Numeri 11:4 - সান্তালী বাইবেল

⁴ Israelko sãote eṭakʼ eṭakʼ jạtren okoeko hoṛko tahẽkan onko do eṭakʼ lekan jomakʼ lạgitʼ laloc hecʼatʼkoa. Onko ńelte Israelko do rakʼate memenko ehopʼena, “Hae, jel baṛele jom ńamle khan!

Numeri 11:4 Iomraidhean Croise

Nehemiạ 13:3

Hoṛko do Ạn-ạri reakʼ niạ katha ańjomkate sal mesal jạtren sanam hoṛko Israel somaj khonko begarketʼkoa.

Sereńko 106:14

Hahaṅkarre onko do laloc iạte Isorko biḍạukedea.

Exodus 12:38

Israelko chaḍa arhõ aema hoṛ ar ḍaṅgrako-bhiḍiko sudhạ mitʼṭen maraṅ mĩhũ-merom palko hõ onko sãoteko tahẽkana.

Exodus 16:12

“Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Exodus 16:3

Onkoko menkeda, “Misor disạmre Probhu Isorakʼ tire cedakʼ baṅ bale gocʼ ocolen. Onḍe do jel reakʼ ṭukucʼ samaṅre dohokate lacʼ bikʼ piṭhạ ar jel le jometʼ tahẽkana. Aben do begor jomte gocʼ ocole lạgitʼ noa hahaṅkarte ben ạguakatʼlea.”

Jirimiạ 42:14

arpe men, ‘ale do Misorte senkatele girobasokʼa; onḍe do lạṛhại hõ bale ńela, siṅgạ reakʼ saḍe hõ bale ańjoma, ar jomakʼte hõ bale ṭonṭakʼa,’

Numeri 11:18

Am do hoṛkom metakoa, ‘ape do gapage Probhu Isor ńutumte begarokʼ lạgitʼ sapṛaokʼpe, ente gapage jelpe joma. Ape do Probhu Isor ṭhen rakʼte jel reakʼ kathape menleda ar noa hõpe roṛleda, noa khon Misor disạmrege bhagepe tahẽkana. Onate ńitokʼ uni do jele emapea arpe joma.

Numeri 14:1

Niạ katha ańjomkate Israelko do rarakʼko ehopʼena. Ar goṭa ńindạko rakʼ aṅgakeda.

Numeri 14:22

noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.

Numeri 16:13

Niạ hahaṅkarre gocʼ ocole lạgitʼge nonkan disạm khonem oḍok ạguakatʼlea onḍe do toa ar dumur rasa reakʼ jãhãn okulạnge baṅ tahẽkana. Ar niạge cetʼ baṅ ḍhera? Arhõ aleren mạlik hoyokʼem monejoṅkana.

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

1 Korinthiko 10:6

Ona ńelte abo jemon bon cetʼ daṛeakʼ ona lạgitʼge noako do hoylena, jemon onko cetʼleka bạṛicʼakʼko lalocatʼ tahẽkan onka alo bon kạmi.

1 Korinthiko 15:33

“Alope bulạukʼa, bạricʼakʼko tulucʼ gatekʼte bhage cạl-colonko hõ bạṛijokʼa.”

Dosar Biboron 9:22

“Ape do Taberare, Masare, Kibrotre, ar Hatawarehõ Probhu Isorakʼ edrepe rakapʼ ocoletʼtaea.