Numeri 10:9 - সান্তালী বাইবেল

⁹ Apnarakʼ disạmre tahen jokhecʼ aperen bạiriko sãotepe lạṛhạire banar pepṛẽtʼ mitʼ dhaotepe oroṅa. Unre aperen Probhu Isor do ape lạgitʼe dạndikʼte bạirikoakʼ ti khone rukhiyạpea.

Numeri 10:9 Iomraidhean Croise

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

2 Bõsbudạ 13:14

Jihudạren hoṛko do ạcuren khanko ńelkeda, lạṛhại phạdko do ako samaṅ ar tayom banar secʼrege menakʼko. Unre onko do Probhu Isor ṭhenko rakʼkeda. Ar naekeko do akoakʼ sakwako oroṅkeda ar Jihudạren hoṛko do lạṛhại lạgitʼko hohokeda. Ar onko do lạṛhại reakʼ tinreko hohokeda unre Abiạ ar Jihudạren hoṛko samaṅ khon Isor do Jerobiam ar sanam Israelkoe bhagaoketʼkoa.

Sereńko 106:4

E Probhu Isor, amren hoṛko secʼ dayam udugre iń do alom hiṛińińạ; ar onkom bańcaoko oktere iń secʼ hõ ti tiyạr do alom hiṛińa.

Sereńko 106:42

Onkoren bạiriko do ako cetanre santaoko ehopʼkeda; ar onko gobolreko tahẽyena.

Sereńko 136:23

Uni do aboakʼ bạpuṛicʼ dosaye disạketʼtabona; ente uniyakʼ dulạṛ do jaejuggetaea.

Jesaea 18:3

E dhạrtiren hoṛko, E dhạrtire girobasokʼ kanko, ape do tinre buru boṭkocʼ cetanre jhạnḍi rakabokʼa ona ńelpe, ar tinre sakwa saḍekʼa ona ańjompe.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 4:21

Tinạkʼ din nisạn do tul akaniń ńela, ar tinạkʼ din sakwa reakʼ saḍe doń ańjoma?

Jirimiạ 4:5

“Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

Jirimiạ 6:17

Ape cetanre pahradarko bahalkateń metatʼkoa, ‘sakwa reakʼ saḍe moneyakʼpe.’ Menkhan apepe meneda, ‘ale do bale moneyakʼa.’

Jeheskel 7:14

Hoṛko do sakwa oroṅkate sanamakʼko sapṛao dohoakada, menkhan lạṛhại lạgitʼ do celege bako oḍok calakʼkana, ente ińakʼ jaljalao edre do disạmren sanam hoṛko cetanre menakʼa.

Hosea 5:8

“Ape do Gibiạre siṅgạ ar Ramare do pẽpṛẽtʼpe oroṅeda. Ar Beth-Abnere do hohoatepe meneda, ‘E Benjamin, lạṛhại baṛe ạyur bonme.’

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Sephaniạ 1:16

Ona do pạcrite esetʼ joto nagrahako upạrte ar konac reakʼ sanam khon usul pahra oṛakʼ upạrte sakwa reakʼ saḍe ar lạṛhại reakʼ hoho dinge hoyokʼa.

Numeri 31:6

Ar Mose do mimitʼ gusṭiko khon mitʼ hajarkate hoṛ hataokate lạṛhại lạgitʼe kolketʼkoa. Onko sãote naeke Eleasarren hopon Pinhas hõ lạṛhại lạgitʼe kolkedea. Uni do thoṛa sonot jinisko ar pẽpṛẽtʼkine soṅge torakeda.

1 Korinthiko 14:8

Lạṛhại siṅgạ pusṭạute baṅ saḍelen khan, enḍekhan lạṛhại lạgitʼ okoe haleye sapṛaokokʼa?

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

Josuạ 6:5

Ar tinre naekeko do mitʼ dhãote sakwako oroṅa unre sanam hoṛko ãṭ aṛaṅtepe hohoya. Onate nagraha reakʼ pạcri bhit do lạnduṛ ńurokʼa ar Israelko do onateko decʼ bolokʼa.”

Bikʼcạrko 10:12

Tinre Sidonrenko, Amalekiko ar Maonirenkoakʼ santao iạte goṛo ńam lạgitʼ iń ṭhenpe rakʼkeda unre hõ onkoakʼ ti khoniń bańcaoletʼpea.

Bikʼcạrko 10:8

Inạ bochor onko do Israelkoko lạhutʼ cabaketʼkoa. Onko do jordan purub secʼ Amorikoakʼ disạm Gileadre girobasokʼkan Israelko gel irạl bochor hạbicʼ kosṭoreko dohoketʼkoa.

Bikʼcạrko 2:18

Probhu Isor do tinre onko lạgitʼ jãhãe disạm cakʼlaoyicʼe teṅgoyetʼko tahẽkana unrege uni do onko tulucʼe tahenkan tahẽkana. Ar disạm cakʼlaoyicʼ tinạkʼ din jiwetʼe tahenkan tahẽkan unạkʼ din bạirikoakʼ ti khon Israelkoe rukhiyạyetʼko tahẽkana. Onko do santao iạte tinreko rakʼetʼ tahẽkana unre Probhu Isor do onko cetanreye dayakʼ kan tahẽkana.

Bikʼcạrko 3:27

Onḍe Ephrayim reakʼ buru ṭoṭhare sakwae oroṅketʼ khan Israelko do uni sãote buru khon latarteko pheḍ hecʼente uniko pańja idikedea,

Bikʼcạrko 6:34

Unre Probhu Isorren Jiu do Gideone daṛe ocokedea. Ar Gideon do sakwae oroṅkeda ar Abieser gusṭirenko acʼ ṭhen hecʼkateko jarwayena.

Bikʼcạrko 6:9

Misor reakʼ ektiạri khon ar sanam sasantaokoakʼ ti khon ińgeń rukhiyạ akatʼpea. Ape samaṅ khon ińgeń laga ńir akatʼkoa ar onkoakʼ disạmiń emakatʼpea.

1 Samuel 10:18

Uni do onkoe metatʼkoa, “Israelkoren Probhu Isore menakada, ‘Misor disạm khon ińgeń oḍok ạgu akatʼpea, ar Misorrenkoakʼ ti khon okako rajosṭi do ape cetanre santaoko calaoetʼ tahẽkan onkoakʼ ti khon hõ ińgeń bańcao akatʼpea.’ ”