Numeri 11:2 - সান্তালী বাইবেল

² Noa iạte onko do Mose ṭhenko rakʼkeda ar uni do Probhu Isor ṭhene koekeda. Ar onate seṅgel do ĩṛĩcʼena.

Numeri 11:2 Iomraidhean Croise

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Exodus 10:18

Unre Mose do Pharao ṭhen khon ruạṛkate Probhu Isor ṭhene nehõrena.

Jesaea 37:4

Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 37:3

Enhõ mitʼdin Sedekiạ raj do Selemiạ hopon Jehukal ar Maseya hopon naeke Sephaniạ tekin Jirimiạ nạbi ṭhen kolketʼkinteye roṛgotʼkada, “Am do dayakate, aboren Probhu Isor ṭhen ale lạgitʼ koeme.”

Numeri 12:11

Ona ńelte uni do Moseye metadea, “E ạlińren kisạ̃ṛ, bebuj iạte okaliń kại akatʼ ona do alom sabtạlińa.

Numeri 12:13

Unre Mose do ãṭ aṛaṅte hohoate Probhui metadea, “E Isor, uni baṛe bogeyeme.”

Numeri 21:7

Unre hoṛko do senkate Moseko metadea, “Ale do Probhu Isor ar am upạrte kathale roṛ akatʼte ạḍile kại akada. Am do ńitokʼ Probhu Isor ṭhen nehõrokʼme jemon ale ṭhen khon bińkoe pharakʼko.” Unre Mose do hoṛko lạgitʼe nehõrena.

Aposkạmi 8:24

Unre Simone roṛ ruạṛkeda, “Abenge Probhu ṭhen iń lạgitʼ koeben jemon aben okaṭakʼ ben roṛakatʼ ona ińre alo hoyokʼ.”

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.