Numeri 13:22 - সান্তালী বাইবেল

²² Onko do dạkhin nakha secʼte senkate Hebron nagrahateko seṭerena. Hebron nagraha do Misor reakʼ Soan nagraha khon eae bochor laha reakʼ tahẽkana. Onḍe do Ahiman, Sesae ar Thalmae ńutuman Anak bõsren pe hoṛko tahẽkana.

Numeri 13:22 Iomraidhean Croise

Genesis 13:18

Unre Abram do acʼakʼ tạmbukoe uṭhạukeda ar Hebron ṭoṭha reakʼ Mamre ńutuman mitʼṭen hoṛakʼ sonot dareko ṭhene ḍerayena. Ar onḍehõ uni do Probhu Isor lạgitʼ pinḍe benaokeda.

2 Samuel 2:1

Dạud do Probhu Isor ṭhene kuliyana, “Iń do cetʼ Jihudạ ṭoṭha reakʼ jãhãn mitʼṭecʼ nagrahateń calakʼa?” Probhu Isore menkeda, “Hẽ, calakʼme.” Dạude kulikedea, “Iń do okateń calakʼa?” Probhu Isore roṛ ruạṛkeda, “Hebronte rakapʼ calakʼme.”

2 Samuel 2:11

Dạud do Hebron khon Jihudạ gusṭiko cetanre eae bochor hạbicʼ raje calaokeda.

2 Samuel 21:16

Ar Isbi-Benob ńutuman mitʼṭen Rophayi do nãwã sajte sajkate Dạud goje lạgitʼe hecʼena. Uniyakʼ borlom reakʼ ojon do pon keji hamal ar ona do pitạl reakʼ tahẽkana.

Sereńko 78:12

Israelren hapṛamkoakʼ mẽtʼãhã samaṅre uni do hahaṛa kạmiye kạmileda; Misor disạmre ar Soan ṭoṭhare uni do onakoe kạmileda.

Sereńko 78:43

uni do Misorre cinhại udukʼatʼko tahẽkanre ar Soan ṭoṭhare hahaṛa kạmiye kạmiletʼre.

Jesaea 19:11

Soanren cetan hudạren kạmiyạko doko bebujgea; Pharaoren ạkilan sosolhako do ạuṛiyakʼ solhako emokʼkana. Ape do cekate Pharaope men daṛeae kana, “Iń do ạkilan hoṛko modren mitʼ hoṛ ar sedaeren raj bõsren kạnạń mente?”

Jesaea 19:13

Soanren cetan hudạren kạmiyạko do bebuj lekako hoyakana, ar Memphisren mukhiyạko doko ạnḍicʼakana; ar Misorren khũṭkoren mathako do bạṛicʼ horteko sen akana.

Jesaea 30:4

Soanre onkoren cetan hudạren kạmiyạko menakʼkoa ar onkoren goḍetko do Hanesteko seṭerakana,

Numeri 13:17

Mose do Kanan disạmte kolko jokhecʼ onkoe metatʼkoa, “Dạkhin nakha secʼte senkate buru ṭoṭhatepe rakapʼ calakʼa.

Numeri 13:28

Menkhan onḍe okoeko girobasokʼkan onko do daṛe hoṛ kanako ar onkoakʼ nagrahako do usul pạcrikote esetʼgea. Ar onḍe do Anak bõsren hoṛ hõle ńel akatʼkoa.

Numeri 13:33

Onḍe do Nephilimkoren bõsko hõle ńel akatʼkoa. Anak bõsren hoṛ do Nephilim jạtren kanako. Ona ńelte ale do sosrocʼ lekale bujhạuena ar onko hõ onkageko hudisketʼlea.”

Dosar Biboron 9:2

Onḍenko hoṛ doko Anakiko kana; onko doko usul usulgea arko daṛeangea. Ape do Anakiko reaṅ hõpe baḍaegea; ar noa katha hõpe ańjomakada, ‘Anakiko upạrte teṅgokʼ lạgitʼ nonkan cele jạtrenkoge bạnukʼkoa mente.’

Josuạ 10:36

Inạ tayom Josuạ do sanam Israelkoante Eglon khon Hebronte senkate ona nagrahae akromonkeda.

Josuạ 21:13

Onate Hebron, Libna, Jatir, Esemoa, Holon, Debir, Ayin, Juta ar Bet-Semes ar onako soṅgeteakʼ ạtiń ṭạnḍiko do naeke Aronren hoponko ńamkeda. Ona modre Hebron do asrayokʼ nagraha tahẽkana. Niạ banar gusṭi reakʼ jaega khon niạ are goṭecʼ ato ar nagraha do onkoko emocolena.

Bikʼcạrko 1:10

Ar Hebronren Kananiko birudteko lạṛhại idiyente onko do Sesae, Ahiman ar Talmaeko bhagaokedea. Hebron reakʼ lahateakʼ ńutum do Kiriạt-Abra tahẽkana.