Numeri 13:29 - সান্তালী বাইবেল

²⁹ Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Numeri 13:29 Iomraidhean Croise

Genesis 14:7

Ona tayom noko rajko doko ạcurente En-Mispạt, metakʼme, Kadesteko boloyena. Onko do Amalekikoakʼ goṭa disạmko hatkeda ar Hasason- Tamar nagrahare okoe Amoriko tahẽkan onkoko bhagaoketʼkoa.

Nehemiạ 9:8

Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.

Sereńko 83:7

Gebaliko, Amonrenko, Amalekiko ar Turren sãoten Philisṭiko;

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Numeri 13:17

Mose do Kanan disạmte kolko jokhecʼ onkoe metatʼkoa, “Dạkhin nakha secʼte senkate buru ṭoṭhatepe rakapʼ calakʼa.

Numeri 13:30

Unre Mose samaṅre okoeko hoṛ onḍeko tahẽkan Kaleb do onko hape ocoketʼkoteye metatʼkoa, “Onḍe senkate disạm bon dokholgea. Ona do khạṭige bon daṛeakʼa.”

Numeri 14:25

Onako buru tala otetre ńitokʼ do Amelekiko ar Kananrenko girobasokʼ kana. Ape do gapage ạcurokʼte Arakʼ dõreao reakʼ horte hahaṅkar secʼpe mohnḍakʼa.”

Numeri 14:43

Onḍe ape do Amalekiko ar Kananrenko samaṅrepe paṛaokʼa. Ar Probhu Isor khonpe sahaṛ akante uni do ape tulucʼ bae tahena. Onate ape do lạṛhạirepe gujukʼa.”

Numeri 14:45

Onko ńelte buru ṭoṭharen Amalekiko ar Kananrenko do pheḍ hecʼkate onkoko jhuṭiạuketʼkoa ar Horma nagraha hạbicʼko laga idiketʼkoa.

Numeri 24:20

Amalekiko ńelte Biliam do Isorakʼ noa katha roroṛe ehopʼena: “Eṭakʼ sanam jạtrenko modre Amalekiko do maraṅko tahẽkana, menkhan onkoakʼ sesokʼ do maraokʼge hoyokʼa.”

Dosar Biboron 20:17

Aperen Probhu Isorakʼ hukum leka ape Hittiko, Amoriko, Kananiko, Phạrusiko, Hiwiko ar Jebusiko jotoge purạtepe marao cabakoa.

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Josuạ 10:5

Niạ katha ańjomkate onko mõṛẽ goṭen Amori rapajko, metakʼme Jerusalem, Hebron, Jarmut, Lakhis ar Eglonren rapajko do akoren lạṛhại phạdko jarwa mitʼketʼkoa. Ar ona tayom do akoren lạṛhại phạdko soṅgekate Gibeon sor senkateko ḍerayena ar nagrahako akromonkeda.

Josuạ 10:6

Unre Gibeonrenko do Gilgal reakʼ ḍerate senkate Josuạ ṭhen sombatko kolkeda, “Amren golamko do alom bạgi giḍilea. Ma usạra hecʼkate goṛowaleme, ente Amorikoren rajko do buru ṭoṭha khon hecʼkate ale upạrte akoren lạṛhại phạdkoko jarwa akatʼkoa.”

Josuạ 3:10

Aperen jiwetʼ Probhu Isor do ape sãore menae ar uni do Kananrenko, Hittirenko, Hiwiko, Pherisiko, Gergasiko, Amorirenko ar Jebusiko khạṭige ape samaṅ khone laga ńirkoa ar ona do nonkatepe bujhạu daṛeakʼa.

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Josuạ 9:1

Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.

Bikʼcạrko 3:5

Ona iạte Israelko do Kananiko, Hittiko, Amoriko, Pherisiko, Hiwiko ar Jebusiko talare girobasokʼko ehopʼena.

Bikʼcạrko 6:3

Israelko do tinre phosolko eretʼ tahẽkana unre Midiạnrenko, Amalekiko ar purub disạmren hoṛko hecʼkate onkoakʼ disạmko luṭ idiyetʼkan tahẽkana.

1 Samuel 14:48

Uni do birbanṭa leka lạṛhạikate Amalekikoe bhagaoketʼkoa ar luluṭkoakʼ ti khon Israelkoe rukhiyạketʼkoa.

1 Samuel 27:8

Ar inạko dinre uni do acʼren hoṛkoante Gesuriko, Girsiko ar Amalekiko cetanre jhãpe emetʼ tahẽkana. Noko jạtren hoṛ do ḍher laha khonge Tur khon Misor hạbicʼ goṭa ṭoṭhare berel akanko tahẽkana.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

1 Samuel 7:14

Ekron khon Gad hạbicʼ Israelkoakʼ oka nagraha ar atoko Philisṭikoko ạidạrian tahẽkan Israelko do arhõ onako ńam ruạṛkeda. Ar Israelko do Philisṭikoakʼ ti khon beṛhaeteakʼ sanam jaegareko rukhiyạ dohṛakeda. Nonkate Aramrenko ar Israelko talare suluk tahẽyena.