Nehemiạ 9:27 - সান্তালী বাইবেল

²⁷ Onatege am do bạirikoakʼ tirem jimạletʼkoa ar bạiriko do onkoko santaoetʼko tahẽkana. Onkoakʼ kosṭo oktere onko do am ṭhenko rakʼ homoretʼ tahẽkana ar am do serma khonem ańjomletʼtakoa. Amakʼ maraṅ daya iạte onko bańcaoko lạgitʼ hoṛkom kolletʼkoa. Ar bạirikoakʼ ti khon onkom bańcaoketʼkoa.

Nehemiạ 9:27 Iomraidhean Croise

2 Rapajko 13:5

Unre Probhu Isor do Israelko mitʼṭen babańcaoicʼe ematʼkoa. Onate Israelko do Aramrenkoakʼ ti khon rukhiyạko ńamkeda. Ona iạte onko do lahate leka arhõ sulukte girobasokʼko ehopʼena.

2 Rapajko 14:27

Probhu Isorakʼ sana do baṅ tahẽkana, serma latar khon Israelakʼ ńutum marao giḍikakʼ do. Ona iạte uni do Jehoasren hopon Jerobiam hotete onkoe bańcaoketʼkoa.

2 Rapajko 17:20

Ona iạte Probhu Isor do sanam Israelkoe nihạ̃t giḍiketʼkoa. Uni do harket sasetreye dohoketʼkoa ar luluṭkoakʼ tireye jimạkatʼkoa, ar mucạtʼre acʼ samaṅ khone ocokʼ giḍikatʼkoa.

2 Rapajko 17:39

bickom aperen Probhu Isorge dewa ar sewawaepe. Aperen sanam bạirikoakʼ ti khon unigeye bańcaopea.”

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

Sereńko 136:24

Okoe do bạirikoakʼ ti khon aboe bańcaoketʼbon uni gun manao joharaepe; ente uniyakʼ dulạṛ do jaejuggetaea.

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Obodiạ 1:21

Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.

Bikʼcạrko 2:18

Probhu Isor do tinre onko lạgitʼ jãhãe disạm cakʼlaoyicʼe teṅgoyetʼko tahẽkana unrege uni do onko tulucʼe tahenkan tahẽkana. Ar disạm cakʼlaoyicʼ tinạkʼ din jiwetʼe tahenkan tahẽkan unạkʼ din bạirikoakʼ ti khon Israelkoe rukhiyạyetʼko tahẽkana. Onko do santao iạte tinreko rakʼetʼ tahẽkana unre Probhu Isor do onko cetanreye dayakʼ kan tahẽkana.