Numeri 11:25 - সান্তালী বাইবেল

²⁵ Unre Probhu Isor do ona rimilreye pheḍ hecʼente Mose sãoteye galmaraokeda. Ar Mose cetanre okoe Jiue tahekan uni do onko eaegel murubbiko cetanre hõe emena. Ar tinre uni Jiu onkoreye hecʼena unre onko do thoṛa ghạṛicʼ lạgitʼ nạbi lekate kathako roṛkeda.

Numeri 11:25 Iomraidhean Croise

2 Rapajko 2:15

Jerikhoren okoe nạbiko onḍeko teṅgo akan tahẽkan onko do Elisae hijukʼko ńelkede khanko menkeda, “Eliạren jiu do Elisae cetanreye thamgạḍi akana.” Onko do Elisae sãote ńapamokʼ lạgitʼko senena ar otre ombakʼkate ḍobokʼ adeteko metadea,

Nehemiạ 9:20

Ar onko cetʼako lạgitʼ do amren bhạlạiyicʼ atmam danatʼko tahẽkana. Am do onko jom ocoko lạgitʼ serma khon Mannam emalena ar ona do bam bondleda; ar onkoakʼ tetaṅ maraotako lạgitʼ do dakʼem ematʼkoa.

Sereńko 99:7

Uni do rimil reakʼ khunṭi khone roṛetʼkan tahẽkana; onko do uniyakʼ katha ar hukumko manaoetʼ tahẽkana.

Exodus 32:32

Menkhan ńitokʼ do ma dayakate onkoakʼ ghạṭko ikạ katakom, ar bam onkawako khan amakʼ puthi khon ińakʼ ńutum baṛe meṭao giḍikakʼme.”

Exodus 34:5

Probhu Isor do rimil khunṭi khon pheḍ hecʼkate Mose ṭhene teṅgoyena ar acʼakʼ “Probhu Isor ” ńutume lại jạhirketʼtea.

Exodus 40:38

Probhu Isorakʼ noa rimil do Israelkoakʼ goṭa daṛan horre sińre do onkoakʼ mẽtʼ samaṅre sekʼwa tạmbu cetanre ar ńindạ do onare seṅgel tahenkan tahẽkana.

Jesaea 63:11

Unre uniren hoṛ do mare din reakʼ katha, metakʼme Mose ar uniren hoṛko okte reakʼ kathako disạkeda. Onkoko menkeda, “Okoe do acʼren hoṛko ar onkoren mukhiyạko jalapuri talateye ạyur ạguletʼko, okoe do onko talare tahen lạgitʼ iạte acʼren sonot Jiue ematʼko tahẽkan uni do okare menaea?

Jeheskel 8:11

Onako samaṅre Israelren gel eae murubbiko teṅgo akan ar onko talare Saphan hopon Jasaniạ teṅgo akaniń ńelkedea. Ar onko mimitʼkoakʼ tire do mitʼṭecʼkate dhup dạni tahẽkana ar ona khon dhũạ do rimil cetan secʼ rakabokʼkan tahẽkana.

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Numeri 12:5

Unre Probhu Isor do rimil khunṭi khon ńapamokʼ tạmbu reakʼ duạr ṭhen teṅgo akan Aron ar Mạriạme hohowatʼkinạ. Arkin hecʼ soren khan Probhu Isor doe metatʼkinạ, “Ińakʼ katha ańjom ben. Ape talare jãhãege nạbiye tahen khan iń Probhu Isorge dorson hotete uni ṭheniń sodorokʼa ar kukmũ talate uni sãoteń galmaraoa.

Numeri 16:25

Niạ katha ańjomkate Mose do beretʼente Dathan ar Abiram ṭhene senena ar Israelren murubbiko hõ uniko pańjakedea.

Numeri 24:2

Uni doe ńelkeda, Israelko do akoakʼ khũṭ lekageko ḍera akana. Unre Isorren Jiu do uni cetanreye hecʼena,

Numeri 27:18

Probhu Isor do Moseye roṛ ruạṛadea, “Nunren hopon Josuạre Isorren Jiu menaea. Am do ạguyem ar uni cetanre amakʼ ti capoetam.

Aposkạmi 11:28

Onko modren Agabus ńutuman mitʼ hoṛ doe teṅgoyente sonot Jiuakʼ ạyurteye lại lahakeda je, goṭa Rom disạmre mitʼṭecʼ maraṅ akal hoyokʼa. (Ona do Klạudius raj oktere hoylena.)

1 Korinthiko 14:32

Nạbikoakʼ Jiu do ako apnarakʼ gobolrege tahena.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

Bikʼcạrko 3:10

Probhu Isorren Jiu do uni cetanreye hecʼena ar uni do Israelkoren raje hoyena. Uni do tinre lạṛhại lạgitʼe oḍok senena unre Probhu Isor Aramren raj Kusan-Risithayim do uniyakʼ tireye jimạkedea, ar onate uni doe bhagaokedea.

1 Samuel 10:10

Sạul ar uniren guti do Gibeate kin seṭeren khan mitʼ dol nạbiko sãotekin ńapamena. Unre Isorren Jiu do Sạule sarbharao ocokedea, ar uni do nạbiko talare senkate Isorakʼ katha lạlạiye ehopʼena.