʼlea.”

Numeri 13:33 Iomraidhean Croise

Genesis 6:4

Isorren hoponko sãote noko kuṛiyakʼ giticʼmidokʼ iạte tinạkʼko janamen onko do onako dinren daṛean hoṛko hoyena. Onako dinre ar ona tayom hõ dhạrtire Nepheliạ ńutuman mitʼ jạtren hoṛko tahẽkana.

1 Bõsbudạ 11:23

Arhõ uni do misrikoren mitʼṭen hoṛ okoe do eae moka usule tahẽkan uni hõe gocʼledea. Unre uni misri hoṛakʼ tire do tãt reakʼ bim leka mitʼṭecʼ borlom tahẽkana, menkhan uni hoṛ do enhõ mitʼṭecʼ ṭheṅgawante uni misri secʼe laha idilena. Ar uni misri hoṛakʼ ti khon borlom recʼkate ona borlomtege uniye gocʼkedea.

Jesaea 40:22

Prithimi cetan reakʼ sermare unige siṅghạsonreye duṛupʼ akana, dhạrtiren hoṛko do sosrocʼ leka kanako. Orwal leka uni do sermae pasnao akada, tahen lạgitʼ tạmbu leka onae ṭaṅgao akada.

Numeri 13:22

Onko do dạkhin nakha secʼte senkate Hebron nagrahateko seṭerena. Hebron nagraha do Misor reakʼ Soan nagraha khon eae bochor laha reakʼ tahẽkana. Onḍe do Ahiman, Sesae ar Thalmae ńutuman Anak bõsren pe hoṛko tahẽkana.

Numeri 13:28

Menkhan onḍe okoeko girobasokʼkan onko do daṛe hoṛ kanako ar onkoakʼ nagrahako do usul pạcrikote esetʼgea. Ar onḍe do Anak bõsren hoṛ hõle ńel akatʼkoa.

Numeri 14:1

Niạ katha ańjomkate Israelko do rarakʼko ehopʼena. Ar goṭa ńindạko rakʼ aṅgakeda.

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Dosar Biboron 2:10

Lahate Emiko do onako ṭoṭharegeko girobasokʼkan tahẽkana. Emi jạtren hoṛko do daṛeangeko tahẽkana, lekhare hõ ḍher ar Anakiko leka usulgeko tahẽkana.

Dosar Biboron 3:11

Rephiyikoren sarecʼ hoṛko modre eken Basonren raj Ogge jiwetʼe tahẽkana. Uniyakʼ mẽṛhẽtʼ reakʼ benaoakʼ giticʼ aṭetʼ do jeleńte are moka ar osarte pon moka tahẽkana. Ona do ńitokʼ hõ Amonrenkoakʼ Raba nagrahare menakʼa.

Dosar Biboron 9:2

Onḍenko hoṛ doko Anakiko kana; onko doko usul usulgea arko daṛeangea. Ape do Anakiko reaṅ hõpe baḍaegea; ar noa katha hõpe ańjomakada, ‘Anakiko upạrte teṅgokʼ lạgitʼ nonkan cele jạtrenkoge bạnukʼkoa mente.’

Josuạ 11:21

Inạ tayom Josuạ do buru ṭoṭhate senkate Anakiko hõe gocʼketʼkoa. Niạ ṭoṭha modre do Hebron, Debir, Anab nagraha, Jihudạ ar Israel reakʼ sanam buru jaegako tahẽkana. Uni do Anakiko ar onkoakʼ nagrahako ar atokoe marao cabaketʼtakoa.

Josuạ 14:12

Nokʼõe noa buru ṭoṭha enhilokʼ emokʼ reakʼe gokʼạdiń tahẽkana ńit ona baṛe imạńme. Unre amem ańjomleda, Ananikiko do onḍeko girobasokʼ kana ar onkoakʼ nagraha do maraṅgea ar beṛhaete pạcri esetʼgetakoa. Menkhan Probhu Isor iń sãoteye tahen khan uniyakʼ katha lekage onkoń laga ńirkoa.”

Josuạ 15:14

Kaleb do Sesae, Ahiman ar Talmae ńutuman pea Anakiko Hebron khone laga ńirketʼkoa. Noko do Anakren hoponko tahẽkana.

1 Samuel 17:24

Ar Israelren lạṛhại phạdko do uni hoṛ ńelte botorte uni samaṅ khonko ńir pharakena.

1 Samuel 17:42

Uni Philisṭi do Dạud secʼe beṅgetʼ rakapʼketʼ khan uniye chibaṅadea, ente Dạudakʼ umer do komge tahẽkantaea. Ar ńelokʼte uni do ruṅ ruṅ arakʼ ar mońjgeye tahẽkana.