Numeri 11:26 - সান্তালী বাইবেল

²⁶ Unre Eldad ar Medad ńutuman bar hoṛ do ḍera bhitrire kin tahẽkana. Unkin hõ bachao akan murubbiko modre kin tahẽkana, ar ńapamokʼ tạmbu ṭhen bạkin sen akan tahẽkana. Enhõ unkin cetanre uni Jiue hecʼena. Unre unkin hõ ḍera talare nạbi lekate katha roroṛkin ehopʼena.

Numeri 11:26 Iomraidhean Croise

2 Bõsbudạ 15:1

Isorren jiu do Obedren hopon Asariạ cetanreye decʼena.

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

Exodus 3:11

Menkhan Mose do Isore metadea, “Iń do nonkan celegeń baṅkana, one Pharao ṭhen senkate Misor khon Israelkoń oḍok ạgu daṛeako.”

Jirimiạ 1:6

Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Jirimiạ 36:5

Ona tayom Jirimiạ do Baruke metadea, “Iń do Probhu Isorakʼ oṛakʼte bolokʼ iń baron ocoakante onḍe do bạń bolo daṛeakʼa.

Numeri 11:27

Unre mitʼṭecʼ juạn hoṛ do dạṛ idikate Moseye metadea, “Eldad ar Medad do ḍerare nạbi lekate kathakin roroṛkana.”

Numeri 24:2

Uni doe ńelkeda, Israelko do akoakʼ khũṭ lekageko ḍera akana. Unre Isorren Jiu do uni cetanreye hecʼena,

1 Samuel 10:22

Unre hoṛko do Probhu Isorko kulikedea, “Nonḍe do cetʼ ar jãhãe menakʼkoa?” Probhu Isore menkeda, “Ńelpe, uni do asbabko talareye oko akana.”

1 Samuel 10:6

Unre Probhu Isor do acʼren jiuteye sarbharaomea, ar onate amhõ onko sãote nạbi leka katham roṛa. Ar eṭakʼ lekan hoṛem hoyokʼa.

1 Samuel 20:26

Enhilokʼ Sạul do cetʼge bae menleda, enteye hudiskeda, hoedaṛeakʼa Dạud do jãhãnakʼ iạteye besapha akana; ar khạṭige uni do bae saphawa.