Numeri 10:1 - সান্তালী বাইবেল

¹ Probhu Isor do Mose galmaraoadeteye metadea,

Numeri 10:1 Iomraidhean Croise

Genesis 42:13

Menkhan onkoko menkeda, “Amren golamko do jotote gelbar boehako kanale. Ale do Kanan disạmren mitʼhoṛ ren hopon kangeale. Aleren huḍiń utạricʼ boeha do ńitokʼ aleren baba ṭhen menaea, ar aleren armitʼ boeha do jiwetʼ bạnuitalea.”

Genesis 46:15

Ar hoponera Dina sudhạ noko do Lea secʼte Jakobren bõsko. Noko do Padan-Aramreko janamlena. Jakobren noko bõsko do jotote pegel pe hoṛko tahẽkana.

2 Samuel 6:15

Unre Dạud ar Israelren sanamko rạskạte hoho hohowate ar sakwa oroṅ oroṅte Probhu Isorakʼ sindukko ạgukeda.

2 Rapajko 11:14

Uni doe ńelkeda raj do tham khunṭi aṛereye teṅgo akana. Ar Subedarko ar sakwa okʼroṅko do raj beṛhaeteko teṅgo akana ar disạmren sanam hoṛ doko rạskạkʼ kana ar sakwako oroṅeda. Niạ ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! Hul!”

2 Bõsbudạ 23:13

Uni doe ńelkeda, Probhu Isorakʼ oṛakʼte bolokʼ reakʼ horre raj do acʼakʼ khunṭi ṭhene teṅgo akana ar subedarko ar sakwa okʼroṅko do raj beṛhaeteko teṅgoakana. Ar disạmren sanam hoṛ doko rạskạkʼ kana ar sakwako oroṅeda ar sekʼreńko do bajnawateko sereńeda. Noa ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! hul!”

2 Bõsbudạ 7:6

Naekeko do akoakʼ ṭhạ̃ireko teṅgoyena ar Liwiko hõ Probhu Isor ńutumte banam ar rui lạgitʼ akoakʼ jaegareko teṅgoyena. Ar naekeko ar Liwiko do samna sạmniko teṅgoyente sakwako oroṅkeda ar sanam Israelko doko teṅgo tahẽyena. Liwikoakʼ niạ banam ar ruruwakʼko Dạud raj do Probhu Isor sarhaoe lạgitʼe benao ocoleda ar onakoe banam are ruyetʼ tahẽkana ar Probhu Isor sarhaoateye menetʼ tahẽkana, “Uniyakʼ dulạṛ do jaejug hạbicʼ tahenkana.”

Esra 3:10

Ado rajmistriko Probhu Isorakʼ oṛakʼ reakʼ rehetʼ tinreko bạisạukeda unre Israelren raj Dạudakʼ hukum leka Probhu Isorakʼ ṭhonok hoyokʼ lạgitʼ naekeko do akoakʼ kicricʼko horokʼketʼte sakwako hataokeda ar liwiko mod khon Ashapren hoponko do kortalante apan ạpin jaegareko teṅgoyena.

Sereńko 47:5

Isor do hulạs aṛaṅre menaea, Probhu do sakwa reakʼ sạderege menaea.

Sereńko 81:3

Aboakʼ porob din reakʼ ambasre ar kunạmire sakwa oroṅpe;

Sereńko 98:6

Pẽpṛẽtʼ ar sakwa oroṅate Probhu raj samaṅre rạskạ sereńpe.

Numeri 1:52

Apan ạpin dol lekate Israelko do akoakʼ tạmbuko bereda. Ar jotoge akoakʼ niṭ akatʼ ṭhạ̃ire apan ạpin nisạn ṭhen phạd phạdko ḍerakʼa.

Numeri 10:2

“Rupạ reakʼ barea pepṛẽtʼ benao ocoyme. Israelko hoho jarwako lạgitʼ ar eṭakʼ eṭakʼ dolko uṭhạu ocoko lạgitʼ am do noam oroṅa.

Numeri 29:1

“Eae cando reakʼ pạhil tạrikre ape do mitʼṭecʼ sonot ńapamokʼ sabhape hoeocoya. Ar enhilokʼ do jãhãn khaṭaoteakʼ kạmi do alope kạmiya. Enhilokʼ do sakwa okʼroṅ din porob hoyokʼa.

Numeri 7:2

Ona tayom Israelkoren mukhiyạko, metakʼme khũṭren mathako do sandesko ạgukeda. Noko gusṭikoren mathako cetanrege hoṛ lekhako reakʼ bhar do tahẽkana.

Numeri 9:23

Probhu Isorakʼ hukumtege onko doko ḍerakʼkan tahẽkana ar Probhu Isorakʼ hukumtegeko mohnḍakʼkan tahẽkana. Mose hotete emakʼ hukum lekage onko do Probhu Isorakʼ hukumko dohoyetʼ tahẽkana.

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Josuạ 6:4

Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

Johan sodor 8:2

Ar okoe eae goṭen serma goḍetko Isor samaṅreko teṅgo akan tahenkan onkoń ńelketʼkoa. Onko do tire eae goṭecʼ siṅgạko ematʼkoa.

Bikʼcạrko 7:20

Pe dolren hoṛge mitʼ dhaoteko rạputʼkeda. Ar leṅga tire mosal ar jojomtire sakwa hataokate onko do ãṭ aṛaṅteko hohokeda, “Probhu Isor ńutumte tarwaṛe ar Gideon ńutumte tarwaṛe.”