Numeri 1:53 - সান্তালী বাইবেল

⁵³ Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Numeri 1:53 Iomraidhean Croise

1 Bõsbudạ 23:32

Nonkate Liwiko do ńapamokʼ tạmbu ar sonot ṭhạ̃i reakʼko ńel todarotetʼ tahẽkana ar Probhu Isorakʼ oṛakʼ reakʼ sapʼsor kạmi lạgitʼ onkoren boeha Aron bõsrenkoakʼ tabere tahẽkateko kạmikan tahẽkana.

2 Bõsbudạ 13:10

“Menkhan ale do onka dole baṅkana, Probhu Isorge aleren Isor do. Ale do bale bạgi giḍiakadea. Okoeko naeke do Probhu Isorko sewawae kan onko do Aron bõsren hoṛ kanako, ar Liwiko hõ akoakʼ niṭ akatʼakʼ reakʼgeko kạmikana.

2 Bõsbudạ 13:11

Onko do dinạm hilokʼ setakʼ ar ạyupʼ jokhecʼ Probhu Isor ńutumte jeredokʼ samaṅokʼakʼko samaṅeda ar jut so dhupko jeretʼeda. Onko do saphawakʼ ṭebilre dohoakan samaṅakʼ piṭhạko sajao dohokakʼ kana ar din hilokʼ ạyupʼ jokhecʼ sona reakʼ diuhe dohowakʼre diuheko jeretʼeda. Ale do aleren Probhu Isorakʼ hukum lekatele kạmikana, menkhan ape do unipe bạgi giḍiakadea.

Jirimiạ 23:15

“Ona iạte iń do phạdkoren Probhu Isorren nạbiko reakʼ iń roṛeda, iń do haṛhatʼakʼ jomakʼ ar bis dakʼgeń ńũ ocokoa, ente Jerusalemren nạbiko ṭhen khon do besonotakʼge goṭa disạmre oḍok akana.”

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Levitikus 10:6

Ona tayom Mose do Aron ar uniren banar hopon Eliasar ar Ithamare metatʼkinạ, “Duk iạte bohokʼ totolakʼ do aloben raṛaea ar kicricʼ hõ alo ben oṛeja. Arben onkae khan aben hõ ben gujukʼa ar goṭa Israel jạtrenko cetanre Probhu Isorakʼ edre do sodorokʼa. Menkhan Probhu Isor okoekin seṅgelteye gocʼketʼkin unkin lạgitʼ aperen peṛa pạrbhạko, metakʼme eṭakʼ Israelko doko rakʼ homor daṛeakʼa.

Numeri 1:50

Goha tạmbu reakʼ asbabko ar ona reakʼ sanamakʼ ńel jut reakʼ bhar do onko cetanrem dohoya. Onkoakʼ kạmi do hoyokʼa sekʼwa tạmbu ar ona reakʼ asbabko gokʼ bhạriạ idiya. Ar noa ńel jut reakʼ bhar hõ onko cetanrem dohoya ar onko do noa beṛhaete ḍerakʼ hoyokʼtakoa.

Numeri 1:54

Probhu Isor Mose okalekae hukumade tahekan onkage Israelko doko kạmikeda.

Numeri 16:46

Ona tayom Mose do Arone metadea, “Amakʼ dhup dạni hataome ar pinḍ reakʼ seṅgel ecʼkate onare dhup emakʼme ar usạra onko hoṛko ṭhen senkate kại ńutumte puruchunme. Probhu Isorakʼ edre do sodor akana, mahamạri ehopʼakana.”

Numeri 16:9

Ape lạgitʼ do cetʼ onage baṅ ḍhera je, Israelkoren Isor do somajren eṭakʼ hoṛko khon acʼ ṭhene begar ạguakatʼpea jemon Probhu Isorakʼ sekʼwa tạmburepe kạmi ar somajren hoṛko sapʼsorako lạgitʼ onko samaṅrepe teṅgo daṛeakʼ?

Numeri 17:7

Mose do onako ṭheṅga hataokate goha tạmbure Probhu Isor samaṅreye dohokeda.

Numeri 2:17

“Ona tayom Liwi gusṭirenko do ńapamokʼ tạmbu uṭhạukateko mohnḍakʼa. Noko do joto dol reakʼ nisạnrenko talareko tahena. Onko do cetʼleka ḍerareko tahẽkan onkage uṭhạukʼ hoyokʼtakoa. Ar mimitʼko do akoakʼ dol reakʼ nisạn sãote tahen hoyokʼtakoa.

Numeri 3:23

Ar Gersonrenko do pạchim aṛe sekʼwa tạmbu reakʼ tayom secʼre ḍerakʼ lạgitʼko men ocoyena.

Numeri 3:29

Sekʼwa tạmbu reakʼ dạkhin secʼ do Kohat gusṭirenko ḍerakʼ reakʼe metatʼko tahẽkana.

Numeri 3:35

Merari bõsren mukhiyạ do Abihayelren hopon Suriele tahẽkana. Onko do sekʼwa tạmbu reakʼ utạr secʼre ḍerakʼ lạgitʼko men ocolena.

Numeri 3:38

Ńapamokʼ tạmbu samaṅre, metakʼme sekʼwa tạmbu reakʼ purub secʼre do Mose, Aron ar uniren hoponko ḍerakʼ lạgitʼ metatʼko tahẽkana. Onkoakʼ dạyik do tahẽkana Israelko lekate sonot ṭhạ̃i reakʼ sanamʼ kạmiko jemonko kạmi. Onko chaḍa ar jãhãege sekʼwa tạmbu reakʼ ṭhonok ṭhạ̃iteye bolokʼ uni doe gocʼ ocokʼa.

Numeri 31:30

Israelkoakʼ hạṭiń reakʼakʼko baṅ do manwa, baṅ do ḍaṅgra, baṅ do gadha, baṅ do bhiḍi, merom se eṭakʼ jãhãn janwarko onko reakʼ mimitʼ mõṛẽgelko khon mitʼṭenkatepe begarkoa. Ar onko do Liwikope emakoa okoe cetanre sekʼwa tạmbu reakʼ ńeljut lạgitʼ bhar emakan.”

Numeri 31:47

Ar onko Israelko oka adha hạṭińko ńamketʼ onako khon Mose do mimitʼ mõṛẽgel kũạri kuṛiko khon mimitʼ hoṛkate ar mimitʼ mõṛẽgel janwarko khon mitʼṭecʼkate Probhu Isorakʼ hukum lekate Liwikoe ematʼkoa, okoe do sekʼwa tạmbu ńeljut reakʼ bharko em ocolen.

Numeri 8:19

Israelko talare noko do Aron ar uniren hoponkoń dan akawatʼkoa, jemon onko do Israelko secʼ khon ńapamokʼ tạmbure onkoakʼ kại ńutumte puruchun reakʼko kạmi. Ar jemon Israelko sonot ṭhạ̃i ṭhenko senlenre hõ jãhãn muskil alo hoyokʼtako.”

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

1 Samuel 6:19

Bet-semesren adom hoṛ do Probhu Isorakʼ sinduk bhitri secʼko oyoṅletʼte Probhu Isor do onkoe gocʼ giḍikatʼkoa. Uni do unre onḍenko mõṛẽ hajar eaegel hoṛe gocʼketʼkoa. Are ńẽtʼletʼkote hoṛko do rakʼ homorko ehopʼena.