Numeri 10:12 - সান্তালী বাইবেল

¹² Ar Israel hoponko unre sinại hahaṅkarko bạgiyatʼte onḍe khonko mohnḍayena. Ar Paran hahaṅkarre ona rimil ạuri teṅgokʼ hạbicʼ onko do calakʼtegeko tahẽyena.

Numeri 10:12 Iomraidhean Croise

Genesis 21:21

Uni do Paran ńutumanakʼ mitʼṭecʼ hahaṅkar ṭoṭhare girobasokʼe ehopʼena. Ar uniren eṅgattetʼ do Misor disạmren mitʼṭen kuṛi sãoteye baplakadea.

1 Rapajko 11:18

Onko do Midiạn khon mohnḍakate Paranteko parom senlena ar onḍe khon thoṛa hoṛ soṅgekate Misorren Pharao raj ṭhenko senlena. Ar Pharao do oṛakʼ-duạr khet-baṛge ar jomakʼko Hadade emadea.

Exodus 13:20

Niạ tayom onko do Sukot nagraha khon mohnḍakate hahaṅkar reakʼ Etamko metakʼ jaegareko ḍerayena.

Habakkuk 3:3

Isor do Teman khone hijukʼkana, uni sonoticʼ do Paran buru khone hijukʼkana. [Sela] Uniyakʼ ṭhonok do sermae tiyokʼakada; dhạrti do uniyakʼ sarhaote perecʼ akana.

Numeri 1:1

Israelko Misor disạm khonko oḍok hecʼen tayom dosar bochor reakʼ dosar cando reakʼ pạhil hilokʼ Probhu Isor do sinại hahaṅkarre ńapamokʼ tạmbure Mose galmaroadeteye metadea,

Numeri 10:33

Nonkate Israelko do Probhu Isorakʼ buru khonko mohnḍayente pe din reakʼ horko sen idiyena. Ar jirạukʼ lạgitʼ mitʼṭecʼ jaega sendra ńam lạgitʼ Probhu Isorakʼ bondobos sinduk do pe din hạbicʼ onko laha lahate sen idiyena.

Numeri 12:16

Inạ tayom Israelko do Hasoret bạgikate Paran hahaṅkarte senkateko ḍerayena.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Numeri 13:3

Probhu Isorakʼ hukum ńamkate Mose do onkageye kạmikeda. Uni do Paran hahaṅkar ṭoṭha khon okoekoe kolketʼko onko sanamkoge Israelkoren mukhiyạko tahẽkana.

Numeri 2:34

Probhu Isorakʼ hukum lekage Israelko do jotowakʼko cekayetʼ tahẽkana. Ar uniyakʼ hukum lekage onko do apan ạpin dolreko ḍerakʼkan tahẽkana ar uniyakʼ hukum lekage apan ạpin gusṭi ar gharońj lekateko mohnḍakʼkan tahẽkana.

Numeri 9:1

Israelko Misor disạm khonko oḍok hecʼen dosar bochor reakʼ pạhil candore Probhu Isor do Sinại reakʼ hahaṅkarre Moseye galmaraoadea,

Numeri 9:17

Ar sekʼwa tạmbu cetan khon tinre rimil ocogokʼkan tahẽkana unre Israelko do onḍe khonko uṭhạukʼkan tahẽkana. Menkhan okare ona rimil teṅgokʼkan tahẽkan onḍege onko doko ḍerakʼkan tahẽkana.

Numeri 9:5

Onate bochor reakʼ pạhil cando reakʼ gelponakʼ dinre siń candoe hạsuren tayom onko do sinại hahaṅkarreko porobena. Ar Probhu Isor do Mose okalekae hukumade tahẽkan onkage Israelko do jotowakʼko kạmikeda.

Dosar Biboron 1:1

Mose do jordan gaḍa purub secʼ reakʼ hahaṅkar jaegare, metakʼme Arabatre sanam Israelkoe galmaraoatʼkoa. Ar oka jaegareye galmaraoatʼko ona do Sup samaṅ secʼre tahẽkana. Ona reakʼ mitʼ secʼre do Paran, Tophel, Laban, Haserot ar Di-Sahab tahẽkana.

Dosar Biboron 1:19

“Inạ tayom aboren Probhu Isorakʼ hukumte abo do Horeb buru bạgikate Amorikoakʼ buru ṭoṭha secʼ bon mohnḍa idiyena. Tinạkʼ maraṅ ar tinạkʼ botoranakʼ hahaṅkar talatebon calaolen ona dope ńelakada. Nonkate abo do Kadesre senkate bon seṭerena.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

1 Samuel 25:1

Tayomte Samuel doe gocʼena. Ar Israelren sanam hoṛko do jarwa mitʼkate uni lạgitʼko homor halaṅkeda. Onko do Ramare uniyakʼ oṛakʼregeko topakadea. Ona tayom Dạud do Paran hahaṅkarteye calaoena.