Numeri 10:10 - সান্তালী বাইবেল

¹⁰ Apeakʼ rạskạ ar porob oktere, ape lạgitʼ niṭ akan eṭakʼ eṭakʼ porobkore ar cando reakʼ jeredokʼ samaṅokʼakʼ ar sulukren samaṅokʼakʼpe samaṅre pepṛẽtʼpe oroṅa. Onate ape do Isor samaṅrepe hạjir ocokʼa. Ar iń kangeạń aperen Probhu Isor do.”

Numeri 10:10 Iomraidhean Croise

2 Rapajko 4:23

Uniren jãwãetetʼe menkeda, “Uni ṭhen teheń do cedakʼem calakʼa? Teheń do ambas ńindạ hõ baṅkana, ar jirạukʼ mãhã hõ baṅkana.” Uni doe menkeda, “Onate do baṅ cekakʼa.”

1 Bõsbudạ 15:28

Nonkate sanam Israelko do ãṭ aṛaṅte hohowate, pẽpṛẽtʼ ar sakwa oroṅate, kortal ruwate, binạ banama ar peṛesaṅ banamate Probhu Isorakʼ sinduk do Jerusalemteko ạgukeda.

1 Bõsbudạ 16:42

Isor ńutumte sereń jokhecʼ pẽpṛẽtʼ kortal ar eṭakʼ bajnako rui lạgitʼ si Hemon ar Jiduthon cetanre bhar tahẽkana. Ar Jiduthon bõsren hoṛko do rurukhiyạ lekateko bahal ocolena.

2 Bõsbudạ 29:26

Ona iạte Liwiko do Dạudakʼ bajnako ar naekeko do akoakʼ sakwakoante onḍe senkateko teṅgoyena.

2 Bõsbudạ 29:28

Sekʼreń dolko do sereń ar sakwa oroṅko do sakwa oroṅtegeko tahẽyen khan sanam hoṛko do otre taberkate Probhu Isorko ḍobokʼadea. Jeredokʼ samaṅokʼakʼ porob ạuri mucạdokʼ hạbicʼ onkageko hoyocokeda.

2 Bõsbudạ 7:6

Naekeko do akoakʼ ṭhạ̃ireko teṅgoyena ar Liwiko hõ Probhu Isor ńutumte banam ar rui lạgitʼ akoakʼ jaegareko teṅgoyena. Ar naekeko ar Liwiko do samna sạmniko teṅgoyente sakwako oroṅkeda ar sanam Israelko doko teṅgo tahẽyena. Liwikoakʼ niạ banam ar ruruwakʼko Dạud raj do Probhu Isor sarhaoe lạgitʼe benao ocoleda ar onakoe banam are ruyetʼ tahẽkana ar Probhu Isor sarhaoateye menetʼ tahẽkana, “Uniyakʼ dulạṛ do jaejug hạbicʼ tahenkana.”

Esra 3:10

Ado rajmistriko Probhu Isorakʼ oṛakʼ reakʼ rehetʼ tinreko bạisạukeda unre Israelren raj Dạudakʼ hukum leka Probhu Isorakʼ ṭhonok hoyokʼ lạgitʼ naekeko do akoakʼ kicricʼko horokʼketʼte sakwako hataokeda ar liwiko mod khon Ashapren hoponko do kortalante apan ạpin jaegareko teṅgoyena.

Sereńko 150:3

Sakwa oroṅte uni sarhaoepe, peṛesaṅ ar binạ banamkote uni sarhaoepe.

Sereńko 81:3

Aboakʼ porob din reakʼ ambasre ar kunạmire sakwa oroṅpe;

Sereńko 81:4

ente ona kangea Israelkoakʼ niạm, Jakobren Isorakʼ ạn do.

Sereńko 89:15

Bhạgangeako onko hoṛ do, okoe do ona rạskạ aṛaṅko ańjomakatʼ; E Probhu Isor, amakʼ mẽtʼãhã reakʼ marsalte onko doko dãṛãn kana.

Exodus 28:29

“Sonot ṭhạ̃ite bolokʼ jokhecʼ Aron do ińakʼ hukum baḍae lạgitʼ noa koṛam aḍokʼakʼ cetanre olakan Israel hoponkoakʼ ńutum do koṛamreye lade joṅa. Noa koṛam aḍokʼakʼ do jao okte Probhu Isor samaṅre tahena.

Exodus 30:16

Israelko ṭhen khon jiwi-dam reakʼ rupạ hataokate ona do ńapamokʼ tạmbu reakʼ kạmire beoharokʼa. Noa jiwi-dam oka do apeakʼ jiwi bodolte emokʼ hoyokʼ ona do Probhu Isor samaṅre Israelkoakʼ mitʼṭecʼ dikʼsạwakʼge hoyokʼtakoa.”

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Numeri 10:9

Apnarakʼ disạmre tahen jokhecʼ aperen bạiriko sãotepe lạṛhạire banar pepṛẽtʼ mitʼ dhaotepe oroṅa. Unre aperen Probhu Isor do ape lạgitʼe dạndikʼte bạirikoakʼ ti khone rukhiyạpea.

Numeri 28:11

“Mimitʼ cando reakʼ pạhil dinre Probhu Isor ńutumte jeredokʼ samaṅokʼakʼ lạgitʼ barea ḍaṅgra, mitʼṭen bheḍa ar mitʼṭen mitʼ bochorren eae goṭen bheḍa hopon samaṅko hoyokʼa. Ar onko jotoge jemon niphuṭ utạrko hoyokʼ.

Numeri 29:1

“Eae cando reakʼ pạhil tạrikre ape do mitʼṭecʼ sonot ńapamokʼ sabhape hoeocoya. Ar enhilokʼ do jãhãn khaṭaoteakʼ kạmi do alope kạmiya. Enhilokʼ do sakwa okʼroṅ din porob hoyokʼa.

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Aposkạmi 10:4

Kornelius doe botorente serma goḍet secʼ beṅgetʼkateye menkeda, “ Ma roṛme, E Probhu Isor.” Serma goḍete menkeda, “Amakʼ koejoṅ ar reṅgecʼ orecʼkom dan akokan reakʼ katha do sermate seṭer akana ar Isor do onae disạ dohoakada.

1 Thessalonikikko 4:16

Ar ãṭ aṛaṅte hukum são sãote maraṅ utạricʼ goḍetakʼ hoho ar Isorakʼ siṅgạ reakʼ saḍe soṅgete Probhu Isor do serma khone pheḍ hijukʼa. Ar okoe Mạsi tulucʼ mitʼkateko gocʼ akan onkoge pạhilreko jiwetʼ beredokʼa.

1 Thessalonikikko 4:18

Ona iạte noako kathate ape apere jiwi raṛejtape.

Josuạ 6:4

Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

1 Samuel 20:5

Dạude menkeda, “Ńelben, gapa do molokʼ cando kana. Ar raj sãote ạlińakʼ do jojom duṛupʼ reakʼ katha menakʼtạlińa. Menkhan aben do sen ocoạliń ben. Ạliń do meyaṅ ạyupʼ hạbicʼ ṭạnḍire oko akanliń tahena.