Numeri 12:8 - সান্তালী বাইবেল

⁸ Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Numeri 12:8 Iomraidhean Croise

Genesis 32:30

Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”

Sereńko 17:15

Menkhan iń do am samaṅ jemon bin dusạniń tahẽ daṛeakʼ, gocʼko khoniń ebhen daṛeakʼ ar am ńelte jemoniń rạskạ daṛeakʼ.

Sereńko 49:4

Iń do cecetʼakʼte perecʼ phen kathakore moniń bạisạutińạ; ar peṛesaṅ sãote sereńate uniyakʼ khạndri hudis reakʼ iń galmaraoa.

Exodus 19:19

Ar sakwa reakʼ saḍe do arhõ murukte saḍekʼ ehopʼena. Unre Mose do Isor sãote kathae roṛkeda ar Isor hõ ãṭ aṛaṅteye roṛ ruạṛadea.

Exodus 20:4

“Sekʼwae lạgitʼ jãhãn muṭhạnko alom benao joṅa, baṅ do coṭ sermarenko reakʼ baṅ do otrenko reakʼ baṅ do ot latar dakʼrenko reakʼ.

Exodus 33:11

Manwa cetʼleka gate sãote samna sạmni kathako roṛ ṭhik onkage Probhu Isor hõ Mose tulucʼe galmaraoetʼ tahẽkana. Ar noa tayom Mose do Israelkoakʼ ḍerateye ruạṛ senokʼkan tahẽkana menkhan Nunren hopon Josuạ do ńapamokʼ tạmbu khon bae oḍokokʼkan tahẽkana. Ente Josuạ ńutuman nui juạn koṛa do Moseren gokʼṛoyicʼe tahẽkana.

Exodus 33:19

Probhu Isore menkeda, “Iń do ińakʼ sanam ṭhonokiń udukʼama. Ar am samaṅre ińakʼ ‘Probhu Isor’ ńutumiń lại jạhira. Ińakʼ sanaleka okoeyiń dayawae unigeń dayawaea, ar okoe hoṛ iń mãyãwae, unigeń mãyãwaea.

Exodus 33:23

Ona tayom ińakʼ tiyiń ocokʼle khan am do ińakʼ tayom secʼem ńela, menkhan ińakʼ mẽtʼãhã do baṅ ńelokʼa. ”

Exodus 34:30

Aron ar sanam Israelko do Moseyakʼ noa malkaokʼkan mẽtʼãhã ńelte uni ṭhen sorokʼko botorena.

Kạhtukko 1:6

Jemon hoṛko do phen reakʼ kathako ar khạndri reakʼ kathako ar ạkilankoakʼ kathako ar kudumko bujhạu daṛeakʼ.

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Jesaea 46:5

“Ape do okoe sãotepe jurikińạ se okoe tulucʼpe somankińạ? Ar okoe tulucʼpe juriyińte soman bon lekhakʼa?

Jeheskel 17:2

“E manwa hopon, phen hotete Israelko lạiyakome,

Jeheskel 20:49

Unre ińiń menkeda, “E Probhu Isor, hoṛko iń reaṅko meneda, iń do eken phenkote noa doń roṛeda.”

Hosea 12:13

Probhu Isor do Misor khon Israel ạguiye lạgitʼ mitʼṭen nạbiye beoharledea; uni hotete uniye ńel todarot ledea.

Numeri 14:14

Unre Misorrenko do ona katha niạ disạmren hoṛko lạiyakoa. Ar E Probhu Isor, niạ disạmren hoṛko ańjomakada, am do Israelrenko sãotem tahenkana, ar E Probhu Isor, am do samna sạmnim sodorakana. Onkoko ańjom akada, amakʼ rimil khunṭi do onko cetanre menakʼa ar siń do rimil khunṭire ar ńindạ do seṅgel khunṭire onko laha lahatem calakʼkana.

Numeri 7:89

Ona tayom Mose do tinre Probhu Isor tulucʼ galmarao lạgitʼ ńapamokʼ tạmbuteye bolokʼkan tahẽkana unre sekʼwa sindukre menakʼ daya duṛupʼakʼ cetan Kerubkin tala khon uniyakʼ aṛaṅ do Moseye ańjometʼ tahẽkana. Ar nonkate Probhu Isor do Mose tulucʼe galmaraoetʼ tahẽkana.

Mathae 13:35

Noa do hoyena nạbi hotete roṛlenakʼ katha jemon purạukʼ: Iń do ińakʼ mocate phenkoń lạiya; dhạrti reakʼ etohopʼ khon okako oko tahẽkan, onań lại sodora.

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 15:15

Iń do golam bạń metapekana, ente kisạ̃ṛ cetʼe cekakan golam do ona bae baḍaea; menkhan iń do gateń metapekana, ente Baba ṭhen khon okań ańjomakatʼ onage apeń baḍae ocoakatʼpea.

Johan 15:24

Okako kạmi okoe tisge bako kạmiakatʼ onako kạmi onko samaṅre bạń kạmi lekhan onkoakʼ dos do oho hoykokʼa. Menkhan ńitokʼ onko do iń ar ińren Baba hõko ńelakadea arko kurud ạliń kana.

1 Korinthiko 13:12

Abo do ńitokʼ ạrsire pusṭạute babo ńeleda, menkhan unre samna sạmni bon ńel ńama. Iń do ńitokʼ okań baḍaekan ona do purạute bạń baḍaea, menkhan Isor do cetʼleka purạteye baḍaeyediń kan, unre onkage purạteń baḍaea.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

Dosar Biboron 18:15

Aperen Probhu Isor do Israel boehako tala khon iń leka mitʼṭen nạbiye teṅgoapea. Ar uniyakʼ katha leka ape do calakʼ hoyokʼtapea.

Dosar Biboron 34:10

Teheń hạbicʼ Israelko talare Mose lekan ar cele nạbiyakʼ janam hõ baṅ hoyakana one uni tulucʼ Probhu Isor do gate leka samna sạmniye galmaraoetʼ tahẽkan.

Dosar Biboron 4:15

“Horeb burure oka hilokʼ Probhu Isor do seṅgel tala khon ape ṭhene roṛletʼ enhilokʼ ape do uniyakʼ mẽtʼãhã bape ńelńamletʼtaea. Ona iạte ape do ape cetanre nońjorpe dohoya,

Dosar Biboron 5:8

‘Sekʼwae lạgitʼ jãhãn muṭhạnko alom benaojoṅa, baṅ do coṭ sermarenko reakʼ baṅ do otrenko reakʼ baṅ do ot latar dakʼrenko reakʼ.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

2 Patras 2:10

Ona chaḍa okoe Isor botoraekoko baṅkan, asokaete okoe do akoakʼ kusi sana lekako calakʼkan ar ḍanṭao bako moneyakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko upạrte henosta kathako roroṛ hõ bako botorokʼa.

Jihudạwakʼ ciṭhi 1:8

Enrehõ noko eṛe cecetʼko do onkage bạṛicʼ kukmukote apnarakʼ hoṛmoko bhonḍetʼtakoa, serma goḍetkoakʼ ḍanṭaoko bebataoeda ar onko sarhaokʼkanko upạrte bemanot kathako roṛeda.