Nehemiạ 9:5 - সান্তালী বাইবেল

⁵ Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Nehemiạ 9:5 Iomraidhean Croise

1 Rapajko 8:14

Ar noa menkate raj do jarwa akan sanam Israelko secʼe ạcurente onkoe bhoratʼkoa. Unre hoṛko doko teṅgo akan tahẽkana.

1 Rapajko 8:15

Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼ apnartetʼgeye purunkeda. Uni doe menleda,

1 Rapajko 8:22

Ona tayom Solomon do onḍe jarwa akan Israelko samaṅre Probhu Isorakʼ pinḍ ṭhen teṅgokate serma secʼ tiye tiyạrketʼtaea.

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

1 Bõsbudạ 16:36

Sirjạu reakʼ etohopʼ khon jaejug hạbicʼ Israelkoren Probhu Isorakʼ sarhao baṛe hoyokʼtae ma.” Inạ tayom sanam hoṛko menkeda, “Amen, Probhu Isorakʼge sarhao hoyokʼtaema.”

1 Bõsbudạ 29:11

E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.

1 Bõsbudạ 29:13

“Ńitokʼ do, E aleren Isor, amle sarhaoetʼme kana, amakʼ ṭhonok reakʼ ńutumle sarhaoetʼtama.

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

2 Bõsbudạ 20:13

Unre Jihudạren sanam hoṛko do akoren maejiuko, hoponko, hoponerako ar gidrạko salakʼ Probhu Isor samaṅreko teṅgo akan tahẽkana.

2 Bõsbudạ 20:19

Ona tayom Kohatren ar Korahe bõsren Liwiko do teṅgoyente ãṭ aṛaṅte Israelren Probhu Isorko sarhaokedea.

Esra 3:11

Onko do Probhu Isorakʼ sarhao ar ṭhonok reakʼ sereń sereńteko menkeda, “Uni doe bhạlạyạnicʼ kana, Israelko cetanre uniyakʼ daya do jaejug hạbicʼ tahenkana.” Probhu Isorakʼ oṛakʼ reakʼ rehetʼ bạisạuen khan sanam hoṛko do ãṭ aṛaṅte Probhu Isorko sarhaokedea.

Nehemiạ 9:4

Jesua, Bani, Kadmiyel, sebania, Buni, Serebia, Bani ar Kenani ńutuman Liwiko do macanre teṅgokate ãṭ aṛaṅte Probhu Isorko hohoadea.

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Jobakʼ 1:21

“Eṅgatakʼ lacʼ khon iń do uluṅgeń hecʼlena ar uluṅgeń calakʼa. Probhu Isorgeye emadiń tahẽkana ar Probhu Isorgeye idiketʼkoa; Probhu Isorakʼge sarhao hoyokʼtaema.”

Sereńko 106:2

Probhu Isorakʼ bhage kạmi reakʼ do okoe haleye lại daṛekea? Uniyakʼ joto sarhao do okoeye ańjom ocoketaea?

Sereńko 134:1

E Probhu Isorren golamko, okoe do Probhu Isorakʼ oṛakʼre ńindạ jokhecʼ unipe sapʼsorae kan, ape jotoge Probhu Isorakʼ sarhao sereńpe.

Sereńko 145:2

Din hilokʼ iń do amiń sarhaomea; ar jaejug amiń gun manao joharama.

Sereńko 145:5

Amakʼ man reakʼ mạhimawanakʼ ṭhonok kạnạń iń do amakʼ hahaṛawakʼko reaṅiń ganḍon joṅa.

Sereńko 146:2

Iń do goṭa jionge Probhu Isoriń sarhaoea; tinạkʼ din jiwetʼ iń tahena unạkʼ din Isorgeń sarhao sereńaea.

Sereńko 16:2

Iń do Probhu Isoriń menakawadea, “Am kangeam ińren kisạ̃ṛ do; am begor bhageakʼ do cetʼte hõ baṅ hoyokʼtińạ.”

Sereńko 66:2

Uniyakʼ sarhao sereńpe; uni do lek leka sarhaoepe.

Sereńko 99:3

Onko jạtrenko do uniko sarhaoema; uni do maraṅ ar botoranicʼ Isor kanae; uni doe sonotgea.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Daniel 2:20

Uni doe menkeda, “Isor do jaejug baṛe bhạganicʼe hoyokʼma; ạkil ar daṛe do uniyakʼge.

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Dosar Biboron 28:58

“Noa puthire olakan ạn-ạriko joton salakʼpe senakʼte ona lekape colon, metakʼme ‘aperen Probhu Isorakʼ ṭhonokte perecʼ ar botoranakʼ ńutum bape manot,

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

Bikʼcạrko 13:18

Uniye menkeda, “Ńutum do cedakʼem kuliyediń kana? Ińakʼ ńutum do okoege bako bujhạu daṛeakʼa.”