Nehemiạ 9:25 - সান্তালী বাইবেল

²⁵ Onko do pạcrite esetʼ ḍher nagraha ar bhage jumikoko dokholana; ar bhage bhage jiniste perecʼ oṛakʼ-duạr ar benao ṭhikakʼ kuńko, darkha bagwanko, jạitun bagwanko ar ạḍi utạr jo teakʼ dareko ạidạriana. Onko do jomkateko tirpitena arko moṭayena ar amakʼ maraṅ bhạlạiteko hesecʼ sekrecʼlena.

Nehemiạ 9:25 Iomraidhean Croise

1 Rapajko 14:9

Am lahate okoeko tahẽkan onko khonhõ am do ḍher bạṛicʼem kạmi akada. Am do apnar lạgitʼ debotakom benao akawana ar chańcre dulakʼ muṭhạnem benao akada. Am dom be kusi ocoakadińa arem bạgi giḍi akadińạ.

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

Nehemiạ 9:35

Onkoakʼ rajokʼ oktere am emakʼ maraṅ ar rosaṛ disạmre asambheṛ bhạlạiko jomleda, enhõ onko do amko bạgi giḍiwatʼmea ar bạṛicʼ hor khon bako ruạṛlena.

Sereńko 105:44

Uni do eṭakʼ jạtrenkoakʼ disạm do Israelkoe ematʼkoa ar onko jạtrenkoakʼ khaṭao reakʼ jo do acʼren hoṛkoe ematʼkoa,

Sereńko 65:11

Bochor do ḍher okocʼ bhortem bhạlại akada; ar amakʼ dãṛãn reakʼ horre asambheṛ bhor do jhurokʼ kana.

Kạhtukko 30:9

Jemoniń bilenre aloń hiṛińme ariń men, “Probhu doe okoe kana?” Ar reṅgecʼlenre aloń kombṛoe ar ińren Isorakʼ ńutum aloń besonot ocoytae.

Jesaea 6:10

Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Jirimiạ 2:7

“Iń do mitʼṭecʼ asecʼ tasecʼ hoyokʼ disạmtegeń ạguletʼpea jemon onḍenakʼ jo ar bhage bhage jiniskope jom daṛeakʼ; menkhan ape do hecʼkate ińakʼ disạmpe bhonḍ akada, ar ińakʼ ạidạriyakʼko do kurudanakʼ jinisgepe hoyocoakada.

Jirimiạ 31:14

Naekeko do sanamakʼteń purunkoa, ar ińren hoṛko do ińakʼ bhor iạteko tirpidokʼa. Iń Probhu Isorge noa katha doń meneda.”

Jirimiạ 32:23

Onko do hecʼkate onako ạidạrian tahẽkana, menkhan onko do amakʼ katha bako ańjomleda ar amakʼ ạn-ạri leka bako senlena; ar okaṭakʼ cekae lạgitʼem hukumatʼko tahẽkan ona reakʼ cetʼge bako kạmileda. Ar onatege noako muhin do onkorem paṛao ocoleda.

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.

Daniel 11:24

Kisạ̃ṛ disạmrenko tinre khạtirjoma menteko hudisokʼa unrege uni do onko cetanre jhãpe ema ar uniren hapṛamko ar onko hapṛamkoren hapṛamko oka bako ceka daṛeakatʼ uni do onae kạmiya. Ar recʼ ạguwakʼ ar luṭakʼ jinisko ar dhon duribko uni do acʼren hoṛko talareye em hạṭińakoa. Uni do gaṛko dhaṅdhaser lạgitʼe soṛojontroya, menkhan ona do thoṛa din lạgitʼ hoyokʼa.

Hosea 13:6

Ar amren hoṛiń jom ocoletʼko tayom onko doko tirpitlena; ar tirpitente onko do bạḍạiteko perecʼena, ar ona tayom do ińko hiṛińkedińa.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Dosar Biboron 3:5

Noako nagrahako do usul pạcrikote esetʼ ạcur tahẽkana ar onare do phaṭok duạr ar hurkạṛko hõ tahẽkana.

Dosar Biboron 32:13

“Uni do pirthimi reakʼ usul jaegareye decʼ sen ocokedea disạm reakʼ mitʼ buru khon eṭakʼ burute; ar ot baṛge reakʼ phosole jom ocokedea. Uni do dumur rasa hõe cepecʼadea buru khoṅkor khon ńamokʼakʼge, uni do cạṭạni dhiri khon jạitun sunum hõe emadea.

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.