Numeri 1:16 - সান্তালী বাইবেল

¹⁶ Israelko tala khon okoe hoṛko bahal ocoyen onko doko hoyokʼkana onkoren hapṛamkoakʼ gusṭiren mukhiyạko ar Israelkoren eṭakʼ eṭakʼ khũṭren mathakoge.

Numeri 1:16 Iomraidhean Croise

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Exodus 18:25

Uni do sanam Israelko tala khon lekman hoṛkoe bachaoketʼkote mukhiyạko lekateye bahalketʼkoa- adomko do hajarko cetanre, adomko do saeko cetanre, adomko do mõṛẽgelko cetanre ar adomko do gelko cetanre.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Numeri 1:15

Ar Napthali gusṭiren Enanren hopon Ahira.”

Numeri 1:17

Probhu Isor okoekoakʼ ńutume menletʼ Mose ar Aron do onko kin hohowatʼkoa ar inạ bochor reakʼ dosar cando reakʼ pạhil hilokʼ do sanam Israel hoponko mitʼ ṭhenkin jarwaketʼkoa. Ar Israel hoponko do gusṭi ar gharońj reakʼ ńutum lekate onkoren hapṛamkoakʼ opromko emkeda. Ar unkin do bargel se ona khon ḍher umeran herel hoponkoakʼ ńutumkin ol caṛhaoketʼtakoa.

Numeri 1:4

Onko do mimitʼ gusṭi khon mitʼ hoṛkate amko goṛowama, ar uni hoṛ do onko gusṭiren mathae hoyokʼa.

Numeri 10:4

Ar mitʼṭecʼ oroṅokʼre Israelkoren eṭakʼ eṭakʼ bõsren mukhiyạko do am samaṅreko jarwakʼa.

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Numeri 26:9

ar Eliabren hoponkoakʼ ńutum do hoyokʼ kana Nemuel, Dathan ar Abiram. Dathan ar Abiram do Israelkoren mukhiyạkin tahẽkana okoe do Mose ar Aron upạrtekin teṅgolen. Arhõ Korah dolrenko Probhu Isor upạrte tinreko teṅgolena unre nukinhõ ona dolrenkin tahẽkana.

Numeri 30:1

Mose do Israel gusṭiren mukhiyạkoe galmaraoatʼkoa, “Probhu Isore hukum akada jãhãe hoṛ Probhu Isor ṭhen jãhãnakʼ manotakʼ lạgitʼe dohoakatʼ khan se kiriạkate jãhãnakʼe gokʼakatʼ khan, enḍekhan uni do onae purạuma; ente uni okae menakatʼ ona do purạutege hoyokʼtaea.

Numeri 7:2

Ona tayom Israelkoren mukhiyạko, metakʼme khũṭren mathako do sandesko ạgukeda. Noko gusṭikoren mathako cetanrege hoṛ lekhako reakʼ bhar do tahẽkana.

Dosar Biboron 1:15

Ona iạte aperen gusṭiko khon ạkilanko, bujhạntar hoṛko, namḍak hoṛko hataokate ape cetanre, hajarko cetanre, saeko cetanre, mõṛẽgelko cetanre, gelko cetanre mathako ar judạ judạ kạmiyạkoń bahalketʼkoa.

Bikʼcạrko 6:15

Gideone menkeda, “Menkhan E ińren Probhu Isor, iń do cekate Israelkoń bańcaokoa? Manase gusṭiko modre alege joto khon nicạṛ utạrko kanale, ar aleakʼ gharońjrenko modre hõ ińgeń huḍiń utạricʼ kana.”

1 Samuel 22:7

Uni do onkoe metatʼkoa, “Benjamin gusṭiren hoṛko ańjompe, Jisạiren hopon do cetʼ jaega-jumi ar darkha bagwankoe emakatʼpea? Uni do cetʼ hajarko cetanre ar sae saeko cetanre subedare bahalpea?

1 Samuel 23:23

Uniyakʼ joto okokʼ reakʼ ṭhạ̃i ciyạ ạguiytaepe. Ar ona tayom khạṭi khoborantepe ruạṛ hecʼlenre iń do ape sãoteń senokʼa. Ar disạm talareye tahen enḍekhan uni do Jihudạren sanam bõsko tala khoniń sendra oḍokea.”