Numeri 13:21 - সান্তালী বাইবেল

²¹ Unre onko do senkate Sin hahaṅkar khon ehopʼkate Hamat secʼ Rehob hạbicʼ disạmko ńelkeda.

Numeri 13:21 Iomraidhean Croise

2 Samuel 8:9

Ar Hamatren raj Toi doe ańjomkeda, Dạud do Hadadeserren goṭa lạṛhại phạdkoe bhagao akatʼkoa.

Jirimiạ 49:23

Damesek babotre Probhu Isore meneda, “Hamat ar Arpad dokin andmandao akana, ente unkin do bạṛicʼ khoborkin ańjomakada. Unkin dokin as chuṭạu akana, ar haḍak ḍabakokʼkan doreão lekakin hoyakana.

Jirimiạ 52:9

Onko do Sedekiạko bondikedea ar Hamat disạm reakʼ Riblate Babelren raj ṭhenko idikedea ar onḍe do sạjạiye reakʼ hukumko emena.

Jeheskel 47:16

onḍe khon Damesek ar Hamat reakʼ simạna talare menakʼ Berothat ar Sibrayem hạbicʼ; ar onḍe khon Haoran simạna aṛe reakʼ Haser-enon hạbicʼ.

Amos 6:2

Ape do Kalnete senkate ńelpe; ar onḍe khon maraṅ Hamatte calakʼpe, ar ona tayom do Philisṭikoakʼ Gat nagrahate calakʼpe. Ona rajosṭiko khon apeakʼ noakin rajosṭi do cetʼ bhagegea? Se onkoakʼ simạ khon apeakʼ simạ do cetʼ maraṅgea?

Numeri 20:1

Bochor reakʼ pạhilakʼ candore Israelko do Sin hahaṅkar ṭoṭha reakʼ Kades ṭhen senkateko ḍerayena. Ar unre Mạriạm do onḍeye gocʼena arko topakadea.

Numeri 27:14

Ente Sin hahaṅkarre Israelko tinre dakʼ lạgitʼ kạphạriạukʼko ehopʼletʼa unre Israelko samaṅre iń sonotiń reakʼ hukum do baben bataoleda.” Ona do Sin hahaṅkarre Kades ṭhenakʼ Meribah reakʼ dakʼge.

Numeri 33:36

Inạ tayom onko do Sin hahaṅkar talate Kadeste senkateko ḍerayena.

Dosar Biboron 1:24

Onko do ape bạgikate ona buru ṭoṭhateko rakapʼ calaoena ar Eskol buru otet hạbicʼ mońjteko ńel ạgukeda.

Dosar Biboron 32:51

Cedakʼ je, Sin hahaṅkarre Kades reakʼ Meriba-dakʼ ṭhen Israel hoponko talare iń tulucʼ biswạsben rạputʼleda ar Israel hoponko talare baben sonotledińạ.

Josuạ 13:5

Giblikoakʼ elaka, purub secʼ Hermon buru latar Bakʼal-Gad khon Hamat hạbicʼ goṭa Lebanon ar Lebanon khon Misrephot-Mayim hạbicʼ buru elaka, metakʼme Sidonkoakʼ goṭa disạm. Iń apnarge Israelko samaṅ khon onko jotogeń laga ńirkoa. Ar cetʼ lekań hukum akatʼ onkage niạ disạm do sompotti lekate Israelkom emakoa.

Josuạ 15:1

Gulibãṭ lekate Jihudạ gusṭiren judạ judạ bõsko oka jaegako ńamketʼ ona reakʼ simạna do Edom disạm reakʼ simạna hạbicʼ, metakʼme Sin hahaṅkar reakʼ dạkhin simạ hạbicʼ calao idiyena.

Bikʼcạrko 18:28

Unre Layisrenko rukhiyạko lạgitʼ nonkan cele hoṛge bako tahẽkana, ente onkoakʼ nagraha do Sidon khon ḍher sạṅgińre tahẽkana ar eṭakʼ jãhãe hoṛko sãote hõ onko do jãhãn helmelge baṅ tahẽkantakoa. Onkoakʼ nagraha do Beth-Rahab nagraha ṭhenakʼ mitʼṭecʼ tapol otre tahẽkana. Dan gusṭiren hoṛko do arhõ nagrahako benaoketʼte onḍe girobasokʼko ehopʼena.