Numeri 1:33 - সান্তালী বাইবেল

³³ Ephrayem gusṭiko khon okoeko ńamen onko hoṛkoakʼ lekha do pongel hajar mõṛẽsae tahẽkana.

Numeri 1:33 Iomraidhean Croise

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

Genesis 48:5

Am ṭheniń hijukʼ lahare amren okoekin hoponkin janamlen unkin hõ ińren hoponko talarekin lekhakʼa. Ruben ar Simeon cetʼleka ińren kanakin onkage Ephrayem ar Manase hõ ińren kanakin.

Numeri 1:32

Josephren hoponko talare Ephrayem bõsrenko modren okoekoakʼ umer do bargel se ona khon ḍher, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate ńutum ol caṛhaoentakoa.

Numeri 1:34

Manase bõsrenko modren okoekoakʼ umer do bargel se ona khon bạ̃ṛti, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate ńutum ol caṛhaoentakoa.

Numeri 26:37

Noko do Ephrayim gusṭiren judạ judạ bõsren hoṛ kanako. Ar noko mod khon lekhare pegel bar hajar mõṛẽsae hoṛko tahẽkana. Bõs lekate nokoge Josephren bõsko tahẽkana.

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”