Nehemiạ 9:28 - সান্তালী বাইবেল

²⁸ “Menkhan tinre jirạuko ńametʼ tahẽkana unre onko do arhõ amakʼ mẽtʼre oka bạṛicʼakʼkan onageko kạmiyetʼ tahẽkana. Ar inạ tayom do bạirikoakʼ tirem jimạyetʼko tahẽkana jemon bạiriko do onkoren mạlikko hoyokʼ. Menkhan tinre arhõ am ṭhenko rakʼetʼ tahẽkana unre serma khon onkoakʼ ańjomkatem dayawako kan tahẽkana arem bańcaoetʼko tahẽkana.

Nehemiạ 9:28 Iomraidhean Croise

1 Rapajko 8:39

enḍekhan amakʼ tahen ṭhạ̃i serma khon onkoakʼ ańjomtakome ar ikạkakome; ar onkoakʼ kạmiko lekate bicạrtakome, ente am do onkoakʼ ontorem baḍaekana.

Sereńko 106:42

Onkoren bạiriko do ako cetanre santaoko ehopʼkeda; ar onko gobolreko tahẽyena.

Sereńko 136:24

Okoe do bạirikoakʼ ti khon aboe bańcaoketʼbon uni gun manao joharaepe; ente uniyakʼ dulạṛ do jaejuggetaea.

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

Bikʼcạrko 3:30

Ar enhilokʼ Moab disạm do Israelkoakʼ hatre hecʼena, ar irạlgel bochor hạbicʼ disạmre suluk tahẽyena.

Bikʼcạrko 4:1

Ehude gocʼen tayom Israelko do arhõ Probhu Isorakʼ mẽtʼre oka bạṛicʼakʼ kan onage kạmiko dhurạuena.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.