Numeri 1:4 - সান্তালী বাইবেল

⁴ Onko do mimitʼ gusṭi khon mitʼ hoṛkate amko goṛowama, ar uni hoṛ do onko gusṭiren mathae hoyokʼa.

Numeri 1:4 Iomraidhean Croise

1 Rapajko 8:1

Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Exodus 18:25

Uni do sanam Israelko tala khon lekman hoṛkoe bachaoketʼkote mukhiyạko lekateye bahalketʼkoa- adomko do hajarko cetanre, adomko do saeko cetanre, adomko do mõṛẽgelko cetanre ar adomko do gelko cetanre.

Numeri 1:16

Israelko tala khon okoe hoṛko bahal ocoyen onko doko hoyokʼkana onkoren hapṛamkoakʼ gusṭiren mukhiyạko ar Israelkoren eṭakʼ eṭakʼ khũṭren mathakoge.

Numeri 1:44

Mose, Aron ar Israelren gelbar mukhiyạko hotete noko hoṛ doko lekha ocolena. Onko do jotoge apan ạpin bõsren mathako tahẽkana.

Numeri 17:3

Liwi khũṭ reakʼ ṭheṅgare do Aronakʼ ńutumem ola, ente hapṛamkoakʼ khũṭ lekate mimitʼ khũṭren mukhiyạko lạgitʼ mitʼṭecʼkate ṭheṅga tahena.

Numeri 25:14

Ar okoeṭakʼ Israel hoṛ do Midiạnren kuṛi sãoteye gocʼ ocoyen uniyakʼ ńutum do Simerai tahẽkana. Uni do Sạluren hopon ar Simeon gusṭikoren mitʼṭen mukhiyạ hoṛe tahẽkana.

Numeri 25:4

Probhu Isor do Moseye metadea, “Israelkoren sanam mukhiyạkom sapʼkoa arem gocʼkoa ar onkoakʼ mạ̃ṛĩ do siń reakʼ marsalre iń samaṅrem giḍikakʼa. Tobe anecʼ Israel hoponko cetan khon ińakʼ edre do ocogokʼtińạ.”

Numeri 30:1

Mose do Israel gusṭiren mukhiyạkoe galmaraoatʼkoa, “Probhu Isore hukum akada jãhãe hoṛ Probhu Isor ṭhen jãhãnakʼ manotakʼ lạgitʼe dohoakatʼ khan se kiriạkate jãhãnakʼe gokʼakatʼ khan, enḍekhan uni do onae purạuma; ente uni okae menakatʼ ona do purạutege hoyokʼtaea.

Numeri 4:34

Gusṭi gusṭi ar gharońj gharońj lekate Mose, Aron ar Israelren mukhiyạko do Kohatrenkoe lekhaketʼkoa.

Numeri 7:2

Ona tayom Israelkoren mukhiyạko, metakʼme khũṭren mathako do sandesko ạgukeda. Noko gusṭikoren mathako cetanrege hoṛ lekhako reakʼ bhar do tahẽkana.

Dosar Biboron 1:15

Ona iạte aperen gusṭiko khon ạkilanko, bujhạntar hoṛko, namḍak hoṛko hataokate ape cetanre, hajarko cetanre, saeko cetanre, mõṛẽgelko cetanre, gelko cetanre mathako ar judạ judạ kạmiyạkoń bahalketʼkoa.

Josuạ 22:14

Onko do akoren mimitʼ gusṭi khon mitʼ hoṛkate jotote gel goṭen mukhiyạko Phinehas sãoteko kolkatʼkoa. Noko gelko do jotoge Israel bõsren mathako tahẽkana.